యాదగిరిగుట్ట మండలం వంగపల్లి రైల్వే క్రాసింగ్ సమీపంలో శనివారం ఉదయం సాంకేతిక లోపంతో గూడ్స్ రైలు నిలిచిపోయింది. దాంతో హైదరాబాద్ - కాజీపేట మధ్య రైళ్ల రాకపోకలకు తీవ్ర అంతరాయం ఏర్పడింది. ఈ నేపథ్యంలో కృష్ణా, ఇంటర్ సిటీ, ఏపీ ఎక్స్ప్రెస్లు భువనగిరి రైల్వే స్టేషన్లో నిలిచిపోయాయి.
  
 దీంతో ప్రయాణీకులు తీవ్ర ఇబ్బందులు పడుతున్నారు. గూడ్స్ రైల్లో సాంకేతిక లోపాన్ని నివారించేందుకు రైల్వే అధికారులు చర్యలు చేపట్టారు.