సాక్షి, సిటీబ్యూరో: 16 ఏళ్లకే 16 వేలకుపైగా అడుగుల పర్వతాన్ని అధిరోహించి అరుదైన ఘనత సాధించాడు హైదరాబాద్‌కు చెందిన విశ్వనాథ్‌ కార్తికేయ. అంటార్కిటికాలోని ఎత్తయిన శిఖరం మౌంట్‌ విన్సన్‌ మాసిఫ్‌(16,050 అడుగులు)ను అధిరోహించిన అతి పిన్న వయసు్కడైన భారతీయుడిగా రికార్డుల్లోకెక్కాడు. నిర్మల్‌ పుర్జా నేతృత్వంలో బూట్స్, క్రాంపాన్స్‌–ఎలైట్‌ ఎక్స్‌పెడ్‌ బృందంలో విశ్వనాథ్‌ ఈ నెల 3న శిఖరాగ్రానికి చేరుకున్నాడు. అనంతరం సురక్షితంగా బేస్‌ క్యాంప్‌నకు చేరుకు న్నాడు. నవంబర్‌ 21న హైదరాబాద్‌ నుంచి తన ప్రయాణాన్ని ప్రారంభించి, 25న యూనియన్‌ గ్లేసియర్‌కు చేరుకున్నాడు. అక్కడి వాతావరణానికి అలవాటు పడిన అనంతరం బేస్‌ క్యాంప్‌నకు తరలించారు. భిన్నమైన వాతావరణ పరిస్థితులు, సవాళ్లను ధైర్యంగా ఎదుర్కొని, లక్ష్యాన్ని సాధించాడు. ‘నీకు నచి్చంది చేయడం వల్ల సంతృప్తికరమైన, విజయవంతమైన జీవితం ఉంటుంది’అని తన తల్లి చెప్పేదని ఆయన అన్నారు.

సిలెసియా (పోలాండ్‌): క్రీడాకారులెవరైనా ఒకసారి ప్రపంచ రికార్డు సృష్టిస్తేనే ఎంతో గొప్ప ఘనతగా భావిస్తారు. రెండుసార్లు బద్దలు కొడితే అద్భుతం అనుకుంటారు... మూడుసార్లు వరల్డ్‌ రికార్డు నెలకొలి్పతే అసాధారణం అనుకుంటారు... మరి 10 సార్లు ప్రపంచ రికార్డులను సవరించిన వారిని ఏమనాలి...! ప్రస్తుతానికి మోండో డుప్లాంటిస్‌ అని అనాల్సిందే. వరల్డ్‌ రికార్డులు తన చిరునామాగా మలుచుకొని... ప్రపంచ రికార్డులు సృష్టించడం ఇంత సులువా అన్నట్లు స్వీడన్‌ పోల్‌వాల్టర్‌ మోండో డుప్లాంటిస్‌ చెలరేగిపోతున్నాడు. మూడు వారాల క్రితం పారిస్‌ ఒలింపిక్స్‌లో తొమ్మిదోసారి తన పేరిటే ఉన్న ప్రపంచ రికార్డును బద్దలు కొట్టిన డుప్లాంటిస్‌... తాజాగా పోలాండ్‌లో జరిగిన డైమండ్‌ లీగ్‌ మీట్‌లో 10వసారి వరల్డ్‌ రికార్డును నెలకొల్పాడు. తన రెండో ప్రయత్నంలో డుప్లాంటిస్‌ 6.26 మీటర్ల ఎత్తును దాటేసి కొత్త ప్రపంచ రికార్డును లిఖించాడు. ఈ క్రమంలో పారిస్‌ ఒలింపిక్స్‌లో 6.25 మీటర్లతో తానే సృష్టించిన వరల్డ్‌ రికార్డును డుప్లాంటిస్‌ సవరించాడు. ప్రపంచ రికార్డు సృష్టించినందుకు డుప్లాంటిస్‌కు 50 వేల డాలర్ల ప్రైజ్‌మనీ లభించింది. మరోవైపు ఇదే మీట్‌లో నార్వేకు చెందిన జాకబ్‌ ఇంగెబ్రింగ్‌స్టెన్‌ పురుషుల 3000 మీటర్ల స్టీపుల్‌ఛేజ్‌లో కొత్త ప్రపంచ రికార్డును సృష్టించాడు. ఇంగెబ్రింగ్‌స్టెన్‌ 7 నిమిషాల 17.55 సెకన్లలో గమ్యానికి చేరాడు. ఈ క్రమంలో 1996లో కెన్యా అథ్లెట్‌ డేనియల్‌ కోమెన్‌ (7 నిమిషాల 20.67 సెకన్లు) నెలకొలి్పన వరల్డ్‌ రికార్డు తెరమరుగైంది. ప్రపంచ రికార్డు సృష్టించినందుకు జాకబ్‌కు కూడా 50 వేల డాలర్ల ప్రైజ్‌మనీ అందించారు.

కోబే (జపాన్‌): ప్రపంచ పారా అథ్లెటిక్స్‌ చాంపియన్‌షిప్‌లో భారత అథ్లెట్, తెలంగాణకు చెందిన దీప్తి జివాంజి పసిడి పతకంతో మెరిసింది. ప్రపంచ రికార్డుతో ఆమె స్వర్ణం సొంతం చేసుకోవడం విశేషం. సోమవారం జరిగిన మహిళల 400 మీటర్ల (టి20 కేటగిరీ) పరుగును దీప్తి 55.07 సెకన్లలో పూర్తి చేసి అగ్రస్థానంలో నిలిచింది. గత ఏడాది ఈ ఈవెంట్‌లో అమెరికాకు చెందిన బ్రియానా క్లార్క్‌ పేరిట ఉన్న ప్రపంచ రికార్డు (55.12 సెకన్లు)ను దీప్తి బద్దలు కొట్టింది. ఆదివారం జరిగిన క్వాలిఫయింగ్‌ పోటీల్లో 56.18 సెకన్లతో రేసును ముగించన 20 ఏళ్ల దీప్తి ఫైనల్స్‌కు అర్హత సాధించింది. ఈ టోరీ్నలో ప్రస్తుతం భారత్‌ ఖాతాలో 4 పతకాలు ఉండగా, శనివారం వరకు పోటీలు జరుగుతాయి. పేదరికం నుంచి పైకెగసి... పారా అథ్లెటిక్స్‌లో టి20 కేటగిరీ అంటే ‘మేధోలోపం’ ఉన్న ప్లేయర్లు పాల్గొనే ఈవెంట్‌. ఆమె స్వస్థలం వరంగల్‌ జిల్లా కల్లెడ. తల్లిదండ్రులు యాదగిరి, ధనలక్ష్మి రోజూవారీ కూలీలు. ఒకవైపు పేదరికం ఉండగా, మరో వైపు దీప్తిని ‘బుద్ధిమాంద్యం’ ఉన్న అమ్మాయిగా ఊర్లో అందరూ హేళన చేసేవారు. ఇలాంటి సమయంలో భారత అథ్లెటిక్స్‌ కోచ్‌ నాగపురి రమేశ్‌ ఆమెకు అన్ని విధాలా అండగా నిలిచారు. ఒక స్కూల్‌ మీట్‌లో దీప్తి రన్నింగ్‌ ప్రతిభ గురించి తన మిత్రుడి ద్వారా ఆయనకు తెలిసింది. దాంతో రమేశ్‌ ఆ అమ్మాయిని హైదరాబాద్‌కు రప్పించి స్పోర్ట్స్‌ అథారిటీ ఆఫ్‌ ఇండియా (సాయ్‌) శిక్షణా కేంద్రంలో కోచింగ్‌ అందించే ఏర్పాట్లు చేశారు. మానసికంగా కొంత బలహీనంగా ఉండటంతో ఆమెకు శిక్షణ ఇవ్వడంలో ఎన్నో జాగ్రత్తలు తీసుకోవాల్సి వచ్చేది. భారత బ్యాడ్మింటన్‌ చీఫ్‌ కోచ్‌ పుల్లెల గోపీచంద్‌ కూడా ‘మైత్రా ఫౌండేషన్‌’తో కలిసి ఆరి్థకంగా సహకారం అందించారు. తన ప్రతిభ కారణంగా కెరీర్‌ ఆరంభంలో ఆమె అందరూ పాల్గొనే సాధారణ అథ్లెటిక్స్‌ ఈవెంట్లలోనూ పోటీ పడి విజయాలు సాధించడం విశేషం. 2019 ఆసియా అండర్‌–18 చాంపియన్‌íÙప్‌లో కాంస్యం, 2021 సీనియర్‌ నేషనల్స్‌లో కాంస్యం సాధించిన దీప్తి 2022లో చివరిసారిగా రెగ్యులర్‌ పోటీల బరిలోకి దిగింది. రెండు అంతర్జాతీయ టోర్నీల్లో పాల్గొనడం ద్వారా దీప్తికి ‘పారా క్రీడల’ లైసెన్స్‌ లభించింది. దాంతో పూర్తిగా పారా పోటీలపైనే ఆమె దృష్టి పెట్టింది. గత ఏడాది జరిగిన గ్వాంగ్జూ ఆసియా పారా క్రీడల్లో 400 మీటర్ల ఈవెంట్‌లోనే దీప్తి స్వర్ణం గెలుచుకుంది. ఆరి్థక సమస్యలతో ఒకదశలో తమ భూమిని అమ్ముకున్న తల్లిదండ్రులు దీప్తి ‘ఆసియా’ విజయం తర్వాత ప్రభుత్వం ఇచ్చిన రూ. 30 లక్షలతో మళ్లీ భూమి కొనుక్కోగలిగారు. ఇదే ప్రపంచ రికార్డు జోరులో మున్ముందు పారా ఒలింపిక్స్‌లో పతకాలు సాధించగల సత్తా దీప్తిలో ఉంది.

డార్ట్‌మండ్‌ (జర్మనీ): ఇంటర్నేషనల్‌ సైసన్‌ స్టార్ట్‌ ఫర్‌ షూటర్స్‌ (ఐఎస్‌ఎఎస్‌) షూటింగ్‌ టోరీ్నలో భారత రైఫిల్‌ షూటర్లు దివ్యాంశ్‌ సింగ్‌ పన్వర్, రమితా జిందాల్‌ కొత్త ప్రపంచ రికార్డులు సృష్టించారు. పురుషుల 10 మీటర్ల ఎయిర్‌ రైఫిల్‌ ఈవెంట్‌ ఫైనల్లో దివ్యాంశ్‌ 254.4 పాయింట్లు స్కోరు చేసి పసిడి పతకం గెలిచాడు. ఈ క్రమంలో 253.7 పాయింట్లతో తన పేరిటే ఉన్న ప్రపంచ రికార్డును దివ్యాంశ్‌ బద్దలు కొట్టాడు. మహిళల 10 మీటర్ల ఎయిర్‌ రైఫిల్‌ ఈవెంట్‌ ఫైనల్లో రమిత 254.1 పాయింట్లు స్కోరు చేసి బంగారు పతకం సొంతం చేసుకుంది. అంతేకాకుండా 254 పాయింట్లతో హాన్‌ జియాయు (చైనా) పేరిట ఉన్న ప్రపంచ రికార్డును రమిత సవరించింది. 

రికార్డులకు, అవార్డలుకు వయస్సుతో పనేముందని నిరూపించిందో బామ్మ. 99 ఏళ్ల వయసులో ఈజీగా ఈత కొట్టడం మాత్రమే కాదు. ఒకే రోజు ఏకంగా మూడు ప్రపంచ రికార్డులను బద్దలు కొట్టింది. డచ్-కెనడియన్ బెట్టీ బ్రస్సెల్ ఈ నెల 20న అద్భుతమైన ఈ  ఫీట్‌ సాధించింది. 400-మీటర్ల ఫ్రీస్టైల్, 50 మీటర్ల  బ్రెస్ట్‌ స్ట్రోక్‌ 50-మీటర్ల బ్యాక్‌ అనే మూడు విభాగాల్లో తన సత్తా చాటింది.  తనకు ఏజ్‌ అస్సలు మేటర్‌ కాదంటోంది.   ఇదీ చదవండి: ఏకంగా రూ.7 కోట్ల  భూమిని విరాళమిచ్చిన మహిళ, ఎందుకో తెలుసా? స్విమ్మింగ్‌ కెనడా లెక్కల ప్రకారం 12 నిమిషాల 50 సెకన్లతో ఉన్న 400-మీటర్ల ఫ్రీస్టైల్ రికార్డును దాదాపు నాలుగు నిమిషాల్లో  బ్రేక్‌   చేసింది. అలాగే  50-మీటర్ల బ్యాక్‌స్ట్రోక్‌ను  ఐదంటే ఐదు సెకన్లలో  ఛేదించి వాహ్వా అనిపించుకుంది.  ‘‘నేను రేసులో ఉంటే ఇక దేన్నీ పట్టించుకోను. ఐ ఫీల్ లైక్ ఎ ఉమెన్!'‘ అని చెప్పిందామె.  (Oyster Mushrooms: బెనిఫిట్స్‌ తెలిస్తే.. అస్సలు వదలరు!) బ్రస్సెల్ 60 సంవత్సరాల వయస్సు నుండి మాత్రమే  స్విమ్మింగ్‌ పోటీల్లో  పాల్గొంటూ ఉండటం విశేషం. కానీ ఇటీవలి  అనేక ప్రపంచ రికార్డులను బద్దలు కొట్టిన ఘనతను దక్కించుకుంది.  ‘‘అమ్మా నీకు  ముసలి తనం వచ్చేసిందని నా 70 ఏళ్ల చిన్న కొడుకుఅంటూ ఉంటాడు. కానీ నాకు అలా అనిపించదు.  నిజంగా అలసి పోయినప్పుడు మాత్రం కొంచెం అనిపిస్తుంది. అంతే’’  అంటారామె. అలాగే రికార్డుల గురించి కూడా ఆలోచించను.  చేయాల్సిన పనిని ధైర్యంగా చేసేస్తాను. గెలిస్తే సంతోషిస్తాను అంటుంది బోసి నవ్వులతో. బ్రస్సెల్స్‌ ఇప్పటికీ కనీసం వారానికి రెండుసార్లు స్విమ్మింగ్‌ చేస్తుంది.

లండన్‌: అంటార్కిటికా అన్వేషణలతో పోలార్‌ ప్రీత్‌గా పేరు తెచ్చుకున్న బ్రిటిష్‌ సిక్కు ఆర్మీ అధికారి, ఫిజియోథెరపిస్ట్‌ కెప్టెన్‌ హర్‌ప్రీత్‌ చాంది(33) మరో ప్రపంచ రికార్డు నెలకొల్పారు. దక్షిణ ధ్రువంపై ఒంటరిగా వేగవంతంగా అన్వేషణ పూర్తి చేసుకున్న మహిళగా తాజాగా చరిత్ర సృష్టించారు. రోన్నె ఐస్‌ షెల్ఫ్‌ నుంచి నవంబర్‌ 26న ప్రారంభించిన యాత్ర దక్షిణ ధ్రువానికి చేరుకోవడంతో గురువారంతో ముగిసినట్లు ఆమె స్వయంగా ప్రకటించారు. రోజుకు 12 ,13 గంటల చొప్పున ముందుకు సాగుతూ మైనస్‌ 50 డిగ్రీల ఉష్ణోగ్రతల వద్ద మొత్తం 1,130 కిలోమీటర్ల దూరాన్ని ఎవరి సాయం లేకుండానే 31 రోజుల 13 గంటల 19 నిమిషాల్లో పూర్తి చేశానన్నారు. ఈ ఫీట్‌ను గురించి గిన్నిస్‌ వరల్డ్‌ బుక్‌ నిర్వాహకులకు వివరాలందించానని, ధ్రువీకరణ కోసం వేచి చూస్తున్నానని చెప్పారు. అంటార్కిటికా అన్వేషణలకు సంబంధించి కెప్టెన్‌ హర్‌ప్రీత్‌ చాంది పేరిట ఇప్పటికే రెండు వేర్వేరు రికార్డులు నమోదై ఉన్నాయి.

ఏషియన్‌ గేమ్స్‌లో పురుషుల క్రికెట్‌కు తొలిసారి ప్రాతినిథ్యం లభించిన విషయం తెలిసిందే. ఈ క్రీడలకు ఎవరూ ఊహించని విధంగా అదిరిపోయే ఆరంభం లభించింది. టోర్నీ తొలి మ్యాచ్‌లోనే ప్రపంచ రికార్డులు బద్దలయ్యాయి. మంగోలియాతో జరిగిన మ్యాచ్‌లో నేపాల్‌ టీ20 రికార్డులను తిరగరాసింది. మంగోలియాపై రికార్డు స్థాయిలో 273 పరుగుల తేడాతో ఘన విజయం సాధించిన నేపాల్‌.. అంతర్జాతీయ టీ20ల్లో అత్యధిక టీమ్‌ స్కోర్‌తో (314/3) పాటు పరుగుల పరంగా భారీ విజయం (273), ఓ ఇన్నింగ్స్‌లో అత్యధిక సిక్సర్లు (26).. బౌండరీలు, సిక్సర్ల రూపంలో అత్యధిక పరుగులు (14 ఫోర్లు, 26 సిక్సర్లు కలిపి  మొత్తంగా 212 పరుగులు), ఫాస్టెస్ట్‌ ఫిఫి (దీపేంద్ర సింగ్‌-9 బంతుల్లో), ఫాస్టెస్ట్‌ హండ్రెడ్‌ (కుషాల్‌ మల్లా-34 బంతుల్లో), మూడో వికెట్‌కు అత్యధిక పార్ట్‌నర్‌షిప్‌ (193 పరుగులు), అత్యధిక స్ట్రయిక్‌రేట్‌ (దీపేంద్ర సింగ్‌- 520 (10 బంతుల్లో 52 పరుగులు) ఇలా పలు ప్రపంచ రికార్డులను కొల్లగొట్టింది.  Dipendra Singh Airee's fastest ever fifty in T20i history: 6,6,6,6,6,2,6,6,6. - A memorable day for Nepal cricket!pic.twitter.com/ih9cvYehCi — Mufaddal Vohra (@mufaddal_vohra) September 27, 2023 పై పేర్కొన్న రికార్డులతో ఈ మ్యాచ్‌లో మరో వినూత్న రికార్డు కూడా నమోదైంది.  మంగోలియా చేసిన 41 పరుగుల స్కోర్‌లో ఎక్స్‌ట్రాలే (23 పరుగులు, 16 వైడ్లు, 5 లెగ్‌ బైలు, 2 నోబాల్స్‌) టాప్‌ స్కోర్‌ కావడం. ఓ జట్టు స్కోర్‌లో 50 శాతానికి పైగా పరుగులు ఎక్స్‌ట్రాల రూపంలో రావడం టీ20 చరిత్రలో ఇదే మొదటిసారి. మంగోలియా స్కోర్‌లో 56 శాతం పరుగులు ఎక్సట్రాల రూపంలో వచ్చాయి. ఎక్స్‌ట్రాల తర్వాత మంగోలియన్‌ ఇన్నింగ్స్‌లో అత్యధిక​ స్కోర్‌ దవాసురెన్‌ జమ్యసురెన్‌  (10) చేశాడు. ఇతనొక్కడే మంగోలియా ఇన్నింగ్స్‌లో రెండంకెల స్కోర్‌ చేశాడు. మిగిలిన 10 బ్యాటర్లు సింగిల్‌ డిజిట్‌ స్కోర్లకే పరిమితమయ్యారు. నేపాల్‌ బౌలర్లు కరణ్‌, అభినాశ్‌, సందీప్‌ లామిచ్చెన్‌ తలో 2 వికెట్లు పడగొట్టగా.. సోంపాల్‌, కుశాల్‌ భుర్టెల్‌, దీపేంద్ర సింగ్‌ తలో వికెట్‌ దక్కించకున్నారు.  తొలుత బ్యాటింగ్‌ చేసిన నేపాల్‌ నిర్ణీత 20 ఓవర్లలో 3 వికెట్ల నష్టానికి 314 పరుగులు చేసింది. ఓపెనర్లు కుషాల్‌ భుర్టెల్‌ (19), ఆసిఫ్‌ షేక్‌ (16) విఫలం కాగా.. కుషాల్‌ మల్లా (50 బంతుల్లో 137 నాటౌట్‌; 8 ఫోర్లు, 12 సిక్సర్లు), దీపేంద్ర సింగ్‌ (10 బంతుల్లో 52 నాటౌట్‌; 8 సిక్సర్లు), కెప్టెన్‌ రోహిత్‌ పౌడెల్‌ (27 బంతుల్లో 61; 2 ఫోర్లు, 6 సిక్సర్లు) ఆకాశమే హద్దుగా చెలరేగి చరిత్రపుటల్లో చిరకాలం మిగిలుండిపోయే పలు రికార్డులను తమ పేరిట లిఖించుకున్నారు. 

Asian Games Mens T20I 2023- Nepal vs Mongolia: ఆసియా క్రీడలు-2023లో మెన్స్‌ క్రికెట్‌ ఈవెంట్‌కు తెరలేచింది. చైనాలోని హోంగ్జూలో నేపాల్‌- మంగోలియాతో బుధవారం తొలి టీ20 మ్యాచ్‌ ఆరంభమైంది. టాస్‌ గెలిచిన మంగోలియా నేపాల్‌ను తొలుత బ్యాటింగ్‌కు ఆహ్వానించింది.  ఓపెనర్లు కుశాల్‌ భుర్తేల్‌ 19, వికెట్‌ కీపర్‌ ఆసిఫ్‌ షేక్‌ 16 పరుగులకే అవుట్‌ కావడంతో ఆరంభంలోనే నేపాల్‌కు భారీ షాక్‌ తగిలింది. అయితే, వన్‌డౌన్‌లో కుశాల్‌ మల్లా దిగగానే సీన్‌ రివర్స్‌ అయింది. ఆకాశమే హద్దుగా చెలరేగుతూ సిక్సర్ల వర్షం కురిపిస్తూ మంగోలియా బౌలర్లకు చుక్కలు చూపించాడు. ఫాస్టెస్ట్‌ సెంచరీ 34 బంతుల్లోనే శతకం బాదిన అతడు.. అంతర్జాతీయ టీ20 ఫార్మాట్‌లో ఫాస్టెస్ట్‌ సెంచరీ నమోదు చేశాడు. 50 బంతుల్లో 8 ఫోర్లు, 12 సిక్సర్ల సాయంతో 137 పరుగులతో మెరుపు ఇన్నింగ్స్‌ ఆడాడు. ఇక నేపాల్‌ కెప్టెన్‌ రోహిత్‌ పౌడేల్‌ 27 బంతుల్లోనే 61 పరుగులు సాధించాడు. ఐదో స్థానంలో బ్యాటింగ్‌ చేసిన దీపేంద్ర సింగ్‌ ఆరీ 10 బంతుల్లో 8 సిక్సర్ల సాయంతో ఏకంగా 52 పరుగులతో విధ్వంసం సృష్టించాడు. కుశాల్‌, దీపేంద్ర ఆఖరి వరకు అజేయంగా నిలవడంతో నిర్ణీత 20 ఓవర్లలో 3 వికెట్లు కోల్పోయిన నేపాల్‌ 314 పరుగులు స్కోరు చేసింది. ప్రపంచ రికార్డులు బద్దలు తద్వారా పొట్టి ఫార్మాట్‌ క్రికెట్‌ చరిత్రలో అత్యధిక స్కోరు సాధించిన జట్టుగా నేపాల్‌ చరిత్ర సృష్టించింది. తద్వారా అఫ్గనిస్తాన్‌ పేరిట ఉన్న ప్రపంచ రికార్డు బద్దలు కొట్టింది. 2019లో ఐర్లాండ్‌తో మ్యాచ్‌లో అఫ్గన్‌ 3 వికెట్లు నష్టపోయి 278 పరుగులు చేసింది.  సిక్సర్ల జట్టుగా ఇక ఈ చరిత్రాత్మక ఇన్నింగ్స్‌తో మరో అరుదైన ఘనత కూడా ఖాతాలో వేసుకుంది నేపాల్‌ క్రికెట్‌ జట్టు. టీ20 ఫార్మాట్‌ హిస్టరీలో సింగిల్‌ ఇన్నింగ్స్‌లో అత్యధిక సిక్సర్లు బాదిన టీమ్‌గా నిలిచింది. నేపాల్‌ బ్యాటర్లు ఈ మ్యాచ్‌లో ఏకంగా 26 సిక్స్‌లు బాదగా.. గతంలో అఫ్గనిస్తాన్‌ ఐర్లాండ్‌ మీద 22 సిక్స్‌లు కొట్టింది.  సంచలన విజయం మంగోలియా 41 పరుగులకే ఆలౌట్‌ కావడంతో నేపాల్‌ ఏకంగా 273 పరుగుల భారీ తేడాతో విజయం సాధించింది. టీ20 ఫార్మాట్లో ఇదే అతిపెద్ద విజయం కావడం విశేషం. చదవండి:  పసికూనపై ఇంగ్లండ్‌ ప్రతాపం​.. ఫిలిప్‌ సాల్ట్‌ విధ్వంసం​.. 28 బంతుల్లోనే..!

హైదరాబాద్: అతి ఎత్తైన పర్వాతాలను అధిరోహిస్తూ ఇప్పటికే 3 వరల్డ్‌ రికార్డులు సొంతం చేసుకున్న నగరానికి చెందిన 14 ఏళ్ల పడకంటి విశ్వనాథ్‌ కార్తికేయ మరో వరల్డ్‌ రికార్డును సాధించాడు. ఈ నెల 17న లద్దాక్‌ సమీపంలో హిమాలయాల్లోని 6,400 మీటర్ల ఎత్తైన కాంగ్‌ యాట్సే–1 పర్వతాన్ని అధిరోహించి నాల్గో వరల్డ్‌ రికార్డును సొంతం చేసుకున్నాడు. ప్రస్తుతం 10వ తరగతి చదువుతున్న విశ్వనాథ్‌ కార్తికేయ గతంలోనే 6.270 మీటర్ల ఎత్తున్న కాంగ్‌ యాట్సే పర్వతాన్ని, 6,240 మీటర్ల ఎతైన ద్జోజొంగో పర్వాతాన్ని అధిరోహించి ఈ పర్వతాల శిఖరాగ్రాలను చేరుకున్న అతిపిన్న వయస్కునిగా ఇండియన్‌ బుక్‌ ఆఫ్‌ రికార్డ్స్‌, ఏసియన్‌ బుక్‌ ఆఫ్‌ రికార్డ్స్‌లో స్థానం దక్కించుకున్నాడు. అంతేకాకుండా ఐరోపాలోనే అత్యంత ఎత్తైన ఎల్‌బ్రస్‌ పర్వత తూర్పు(5,621మీ), పడమర(5,642మీ) శిఖరాలను 24 గంటల వ్యవధిలో అధిరోహించి చరిత్ర సృష్టించాడు. ప్రపంచంలోనే ప్రసిద్ధిగాంచిన ఈ పర్వత శిఖరాలను అధిరోహించిన అతి చిన్న వయస్కుడిగా వరల్డ్‌ రికార్డ్‌ నమోదు చేశాడు. ప్రయాణం సాగిందిలా..., తన నాల్గో వరల్డ్‌ రికార్డ్‌ శ్రీకాంగ్‌ యాట్సే–1శ్రీను పూర్తి చేయడంలో భాగంగా ఈ నెల 7న 3 వేల మీటర్ల ఎత్తలోని శ్రీలేహ్‌శ్రీకు చేరుకున్నాడు. అనంతరం 5,100 మీటర్ల ఎత్తులోని బేస్‌ క్యాంపును 13వ తేదీన చేరుకున్నాడు. అక్కడి నుంచి మరో రెండు రోజుల ట్రెక్కింగ్‌ తరువాత 5,700 మీటర్ల ఎత్తులో ఉన్న బేస్‌ క్యాంప్‌–1ను, 16న 5,900 మీటర్ల బేస్‌ క్యాంప్‌–2ను చేరుకున్నాడు. చివరగా విపత్కర పరిస్థితులను ఎదుర్కొంటూ ఈ నెల 17న 6,400 మీటర్ల ఎత్తైన శిఖరాగ్రాన్ని చేరుకుని రికార్డు సృష్టించాడు. ట్రెక్కింగ్‌పైన ఆసక్తిని క్రమక్రమంగా పెంచుకుంటూ ప్రపంచ రికార్డులను సొంతం చేసుకోవడం చాలా సంతోషంగా ఉందని అతడి తల్లి లక్ష్మీ తెలిపింది. ప్రపంచంలోని అతి ఎత్తైన పర్వతాలన్నింటినీ అధిరోహించడమే లక్ష్యంగా తన కుమారుడి ప్రయాణం ముందుకు సాగుతుందన్నారు. ట్రెక్కింగ్‌తో పాటు చదువులను సైతం అదే క్రమంలో కొనసాగిస్తున్నాడన్నారు. 4వ వరల్డ్‌ రికార్డు సాధించిన విశ్వనాథ్‌ కార్తికేయ ఈ రోజు నగరానికి చేరుకోనున్నట్లు కుటుంబసభ్యులు తెలిపారు.  

బెల్జియంలోని యాంట్‌వెర్ప్‌ పేరు చెబితే అందరికీ గుర్తొచ్చేది ఒక్కటే. ప్రపంచంలోనే వజ్రాల వ్యాపారానికి చిరునామాగా చలామణి అవుతున్న నగరమది. ఇప్పుడు ఆ పేరుకు చెల్లుచీటి రాసేస్తూ గుజరాత్‌లోని సూరత్‌ పట్టణం కొత్త అధ్యయనం లిఖించింది. ఒకేసారి 65,000 మందికిపైగా వ్యాపారులు, పనివాళ్లు, పరిశ్రమ నిపుణులు వచ్చి పనిచేసుకునేందుకు వీలుగా సువిశాల అధునాతన భవంతి అందుబాటులోకి వచ్చింది. 71 లక్షల చదరపు అడుగులకుపైగా ఆఫీస్‌ స్పేస్‌తో నూతన ప్రపంచ రికార్డును సొంతం చేసుకుంది. అమెరికా రక్షణ శాఖ ప్రధానకార్యాలయం (పెంటగాన్‌) పేరిట ఉన్న ఈ రికార్డును చెరిపేసిన అద్భుత భవంతి విశేషాలు ఇవీ.. రూ. 3,200 కోట్ల వ్యయంతో.. విశ్వవ్యాప్తంగా వెలికితీసిన వజ్రాల్లో దాదాపు 90 శాతం వజ్రాలను సానబట్టేది సూరత్‌లోనే. దాంతో భారత్‌లో జెమ్‌ క్యాపిటల్‌గా సూరత్‌ కీర్తిగడించింది. అందుకే సూరత్‌లో వజ్రాల వ్యాపార అవసరాలు తీర్చేందుకు అనువుగా ఈ భవనాన్ని నిర్మించారు. దీనికి ‘సూరత్‌ డైమండ్‌ బౌర్స్‌’ అని నామకరణం చేశారు. బౌర్స్‌ పేరుతో గతంలో ఫ్రాన్స్‌లో పారిస్‌ స్టాక్‌ఎక్సే్ఛంజ్‌ ఉండేది. అంటే వజ్రాల వ్యాపారానికి సిసలైన చిరునామా ఇదే అనేట్లు దీనికి ఆ పేరు పెట్టారు. వజ్రాలను సానబట్టే వారు, వ్యాపారులు, కట్టర్స్‌ ఇలా వజ్రాల విపణిలో కీలకమైన వ్యక్తులందరూ తమ పని మొత్తం ఇక్కడే పూర్తిచేసుకోవచ్చు. తొమ్మిది దీర్ఘచతురస్రాకార భవంతులను విడివిడిగా నిర్మించి అంతర్గతంగా వీటిని కలుపుతూ డిజైన్‌చేశారు. మొత్తంగా 35 ఎకరాల్లో ఈ కట్టడం రూపుదాల్చింది. అంటే 71 లక్షల చదరపు అడుగుల ఆఫీస్‌స్పేస్‌ అందుబాటులోకి వచ్చింది. కోవిడ్‌ సమయంలో తప్పితే నాలుగేళ్లుగా విరామమెరుగక కొనసాగిన దీని నిర్మాణం ఇటీవలే పూర్తయింది. నవంబర్‌లో ప్రధాని నరేంద్ర మోదీ చేతులమీదుగా ప్రారంభోత్సవం జరిగే అవకాశం ఉంది. దాదాపు రూ.3,200 కోట్ల వ్యయంతో దీనిని నిర్మించారు. మొత్తంగా 4,700 భారీ దుకాణాలు ఇందులో ఉన్నాయి. అన్నివైపులా ఎక్కడికక్కడ అనువుగా 131 ఎలివేటర్లను ఏర్పాటుచేశారు. అందరికీ భోజన సదుపాయం, రిటైల్‌ వర్తకులకు ప్రత్యేక సౌకర్యాలు, వెల్‌నెస్, కార్మికుల కోసం సమావేశ మందిరాలను కొలువుతీర్చారు. ‘150 మైళ్ల దూరంలోని ముంబై నుంచి వేలాది మంది వ్యాపారాలు రోజూ సూరత్‌కు వచ్చిపోతుంటారు. ఇలా ఇబ్బందిపడకుండా వారికి సకల సౌకర్యాలు కల్పించాం’ అని ప్రాజెక్టు సీఈవో మహేశ్‌ గధావీ చెప్పారు. ప్రజాస్వామ్య డిజైన్‌! ప్రతిష్టాత్మక ప్రాజెక్టుకు డిజైన్‌ చేయాల్సిందిగా అంతర్జాతీయంగా బిడ్డింగ్‌కు ఆహ్వానించగా భారత్‌కే చెందిన మోర్ఫోజెనిసిస్‌ ఆర్కిటెక్చర్‌ సంస్థ దీనిని కైవసం చేసుకుంది. డైమండ్‌లకు ఉన్న డిమాండ్‌ ఈ ప్రాజెక్టు పరిమాణాన్ని అమాంతం పెంచేసింది. ఇప్పటికే అన్ని దుకాణాల­ను డైమండ్‌ కంపెనీలు నిర్మాణానికి ముందే కొనుగోలుచేయడం విశేషం. ఎయిర్‌పోర్ట్‌ టెర్మినల్‌ తరహాలో అన్ని బిల్డింగ్‌లను కలుపుతూ ఒక్కటే భారీ సెంట్రల్‌ కారిడార్‌ను నిర్మించారు. ‘‘అందరికీ సమానంగా అన్ని సౌకర్యాలు అనే విధానంలో ‘ప్రజాస్వామ్య’ డిజైన్‌ను రూపొందించాం. సెంట్రల్‌ కారిడార్‌ ద్వారా అందరికీ అన్ని సౌకర్యాలు సమదూరంలో ఉంటాయి’’ అని మోర్ఫోజెనిసిస్‌ సహ వ్యవస్థాపకురాలు సోనాలీ రస్తోగీ చెప్పారు. అంటే ప్రధాన ద్వారాల్లో ఎటువైపు నుంచి లోపలికి వచ్చినా చివరి దుకాణానికి ఏడు నిమిషాల్లోపు చేరుకోవచ్చు. కాంక్రీట్‌ వనంగా కనిపించకుండా ఉండేందుకు 1.5 ఎకరాల విస్తీర్ణంలో పచ్చికబయళ్లను సిద్ధంచేశారు. ఇలాంటివి లోపల తొమ్మిది ఉన్నాయి. ప్లాటినమ్‌ రేటింగ్‌ సూరత్‌కు దక్షిణంగా 1,730 ఎకరాల్లో స్మార్ట్‌ సిటీని ఒకదానిని నిర్మిస్తే బాగుంటుందని ప్రధాని మోదీ గతంలో అభిలషించారు. ఆయన సంకల్పానికి బాటలు వేస్తూ ఇప్పుడు ఈ భవంతి నిర్మాణం పూర్తయ్యాక చుట్టూతా నూతన జనావా­సా­లు, వ్యాపార సముదా­యాలు ఏర్పడతాయని భావిస్తున్నారు. ఎండాకాలంలో ఈ ప్రాంతంలో ఉష్ణోగ్రత 110 డిగ్రీస్‌ ఫారన్‌హీట్‌ను దాటుతుంది. అయినా­సరే భవంతిలో ఎక్కువ ఇంథనం వాడకుండా పర్యావరణహితంగా డిజైన్‌చేశారు. సాధారణ భవనాలతో పోలిస్తే ఈ భవంతి 50 శాతం తక్కువ ఇంధనాన్ని వినియోగించుకుంటుంది. అందుకే దీనికి ఇండియన్‌ గ్రీన్‌ బిల్డింగ్‌ కౌన్సిల్‌ ‘ప్లాటినమ్‌’ రేటింగ్‌ను కట్టబెట్టింది. మధ్యమ­ధ్యలో వృత్తాకారంగా వదిలేసిన శ్లాబ్స్‌ కారణంగా గాలి ధారాళంగా దూసుకొచ్చి బిల్డింగ్‌ లోపలి భాగాలను చల్లబరుస్తుంది. దాదాపు సగం భవంతి సాధారణ వెంటిలేషన్‌ ద్వారానే చల్లగా ఉంటుంది. ఇక మిగతా కామన్‌ ఏరియాస్‌లో సౌర ఇంధనాన్ని వినియోగించనున్నారు. ఆకృతిపరంగానేకాదు పర్యావర­ణహిత, సుస్థిర డిజైన్‌గా ఈ భవంతి భాసిల్లనుంది. కట్టడం కథ లెక్కల్లో.. మొత్తం కట్టింది: 35 ఎకరాల్లో భారీ దుకాణాలు: 4,700 అందుబాటులోకొచ్చే ఆఫీస్‌ స్పేస్‌: 71 లక్షల చదరపు అడుగులు ఎలివేటర్లు: 131 బిల్డింగ్‌ రేటింగ్‌: ప్లాటినమ్‌ మొత్తం వ్యయం: రూ.3,200 కోట్లు – సాక్షి, నేషనల్‌ డెస్క్‌

గుజరాత్‌ టైటాన్స్‌ విధ్వంసకర ఓపెనర్‌ శుబ్‌మన్‌ గిల్‌ తన కెరీర్‌లోనే పీక్‌ ఫామ్‌లో ఉన్నాడు. బరిలో ఉన్నాడంటే చాలు సెంచరీ లేదా అర్థసెంచరీల మోత మోగిస్తున్నాడు. ఇక సెంచరీలు అయితే మంచినీళ్ల ప్రాయంగా అందుకుంటున్నాడు. శుక్రవారం ముంబై ఇండియన్స్‌తో కీలకమైన క్వాలిఫయర్‌-2 పోరులో గిల్‌ శతకంతో మెరిశాడు. 49 బంతుల్లో సెంచరీ మార్క్‌ అందుకున్న గిల్‌కు ఇది సీజన్‌లో మూడో సెంచరీ కావడం విశేషం. ఈ నేపథ్యంలో ఒక్క సెంచరీతో గిల్‌ తన పేరిట చాలా రికార్డులు లిఖించుకున్నాడు. అవేంటో ఒకసారి పరిశీలిద్దాం. Photo: IPL Twitter ► ఐపీఎల్‌లో ప్లేఆఫ్స్‌లో సెంచరీ బాదిన ఏడో క్రికెటర్‌గా శుబ్‌మన్‌ గిల్‌ నిలిచాడు.  ఇంతకముందు ఐపీఎల్ 2014లో వీరేంద్ర సెహ్వాగ్ 122 పరుగులు,  ఐపీఎల్ 2018లో షేన్ వాట్సన్ 117 పరుగులు,  ఐపీఎల్ 2014లో వృద్ధిమాన్ సాహా 115 పరుగులు, ఐపీఎల్ 2022లో మురళీ విజయ్ - 113, ఐపీఎల్ 2022లో రజత్ పాటిదార్ 112 పరుగులు, ఐపీఎల్‌ 2022లో జోస్ బట్లర్ 106 పరుగులు ప్లేఆఫ్‌లో సెంచరీలు చేశారు. ► ఐపీఎల్‌లో ఒకే సీజన్‌లో మూడు సెంచరీలు బాదిన యంగెస్ట్‌ క్రికెటర్‌గా(23 ఏళ్ల 260 రోజులు) శుబ్‌మన్‌ గిల్‌ నిలిచాడు. Photo: IPL Twitter ► ఐపీఎల్‌ ప్లేఆఫ్‌ మ్యాచ్‌లో అత్యధిక స్కోరు చేసిన బ్యాటర్‌గా గిల్‌ నిలిచాడు. ముంబైతో మ్యాచ్‌లో 129 పరుగులు చేసిన గిల్‌.. సెహ్వాగ్‌ రికార్డును బద్దలు కొట్టాడు. 2014లో సీఎస్‌కేపై పంజాబ్‌ కింగ్స్‌ తరపున 122 పరుగులు ఇప్పటివరకు టీమిండియా తరపున ఏ బ్యాటర్‌కైనా ప్లేఆప్‌లో అత్యధిక స్కోరు. తాజాగా గిల్‌ ఆ రికార్డును బద్దలు కొట్టాడు. ► ఐపీఎల్‌లో టీమిండియా తరపున అత్యధిక స్కోరు చేసిన రెండో బ్యాటర్‌గా గిల్‌ నిలిచాడు. మ్యాచ్‌లో గిల్‌ 60 బంతుల్లో 129 పరుగులు చేశాడు. ఇక 2020లో పంజాబ్‌ కింగ్స్‌ తరపున 132 పరుగులు చేసిన కేఎల్‌ రాహుల్‌ టీమిండియా తరపున ఐపీఎల్‌లో అత్యధిక స్కోరు చేసిన ఆటగాడిగా ఉన్నాడు. Photo: IPL Twitter ► ఐపీఎల్‌లో ఒక సీజన్‌లో 800 పరుగుల మార్క్‌ను దాటిన రెండో బ్యాటర్‌గా గిల్‌ నిలిచాడు. ఇంతకముందు విరాట్‌ కోహ్లి 2016లో 973 పరుగులు చేశాడు. ఇక సెంచరీల విషయంలోనూ మరొక రికార్డు సాధించాడు. ఒక సీజన్‌లో మూడు సెంచరీలు చేసిన గిల్‌.. ఐపీఎల్‌లో టీమిండియా తరపున అత్యధిక సెంచరీలు చేసిన జాబితాలో రెండో స్థానంలో ఉన్నాడు. తొలి స్థానంలో కోహ్లి(2016లో నాలుగు సెంచరీలతో) ఉన్నాడు. ఓవరాల్‌గా కోహ్లి(2016), బట్లర్‌(2022) నాలుగు సెంచరీలతో సంయుక్తంగా తొలి స్థానంలో ఉండగా.. గిల్‌ మూడు సెంచరీలతో రెండో స్థానంలో కొనసాగుతున్నాడు. ► ఐపీఎల్‌ ప్లేఆఫ్స్‌లో అత్యంత వేగంగా సెంచరీ సాధించిన ఆటగాడిగా గిల్‌.. సాహా, రజత్‌ పాటిదార్‌లతో కలిసి సంయుక్తంగా నిలిచాడు. ముంబైతో మ్యాచ్‌లో గిల్‌ 49 బంతుల్లోనే శతకం అందుకోగా.. గతంలో సాహా ఐపీఎల్‌ 2014 ఫైనల్లో, రజత్‌ పాటిదార్‌(2022 ఐపీఎల్‌ ఎలిమినేటర్‌ మ్యాచ్‌లో) 49 బంతుల్లోనే శతకం సాధించారు. Photo: IPL Twitter ► ఐపీఎల్‌ ప్లేఆఫ్‌ మ్యాచ్‌లో అత్యధిక సిక్సర్లు కొట్టిన జాబితాలో గిల్‌ తొలిస్థానంలో ఉన్నాడు. ముంబైతో మ్యాచ్‌లో గిల్‌ 60 బంతుల్లో 129 పరుగులు చేయగా.. అందులో 10 సిక్సర్లు ఉన్నాయి. ఇంతకముందు వృద్దిమాన్‌ సాహా(2014 ఫైనల్‌). క్రిస్‌ గేల్‌(2016 ఫైనల్‌), వీరేంద్ర  సెహ్వాగ్‌(2014 క్వాలిఫయర్‌-2), షేన్‌ వాట్సన్‌(2018 ఫైనల్‌) తలా 8 సిక్సర్లు బాదారు. 𝙂𝙄𝙇𝙇𝙞𝙖𝙣𝙩! 👏👏 Stand and applaud the Shubman Gill SHOW 🫡🫡#TATAIPL | #Qualifier2 | #GTvMI | @ShubmanGill pic.twitter.com/ADHi0e6Ur1 — IndianPremierLeague (@IPL) May 26, 2023 His royal highness, first of his name, destroyer of bowling attacks, lord of the sixes - Prince Shubman Gill 💯#GTvMI #TATAIPL #IPLonJioCinema #IPLPlayoffs pic.twitter.com/HQns2Gq5mv — JioCinema (@JioCinema) May 26, 2023 చదవండి: గిల్‌ సెంచరీ.. ఒకే సీజన్‌లో మూడు శతకాలు బాదిన యంగెస్ట్‌ క్రికెటర్‌గా

బొమ్మలేసే ఆర్టిస్టు గురించి విన్నాం. కేక్‌ ఆర్టిస్ట్‌ గురించి ఎప్పుడైనా విన్నారా? ప్రాచీ ధబల్‌ను మన దేశంలో బేకింగ్‌ క్వీన్‌గా, గొప్ప కేక్‌ ఆర్టిస్ట్‌గా పిలుస్తారు. కేక్‌లను కళాత్మకంగా సౌందర్యాత్మకంగా చేసి తినడానికే కాదు చూడటానికి కూడా రుచికరంగా తయారు చేసి అంతర్జాతీయ అవార్డులు పొందుతోందామె. ఈ ఫొటోలు చూడండి. అన్నీ తినే కేకులే. ‘మీరూ ఇలా కొత్తగా ట్రై చేసి సక్సెస్‌ సాధించండి’ అంటోంది ప్రాచీ. ప్రపంచ ప్రఖ్యాత కేక్‌ ఆర్టిస్ట్‌ ఎవరో తెలుసా? యూకేకు చెందిన ఎడ్డీ స్పెన్స్‌. కళాత్మకమైన కేకుల తయారీలో ఆయన ప్రతిభకు అక్కడి ప్రభుత్వం ‘సర్‌’ బిరుదుతో గౌరవించింది. ‘నేను లండన్‌ వెళ్లి ఆయన దగ్గర పని నేర్చుకున్నాను. నాకు కేక్‌ ఆర్ట్‌ అంటే అంత పిచ్చి’ అంటుంది ప్రాచీ ధబల్‌. 36 ఏళ్ల ప్రాచీ గత సంవత్సరం 100 కిలోల కేక్‌ను తయారు చేసింది. ఇది ఇటలీలో ప్రసిద్ధమైన మిలాన్‌ కేథడ్రల్‌ (చర్చ్‌)కు రెప్లికా. ఆరున్నర అడుగుల పొడవు, నాలుగున్నర అడుగుల ఎత్తు, నాలుగు అడుగుల వెడల్పు ఉన్న ఈ భారీ చర్చ్‌ ఆకారపు కేక్‌లో దాదాపు 1500 సున్నితమైన భాగాలు ఉన్నాయి. వాటన్నింటినీ రాయల్‌ ఐసింగ్‌ (తెల్ల సొన, చక్కెర పొడుల మిశ్రమం)తో తయారు చేసి ‘వరల్డ్‌ బుక్‌ ఆఫ్‌ రికార్డ్స్‌ 2022’లో ఎక్కింది ప్రాచీ. అందుకే ఆమెను ‘బేకింగ్‌ క్వీన్‌ ఆఫ్‌ ఇండియా’ అంటుంటారు. చిన్నప్పటి నుంచి ప్రాచీ ధబల్‌ సొంత ఊరు డెహరాడూన్‌. అక్కడే పుట్టి పెరిగింది. ‘నాకు పదేళ్లున్నప్పుడు వేసవి సెలవుల్లో కేకుల తయారీని మా అమ్మ నాకు కాలక్షేపంగా నేర్పింది. నేను కప్‌కేక్‌లు తయారు చేసేదాన్ని. రోజులు పెరిగే కొద్దీ ఆ ఆసక్తి కూడా పెరిగింది. నాకు బొమ్మలు వేయడం కూడా వచ్చు. కథల పుస్తకాలు బాగా చదివేదాన్ని. నా పుట్టిన రోజున బయట కేక్‌ ఆర్డర్‌ ఇస్తున్నప్పుడు నేను చదివిన కథల్లోని కోటల్లాంటి, రాకుమార్తెల్లాంటి, ఉద్యానవనాల్లాంటి కేక్‌లు తెప్పించమని మా అమ్మను పోరేదాన్ని. కాని అలాంటి కేకులు ఎవరూ తయారు చేయరు. మార్కెట్‌లో మామూలు కేకులు ఉండేవి. నాకు అలాంటివి ఎందుకు తయారు చేయకూడదు అనిపించేది’ అంది ప్రాచీ ధబల్‌. ఉద్యోగం నచ్చలేదు ప్రాచీ కోల్‌కతాలో పోస్ట్‌ గ్రాడ్యుయేషన్‌ చేసింది. ఆ తర్వాత ఫైనాన్షియల్‌ అనలిస్ట్‌గా పూణెలో ఉద్యోగానికి వచ్చి స్థిరపడింది. కాని ఆమెకు ఆ ఉద్యోగం నచ్చలేదు. ‘2012 నాటికి నాకు ఉద్యోగం బోర్‌ కొట్టింది. అందులో నాకు ఇష్టమైనదేదో లేదు. నాకు కేక్‌ ఆర్టిస్ట్‌గా మారాలనిపించింది. కాని ఆ రోజుల్లో ఆ కళకు పెద్దగా గిరాకీ లేదు. ఎవరికీ అలాంటిది ఒకటి ఉంటుందని తెలియదు. కళాత్మక కేకులు తయారు చేయాలంటే కావలసిన మెటీరియల్‌ మన దేశంలో దొరికేది కాదు. అయినా సరే తెగించి విదేశాల నుంచి కావలసిన సామాగ్రి తెప్పించుకుంటూ రంగంలో దిగాను. నేను తయారు చేసేది షాపులో అమ్మే కేకులు కాదు. కస్టమైజ్డ్‌ కేకులు. అందువల్ల వీటి ఖరీదు కూడా ఎక్కువ. అలాంటి కస్టమర్లు పెరిగే వరకూ నాకు కొంచెం కష్టంగానే అనిపించింది. కాని నా ప్రత్యేకమైన కేకులు నలుగురి దృష్టిలో పడ్డాక ఇప్పుడు ఊపిరి సలపడానికి కూడా టైమ్‌ లేదు’ అని నవ్వుతుంది ప్రాచీ. దేశీయత ప్రాచీ తయారు చేసే కేకులు దేశీయతతో నిండి ఉంటాయి. చీరల మీద డిజైన్లు, ఆర్కిటెక్చర్, సంప్రదాయ చిహ్నాలు అన్నీ ఆమె కేకుల్లో కనిపిస్తాయి. ఇటీవల ఆమె బెనారస్‌ చీరను, ఆభరణాలను పోలిన కేక్‌ను తయారు చేసింది. ‘కుంకుమ భరిణె’ లా కనిపిస్తున్న ఆ కేక్‌ ఎన్నో ప్రశంసలు పొందింది. ఆమె తయారు చేసిన నెమలి కేక్‌లో పైకి ఆభరణాలుగా కనిపించేవి కూడా తినదగ్గ మెటీరియల్‌తో తయారు చేసినవే. అయితే  ఈ కళను ప్రాచీ తన దగ్గరే దాచుకోవడం లేదు. యువ బేకర్‌లకు ప్రత్యేక శిక్షణ ఏర్పాటు చేసి నేర్పుతోంది. ‘అమ్మాయిలు ముందు తమకు ఇష్టమైన రంగంలో కనీస డిగ్రీ సంపాదించాలి. ఆ తర్వాత ఆ ఇష్టం కోసం కష్టపడాలి. తప్పకుండా విజయం లభిస్తుంది. కష్టపడకుండా ఏదీ రాదు’ అంటుంది ప్రాచీ. పాత దారిలో కొత్తగా నడవడమే విజయం అని ప్రాచీ విజయం తెలుపుతోంది.

సౌతాఫ్రికా-వెస్టిండీస్‌ జట్ల మధ్య నిన్న (మార్చి 26) జరిగిన రసవత్తర మ్యాచ్‌ పొట్టి ఫార్మాట్‌లో పర్ఫెక్ట్‌ మ్యాచ్‌గా అభివర్ణిస్తున్నారు విశ్లేషకులు. హోరీహోరీగా సాగిన ఈ మ్యాచ్‌లో ఇరు జట్లు పోటాపోటీగా పరుగులు సాధించడంతో పాటు అదే స్థాయిలో రికార్డులు కూడా కొల్లగొట్టారు. ఇరు జట్ల ధాటికి నిన్నటి మ్యాచ్‌లో డజన్‌కు పైగా రికార్డులు బద్దలయ్యాయి. ఆ రికార్డులేవంటే.. అంతర్జాతీయ టీ20ల్లో హైయెస్ట్‌ సక్సెస్‌ఫుల్‌  రన్‌ ఛేజ్‌ (సౌతాఫ్రికా- 259 టార్గెట్‌) అంతర్జాతీయ టీ20ల్లో వెస్టిండీస్‌ అత్యధిక టీమ్‌ స్కోర్‌- 258/5 అంతర్జాతీయ టీ20ల్లో సౌతాఫ్రికా అత్యధిక టీమ్‌ స్కోర్‌- 259/4 అంతర్జాతీయ టీ20ల్లో ఓ మ్యాచ్‌లో అత్యధిక పరుగులు- 517 అంతర్జాతీయ టీ20ల్లో ఓ మ్యాచ్‌లో అత్యధిక బౌండరీలు- 81 అంతర్జాతీయ టీ20ల్లో ఓ మ్యాచ్‌లో అత్యధిక సిక్సర్లు- 35 అంతర్జాతీయ టీ20ల్లో బౌండరీల ద్వారా ఓ మ్యాచ్‌లో అత్యధిక పరుగులు- 394 వెస్టిండీస్‌ తరఫున ఫాస్టెస్ట్‌ టీ20 హండ్రెడ్‌- జాన్సన్‌ చార్లెస్‌ (39 బంతుల్లో) సౌతాఫ్రికా తరఫున ఫాస్టెస్ట్‌ ఫిఫ్టి- క్వింటన్‌ డికాక్‌ (15 బంతుల్లో) పవర్‌ ప్లే (6 ఓవర్లు)లో అత్యధిక​ టీమ్‌ టోటల్‌- 102/0 (సౌతాఫ్రికా) అంతర్జాతీయ టీ20ల్లో వేగంగా 200 పరుగులు పూర్తి చేసిన జట్టు (సౌతాఫ్రికా-13.5 ఓవర్లలో) మొదటి 10 ఓవర్లలో అత్యధిక పరుగులు చేసిన జట్టు (సౌతాఫ్రికా-149) 

అరివీర భయంకర ఫామ్‌లో ఉన్న టీమిండియా యువ ఓపెనర్‌ శుభ్‌మన్‌ గిల్‌.. ఇవాళ (జనవరి 24) న్యూజిలాండ్‌పై మూడో వన్డేలో సెంచరీ బాదడం ద్వారా పలు రికార్డులు తన ఖాతాలో వేసుకున్నాడు. ఈ మ్యాచ్‌లో 78 బంతులు ఎదుర్కొన్న గిల్‌ 13 ఫోర్లు, 5 సిక్సర్ల సాయంతో 112 చేశాడు. తద్వారా వన్డేల్లో 4వ సెంచరీని, గత 4 వన్డేల్లో 3వ సెంచరీని నమోదు చేశాడు. ఇందులో ఓ డబుల్‌ సెంచరీ (న్యూజిలాండ్‌పై తొలి వన్డేలో 208) కూడా ఉంది. ఇవాల్టి మ్యాచ్‌లో గిల్‌ సెంచరీ సాధించాక పలు ప్రపంచ రికార్డుల్లో భాగమయ్యాడు.  అతి తక్కువ ఇన్నింగ్స్‌ల్లో 4 వన్డే సెంచరీలు (21) పూర్తి చేసిన ఆటగాళ్ల జాబితాలో 4వ స్థానంలో నిలిచాడు. ఈ జాబితాలో పాకిస్తాన్‌కు చెందిన ఇమామ్‌ ఉల్‌ హాక్‌ (9) అగ్రస్థానంలో ఉండగా.. క్వింటన్‌ డికాక్‌ (16), డెన్నిస్‌ అమిస్‌ (18), షిమ్రోన్‌ హెట్మేయర్‌ (22) 2, 3, 5 స్థానాల్లో నిలిచారు.  భారత్‌ తరఫున అతి తక్కువ వన్డేల్లో 4 సెంచరీలు పూర్తి చేసిన ఆటగాడిగా రికార్డు. గతంలో ఈ రికార్డు శిఖర్‌ ధవన్‌ పేరిట ఉండేది. ధవన్‌ 24 మ్యాచ్‌ల్లో ఈ ఫీట్‌ సాధించగా.. గిల్‌ 21 మ్యాచ్‌ల్లోనే ఈ మైలురాయిని చేరుకున్నాడు.  ఇదే మ్యాచ్‌లో గిల్‌ మరో ప్రపంచ రికార్డును సమం చేశాడు. 3 వన్డేల ద్వైపాక్షిక సిరీస్‌ల్లో అత్యధిక పరుగులు చేసిన ఆటగాడిగా పాక్‌ కెప్టెన్‌ బాబర్‌ ఆజమ్‌ సరసన నిలిచాడు. బాబర్‌ 2016 విండీస్‌ సిరీస్‌లో 360 పరుగులు చేయగా.. గిల్‌ ప్రస్తుత న్యూజిలాండ్‌ సిరీస్‌లో అన్నే పరుగులు చేశాడు. వీరిద్దరి తర్వాత ఇమ్రుల్‌ కయేస్‌ (349), డికాక్‌ (342), గప్తిల్‌ (330) ఉన్నారు.  ఇదిలా ఉంటే, ఈ మ్యాచ్‌లో తొలుత బ్యాటింగ్‌ చేస్తున్న టీమిండియా 38.4 ఓవర్ల పూర్తయ్యే సరికి 5 వికెట్ల నష్టానికి 293 పరుగుల చేసింది. రోహిత్‌ (101), గిల్‌ (112)తో పాటు కోహ్లి (36), ఇషాన్‌ కిషన్‌ (17), సూర్యకుమార్‌ యాదవ్‌ (14) కూడా ఔటయ్యారు.   

దేశంలో పురుషుల హాకీ ప్రపంచకప్‌ జరుగుతున్నందున ప్రముఖ కళాకారుడు సుదర్శన్‌ పట్నాయక్‌ అతిపెద్ద సైకత శిల్పాన్ని రూపొందించారు. ఈ మేరకు ఆయన అతి పెద్ధ హాకీ స్టిక్‌ రూపంలో సైకత శిల్పాన్ని రూపొందించారు. దీన్ని లాభాప్రేక్షలేని సంస్థ వరల్డ్‌ రికార్డ్స్‌ ఇండియా ప్రపంచంలోనే అతిపెద్ద సైకత హాకీ స్టిక్‌గా గుర్తించింది. ఒడిశాలో కటక్‌లోని మహానది ఒడ్డున సుమారు 5 వేల హాకీ బంతులతో 105 అడుగుల పొడవైన సైకత శిల్పాన్ని పట్నాయక్‌ రూపొందించారు. ఈ క్రమంలో పట్నాయక్‌ మాట్లాడుతూ..వరల్డ్‌ రికార్డ్స్‌ ఆఫ్‌ ఇండియా నుంచి ఈ సర్టిఫికేట్‌ పొందడం చాలా సంతోషంగా ఉంది.  (చదవండి: ప్రయాణికుడు చేసిన తప్పిదం..విమానం టేకాఫ్‌కు ముందే..)

రావల్పిండి వేదికగా పాకిస్తాన్‌తో ఇవాళ  (డిసెంబర్‌ 1) మొదలైన తొలి టెస్ట్‌లో పర్యాటక ఇంగ్లండ్‌ రికార్డుల మోత మోగించింది. ఈ మ్యాచ్‌లో టాస్‌ గెలిచి తొలుత బ్యాటింగ్‌కు దిగిన ఇంగ్లండ్‌.. తొలి రోజే 506 (4 వికెట్ల నష్టానికి) పరుగుల స్కోర్‌ చేసి, క్రికెట్‌ చరిత్రలో తొలి రోజు అత్యధిక స్కోర్‌ చేసిన జట్టుగా రికార్డుల్లోకెక్కింది. ఈ క్రమంలో 112 ఏళ్ల రికార్డును బద్దలు కొట్టింది. 1910 డిసెంబర్‌లో ఆస్ట్రేలియా-సౌతాఫ్రికా జట్ల మధ్య జరిగిన టెస్ట్‌ మ్యాచ్‌లో తొలి రోజు 494 పరుగులు నమోదయ్యాయి. టెస్ట్‌ క్రికెట్‌ చరిత్రలో నేటి వరకు ఇదే తొలి రోజు అత్యధిక స్కోర్‌గా కొనసాగింది. తాజాగా ఇంగ్లండ్‌ తొలి రోజు అత్యధిక స్కోర్‌ చేసిన రికార్డుతో పాటు తొలి రోజు 500 పరుగుల సాధించిన తొలి జట్టుగానూ రికార్డు పుటల్లోకెక్కింది.  World Record Day!#ENGvPAK pic.twitter.com/1WqQzmhNpC — RVCJ Media (@RVCJ_FB) December 1, 2022 ఈ రికార్డుతో పాటు తొలి సెషన్‌లో అత్యధిక పరుగులు చేసిన జట్టుగానూ ఇంగ్లండ్‌ రికార్డు సాధించింది. ఈ మ్యాచ్‌ తొలి సెషన్‌లో 27 ఓవర్లలో వికెట్‌ నష్టపోకుండా 174 పరుగులు చేసిన ఇంగ్లండ్‌.. టీమిండియా పేరిట ఉన్న రికార్డును తిరగరాసింది. 2018లో ఆఫ్ఘనిస్తాన్‌తో జరిగిన మ్యాచ్‌లో టీమిండియా తొలి సెషన్‌లో 158 పరుగులు స్కోర్‌ చేసింది. తాజాగా ఇంగ్లండ్‌.. ఈ రికార్డును కూడా బద్దలు కొట్టింది.  Stumps in Rawalpindi 🏏 England rewrite record books on their historic return to Pakistan 🙌 #WTC23 | #PAKvENG | https://t.co/PRCGXi3dZS pic.twitter.com/WPDooIc2ee — ICC (@ICC) December 1, 2022 ఇవే కాక, ఈ మ్యాచ్‌ తొలి రోజు ఏకంగా నలుగురు బ్యాటర్లు సెంచరీలు నమోదు చేశారు. ఇలా తొలి రోజు నలుగురు బ్యాటర్లు శతక్కొట్టడం టెస్ట్‌ క్రికెట్‌ చరిత్రలో ఇదే ప్రధమం. ఈ మ్యాచ్‌లో టీ20 తరహాలో బ్యాటింగ్‌ చేసిన ఇంగ్లండ్‌ బ్యాటర్లు 75 ఓవర్లలో 6.75 రన్‌రేట్‌ చొప్పున పరుగులు పిండుకున్నారు.  ఓపెనర్లు బెన్‌ డకెట్‌ (106 బంతుల్లో 101 నాటౌట్‌; 14 ఫోర్లు), జాక్‌ క్రాలే (106 బంతుల్లో 120 నాటౌట్‌; 21 ఫోర్లు), ఓలీ పోప్‌ (104 బంతుల్లో 108; 14 ఫోర్లు), హ్యారీ బ్రూక్‌ (81 బంతుల్లో 101 నాటౌట్‌) సెంచరీలతో విరుచుకుపడగా.. ఆట కాసేపట్లో ముగుస్తుందనగా కెప్టెన్‌ స్టోక్స్‌ (15 బంతుల్లో 34 నాటౌట్‌; 6 ఫోర్లు,  సిక్స్‌) పూనకం వచ్చినట్లు ఊగిపోయాడు. ఇంగ్లండ్‌ ఇన్నింగ్స్‌లో ఒక్క రూట్‌ (31 బంతుల్లో 23; 3 ఫోర్లు) మినహాయించి అందరూ టీ20ల్లోలా రెచ్చిపోయారు.

విజయ్‌ హజారే ట్రోఫీ-2022 సీజన్‌లో భాగంగా బెంగళూరు వేదికగా  తమిళనాడు-అరుణాచల్‌ప్రదేశ్‌ జట్ల మధ్య ఇవాళ (నవంబర్‌ 21) జరిగిన గ్రూప్‌-సి మ్యాచ్‌ కనీవినీ ఎరుగని రికార్డులకు కేరాఫ్‌గా నిలిచింది. ఈ మ్యాచ్‌లో నారాయణ్‌ జగదీశన్‌ (141 బంతుల్లో 277; 25 ఫోర్లు, 15 సిక్సర్లు) డబుల్‌ సెంచరీతో శివాలెత్తడంతో తమిళనాడు 435 పరుగుల భారీ తేడాతో ఘన విజయం సాధించింది. లిస్ట్‌-ఏ (అంతర్జాతీయ వన్డేలతో పాటు దేశవాలీ వన్డేలు) క్రికెట్‌లో ఇదే అత్యంత భారీ విజయంగా రికార్డుపుటల్లోకెక్కింది.  ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన తమిళనాడు.. ఓపెనర్లు జగదీశన్‌, సాయ్‌ సుదర్శన్‌ (102 బంతుల్లో 154; 19 ఫోర్లు, 2 సిక్సర్లు) భారీ శతకాలతో వీరవిహారం చేయడంతో నిర్ణీత 50 ఓవర్లలో 2 వికెట్ల నష్టానికి 506 పరుగుల భారీ స్కోర్‌ చేసింది. లిస్ట్‌-ఏ క్రికెట్‌లో ఇదే అత్యధిక టీమ్‌ స్కోర్‌గా రికార్డుల్లోకెక్కింది. అనంతరం ఆసాధ్యమైన లక్ష్యాన్ని ఛేదించేందుకు బరిలోకి దిగిన అరుణాచల్‌ప్రదేశ్‌.. 28.4 ఓవర్లలో కేవలం 71 పరుగులకే ఆలౌటై, లిస్ట్‌-ఏ క్రికెట్‌లో అత్యంత ఘోర ఓటమిని మూటగట్టుకుంది. మణిమారన్‌ సిద్ధార్థ్‌ (5/12) అరుణాచల్‌ప్రదేశ్‌ పతనాన్ని శాశించాడు.  కాగా, ఈ మ్యాచ్‌లో డబుల్‌ సెంచరీతో చెలరేగిన జగదీశన్‌ వ్యక్తిగతంతా పలు ప్రపంచ రికార్డులను తన ఖాతాలో వేసుకున్నాడు. ఈ మ్యాచ్‌కు ముందు ఇదే టోర్నీలో 4 వరుస శతకాలు బాదిన (114 నాటౌట్‌, 107, 168, 128) జగదీశన్‌.. తాజాగా డబుల్‌ సెంచరీతో వరుసగా ఐదో శతకాన్ని నమోదు చేశాడు. లిస్ట్‌-ఏ క్రికెట్‌లో ఇలా వరుసగా ఐదు సెంచరీలు చేయడం ప్రపంచ రికార్డు. గతంలో శ్రీలంక దిగ్గజం సంగక్కర, సౌతాఫ్రికా ఆటగాడు అల్విరో పీటర్సన్‌, భారత క్రికెటర్‌ దేవదత్‌ పడిక్కల్‌ వరుసగా 4 శతాకలు బాదారు.  ఈ మ్యాచ్‌లో డబుల్‌ సాధించే క్రమంలో జగదీశన్‌ ఏకంగా టీమిండియా కెప్టెన్‌ రోహిత్‌ శర్మ రికార్డునే బద్దలు కొట్టాడు. లిస్ట్‌-ఏ క్రికెట్‌లో రోహిత్‌ (శ్రీలంకపై 264 పరుగులు) అత్యధిక పరుగులు చేసిన రెండో బ్యాటర్‌గా కొనసాగుతుండగా.. జగదీశన్‌ ఆ రికార్డును బ్రేక్‌ చేశాడు. ఈ విభాగంలో అత్యధిక వ్యక్తిగత స్కోర్‌ రికార్డు ఇంగ్లీష్‌ క్రికెటర్‌ అలిస్టర్‌ బ్రౌన్‌ (268) పేరిట ఉండేది.  డబుల్‌ సాధించే క్రమంలో జగదీశన్‌ మరో రికార్డును కూడా తన ఖాతాలో వేసుకున్నాడు. తొలి శతకాన్ని సాధించేందుకు 76 బంతులు తీసుకున్న అతను.. రెండో సెంచరీని కేవలం 38 బంతుల్లోనే పూర్తి చేశాడు. డబుల్‌ సెంచరీలో రెండో అర్ధభాగాన్ని ఇన్ని తక్కువ బంతుల్లో పూర్తి చేయడం ​కూడా లిస్ట్‌-ఏ క్రికెట్‌లో రికార్డే. మొత్తానికి నారాయణ్‌ జగదీశన్‌ ధాటికి లిస్ట్‌-ఏ రికార్డులు చాలావరకు బద్ధలయ్యాయి. అతను సృష్టించిన విధ్వంసం ధాటికి పలు ప్రపంచ రికార్డులు సైతం తునాతునకలయ్యాయి. అతని సిక్సర్ల సునామీలో బెంగళూరు చిన్నస్వామి స్టేడియం కొట్టుకుపోయింది.   

న్యూఢిల్లీ: వైమానిక దళ సభ్యుల సతీమణుల సంక్షేమ సంఘం (ఏఎఫ్‌డబ్ల్యూడబ్ల్యూఏ) ఆధ్వర్యంలో నిర్వహించిన 41,541 ఉన్ని టోపీల ప్రదర్శన గిన్నిస్‌ రికార్డు నెలకొల్పింది. 3 వేల మంది మూణ్నెల్లు శ్రమించి నాలుగు టన్నుల ముడి ఉన్నితో వీటిని అల్లారు. ఏఎఫ్‌డబ్ల్యూడబ్ల్యూఏ 6వ వార్షికోత్సవం సందర్భంగా వీటిని ప్రదర్శించారు. వచ్చే శీతాకాలంలో అవసరమైన వారికి వాటిని అందించనున్నట్లు సంఘం ప్రతినిధులు తెలిపారు. ఈ కార్యక్రమానికి మహిళా శిశు సంక్షేమ శాఖ మంత్రి స్మృతి ఇరానీ ముఖ్య అతిథిగా హాజరై.. ప్రశంసించారు. గిన్నిస్‌ రికార్డు గుర్తింపు పత్రాన్ని శనివారం ఏఎఫ్‌డబ్ల్యూడబ్ల్యూఏ అధ్యక్షురాలు నీతా చౌధరికి అందజేశారు గిన్నిస్‌ వరల్డ్‌ రికార్డ్స్‌ ప్రతినిధి రిషి నాథ్‌. గిన్నిస్ రికార్డు పత్రం అందుకున్న సందర్భంగా  రక్షణ మంత్రి రాజ్‌నాథ్‌ సింగ్,  ఐఏఎఫ్‌ చీఫ్‌ వీఆర్‌ చౌధరి తదితరులు ఇలా హర్షం వెలిబుచ్చారు. The culmination of the event was celebrated today on occasion of the AFWWA Day & was attended by Hon'ble RM Shri @rajnathsingh & Hon'ble Smt @smritiirani. A world record was set, as recognised by Guiness World Records,when the caps were put on display at the location.@GWR pic.twitter.com/cuicVVJKuJ — Indian Air Force (@IAF_MCC) October 15, 2022 ఇదీ చదవండి: ప్రిస్క్రిప్షన్‌పై ‘శ్రీహరి’ మధ్యప్రదేశ్‌ సీఎం వ్యాఖ్యలు

ప్రొద్దుటూరు: బుడి బుడి అడుగులు వేస్తున్న రెండేళ్ల 10 నెలల చిన్నారి వినిశకు నోబెల్‌ వరల్డ్‌ రికార్డులో చోటు దక్కింది. వైఎస్సార్‌ జిల్లా ప్రొద్దుటూరు పట్టణంలోని శాస్త్రి నగర్‌కు చెందిన విశ్వనాథుల సౌమ్యప్రియ, పవన్‌కుమార్‌ కుమార్తె వినిశ ప్రతిభ చూపినందుకు నోబెల్‌ వరల్డ్‌ వారు ‘వరల్డ్‌ యంగెస్ట్‌ మల్టీ టాలెంటెడ్‌ కిడ్‌’ ప్రశంసా పత్రం, మెడల్, రూ.2వేలు అందించారు. ఆన్‌లైన్‌లో నిర్వహించిన పరీక్షలో ఈ చిన్నారి 30 పద్యాలు, సోలార్‌ సిస్టం, వారాలు, నెలల పేర్లు, చెస్‌ పెట్టడంలో, 50 జీకే ప్రశ్నలకు సమాధానాలు చెప్పడంతో ఈ అవార్డు బహూకరించారు. ఈ చిన్నారి గతంలో ఇండియా బుక్‌ ఆఫ్‌ రికార్డు, కలాం వరల్డ్‌ రికార్డు, ఇంటర్నేషనల్‌ వండర్‌ బుక్‌ ఆఫ్‌ రికార్డు, జీనియస్‌ బుక్‌ ఆఫ్‌ రికార్డులో స్థానం సంపాదించింది.

అనకాపల్లి: విశాఖ జిల్లా అనకాపల్లిలో పుట్టి చైనాలో యోగా గురువుగా ప్రఖ్యాతి గాంచిన కొణతాల విజయ్‌ గిన్నిస్‌బుక్‌లో స్థానం సంపాదించారు. చైనాలోని జెంజూ నగరంలో ఆగస్ట్‌ 4న అష్ట వక్రాసనాన్ని 2.32 నిమిషాలపాటు ప్రదర్శించి ఈ ఘనత సాధించారు. విజయ్‌ చదువుకునే సమయంలోనే యోగా నేర్చుకున్నారు. తర్వాత నృత్యంలో మెలకువలు సంపాదించి స్టార్‌ డ్యాన్సర్‌గా గుర్తింపు పొందారు. పలు దేశాల్లో డ్యాన్స్‌ శిక్షకుడిగా పనిచేసిన ఆయన చైనాలో స్థిరపడి నృత్యం, యోగ విద్యలో శిక్షణ ఇస్తున్నారు.  చదవండి: 17 నుంచి గుంటూరులో అగ్రి ఇన్ఫోటెక్‌–2021 భార్యాభర్తలిద్దరికీ గిన్నిస్‌బుక్‌లో స్థానం విజయ్‌ భార్య జ్యోతి కొద్ది నెలల క్రితం గిన్నిస్‌బుక్‌లో స్థానం దక్కించుకున్నారు. నిండు గర్భంతో యోగాసనాలు వేసి ఆమె ప్రపంచ రికార్డు నెలకొల్పారు. ఇప్పుడు విజయ్‌కు కూడా అదే యోగాలో గిన్నిస్‌ బుక్‌లో స్థానం లభించడం గొప్పవిషయమని గిన్నిస్‌బుక్‌ ప్రతినిధులు పేర్కొన్నారు. చైనాలో కుంగ్‌ ఫూ, కరాటే వంటి మార్షల్‌ ఆర్ట్స్‌లో ఎంతోమంది నిష్ణాతులు ఉంటారని, అక్కడ పోటీని తట్టుకొని యోగాసనాల్లో గిన్నిస్‌బుక్‌లో స్థానం పొందడం సంతోషంగా ఉందని విజయ్‌ ‘సాక్షి’తో చెప్పారు.

మధురపూడి: కేవలం ఒక చదరపు సెంటీమీటరు పరిమాణంలో ఉన్న పుస్తకంలో భగవద్గీతను లిఖించి ఆశ్చర్యపరిచాడు తూర్పుగోదావరి జిల్లా కోరుకొండ మండలం దోసకాయలపల్లికి చెందిన విద్యార్థి బాలశివతేజ. రాజమహేంద్రవరంలో ఇంటర్మీడియెట్‌ చదువుతున్న శివతేజ కొన్నాళ్లుగా స్మాలెస్ట్‌ హ్యాండ్‌ రైటింగ్‌లో సాధన చేస్తున్నాడు. ఇందులో భాగంగా భగవద్గీతలోని 240 శ్లోకాలను, 50 చిత్రాలను కేవలం ఒక చదరపు సెంటీమీటరు పరిమాణంలో ఉన్న 240 పేజీల పుస్తకంలో లిఖించాడు. దీనిని అతడు కేవలం 2 గంటల 50 నిమిషాల 23 సెకండ్లలో పూర్తి చేయడం అబ్బురపరుస్తోంది. దీనికి స్థానిక పంచాయతీ కార్యదర్శి జగ్జీవన్‌రావు, హైస్కూల్‌ ఉపాధ్యాయుడు సాంబశివరావు పరిశీలకులుగా వ్యవహరించారు. అరుదైన ప్రతిభను కనబరచిన శివతేజను పలువురు ప్రముఖులు, ఉపాధ్యాయులు అభినందించారు. ఈ అంశానికి సంబంధించిన వీడియోలు, ఫొటోలను మిరాకిల్‌ వరల్డ్‌ రికార్డు సాధన కోసం ఒంగోలు పంపారు.  

భవానీపట్న (ఒడిశా): హాకీలో భారత పురుషుల, మహిళల జట్లు టోక్యో ఒలింపిక్స్‌లో ఆకట్టుకోగా... ఓ ఒడిశా యువకుడు మరో అరుదైన ఫీట్‌ చేశాడు. బొలాంగిర్‌ జిల్లాలోని జముత్‌జోలా గ్రామానికి చెందిన 25 ఏళ్ల రాజ్‌గోపాల్‌ భోయ్‌ కుడిచేతి చూపుడు వేలుపై ఏకంగా 3 గంటల 22 నిమిషాల 22 సెకన్లపాటు హాకీ స్టిక్‌ను నిలబెట్టాడు. గిన్నిస్‌ వరల్డ్‌ రికార్డు కోసం ప్రయత్నించాడు.  గిన్నిస్‌ నిబంధనల మేరకు సమయాన్ని నమోదుచేసే వారు, జడ్జిలు, వీక్షకుల సమక్షంలో... వీడియో చిత్రీకరణ జరుగుతుండగా... రాజ్‌గోపాల్‌ ఈ అరుదైన ఫీట్‌ చేశాడు. అత్యధిక సమయం చూపుడు వేలిపై హాకీ స్టిక్‌ను నిలబెట్టిన వరల్డ్‌ రికార్డు ప్రస్తుతం 2 గంటల 22 నిమిషాలతో బెంగళూరుకు చెందిన హిమాంశు గుప్తా పేరిట ఉంది. రాజ్‌గోపాల్‌ విన్యాసానికి సంబంధించిన వీడియో రికార్డింగ్‌ను నిశితంగా అధ్యయనం చేసిన అనంతరం గిన్నిస్‌ వరల్డ్‌ రికార్డు వాళ్లు అతని ఘనతను గుర్తించి సర్టిఫికెట్‌ జారీచేయనున్నారు. శారీరకంగా, మానసికంగా ఎంతో శక్తి కావాలని... సంకల్పబలంతోనే ఇది సాధ్యమని ఈ ఫీట్‌కు నిర్వాహకునిగా వ్యవహరించిన సత్యపిర్‌ ప్రధాన్‌ అన్నారు. 

జార్జియాకు చెందిన వెయిట్‌ లిఫ్టర్‌ లాషా తలాఖద్జె సంచలన ప్రదర్శన చేశాడు. బుధవారం పురుషుల +109 కేజీల వెయిట్‌లిఫ్టింగ్‌లో లాషా... తన ఆకారానికి తగ్గట్టే బరువులను ఇట్టే ఎత్తేసి స్వర్ణ పతకాన్ని దక్కించుకున్నాడు. ఆరు అడుగుల ఆరు అంగుళాల ఎత్తు... 176 కేజీల బరువుతో  అజానుబాహుడైన లాషా... మొత్తం 488 కేజీలు (స్నాచ్‌లో 223+క్లీన్‌ అండ్‌ జెర్క్‌లో 265) బరువు ఎత్తి పసిడి పతకాన్ని దక్కించుకున్నాడు. ఈ క్రమంలో స్నాచ్, క్లీన్‌ అండ్‌ జెర్క్‌తో పాటు ఓవరాల్‌ బరువులో గతంలో తన పేరిటే ఉన్న ప్రపంచ రికార్డులను బద్దలు కొట్టాడు. రెండో స్థానంలో నిలిచిన అలీ డెవౌడి (ఇరాన్‌) కంటే లాషా 47 కేజీలు ఎక్కువగా ఎత్తడం విశేషం. ఒలింపిక్స్‌లో లాషాకు ఇది రెండో స్వర్ణం. 2016 రియోలో +105 కేజీల విభాగంలో బరిలోకి దిగిన అతడు బంగారు పతకంతో మెరిశాడు. అలీ డెవౌడి 441 కేజీల (స్నాచ్‌లో 200+క్లీన్‌ అండ్‌ జెర్క్‌లో 241)తో రజతాన్ని.... మన్‌ అసద్‌ (సిరియా) 424 కేజీల(స్నాచ్‌లో 190+క్జీన్‌ అండ్‌ జెర్క్‌లో 234)తో కాంస్యాన్ని దక్కించుకున్నారు. 

చేబ్రోలు (పొన్నూరు): గుంటూరు జిల్లా చేబ్రోలు మండల పరిధిలోని వడ్లమూడి విజ్ఞాన్‌ లారా ఇంజినీరింగ్‌ కళాశాలలో మూడో సంవత్సరం చదువుతున్న విద్యార్థి దాసరి యశ్వంత్‌ ఆర్ట్‌ వర్క్‌లో 12 వరల్డ్‌ రికార్డులు సాధించాడని కళాశాల ప్రిన్సిపల్‌ కేపీ కుమార్‌ వెల్లడించారు. గత నెల 22న తెనాలిలోని శ్రీ చైతన్య స్కూల్‌ ఆవరణలో ఇండియన్‌ ఫిల్మ్‌ యాక్టర్, సోషల్‌ యాక్టివిస్ట్‌ అయిన సోనూసూద్‌ 2,938.548 అడుగుల చిత్రాన్ని 2 గంటల 57 నిమిషాలలో పూర్తి చేసి ఒకేసారి 12 వరల్డ్‌ రికార్డులు సాధించాడని పేర్కొన్నారు. వరల్డ్‌ రికార్డులు అందించే టీం సభ్యులు ఈ చిత్రాన్ని పరిశీలించి, అతి తక్కువ సమయంలో దీనిని పూర్తి చేసినట్లు గుర్తించారన్నారు. ఇందుకు సంబంధించిన వరల్డ్‌ రికార్డు ధ్రువపత్రాలను ఈ నెల 3వ తేదీన విద్యార్థి యశ్వంత్‌కు అందజేసినట్లు చెప్పారు. రెండు చేతులతోను, రెండు కాళ్లతోను, నోటితోను బొమ్మలు వేయగలడం, 7 అడుగుల చిత్రాన్ని రివర్స్‌లో వేయడం యశ్వంత్‌ ప్రత్యేకతని తెలిపారు. వరల్డ్‌ రికార్డులు సాధించిన యశ్వంత్‌ను విజ్ఞాన్‌ విద్యాసంస్థల చైర్మన్‌ లావు రత్తయ్య అభినందించారు. 

ఒకప్పుడు ఎవరి ఫోన్‌ నంబర్‌ అయినా తడుముకోకుండా టకటకా చెప్పేవాళ్లం. స్మార్ట్‌ ఫోన్‌లు వచ్చాక ఇంట్లో వాళ్ల నంబర్లు కూడా మర్చిపోతున్న ఈ రోజుల్లో.. ప్రపంచ దేశాల పేర్లు, వాటి రాజధానులు, అక్కడ వినియోగించే కరెన్సీ పేర్లను గుక్కతిప్పుకోకుండా చెబుతోంది పదేళ్ల సారా ఛిపా. భారతసంతతికి చెందిన సారా ఇటీవల జరిగిన వరల్డ్‌ రికార్డ్స్‌ పోటీలో పాల్గొని.. 196 దేశాల పేర్లు, రాజధానులు, ఆయా దేశాల్లో వాడే కరెన్సీ పేర్లను అవలీలగా చెప్పి వరల్డ్‌ రికార్డును సొంతం చేసుకుంది. ఇప్పటిదాకా ఈ రికార్డు సాధించిన వారంతా దేశాల పేర్లు వాటి రాజధానుల పేర్లు మాత్రమే చెప్పగా.. సారా వీరందరికంటే ఒక అడుగు ముందుకేసి ఆయా దేశాల కరెన్సీల పేర్లు కూడా చెప్పడం విశేషం. గిన్నిస్‌ వరల్డ్‌ బుక్‌ ఆఫ్‌ రికార్డ్స్, ఓఎమ్‌జీ బుక్‌ ఆఫ్‌ వరల్డ్‌ రికార్డ్స్‌ వారు సంయుక్తంగా నిర్వహించిన వర్చువల్‌ ఈవెంట్‌లో పాల్గొన్న సారా అన్ని దేశాల కరెన్సీ, రాజధానుల పేర్లు కరెక్టుగా చెప్పి వరల్డ్‌ రికార్డు సర్టిఫికెట్‌ను అందుకుంది. కాగా ఈవెంట్‌ను యూట్యూబ్, ఫేస్‌బుక్, లింక్డ్‌ఇన్‌ మాధ్యమాలలో లైవ్‌ టెలికాస్ట్‌ చేశారు. రాజస్థాన్‌లోని భిల్వారా.. సారా స్వస్థలం. తల్లిదండ్రులు ఇద్దరూ వృత్తిరీత్యా గత తొమ్మిదేళ్లుగా యూఏఈలో ఉంటున్నారు. సారాకు ఒక తమ్ముడు కూడా ఉన్నాడు. జెమ్స్‌ మోడరన్‌ అకాడమీలో ఆరోతరగతి చదువుతోన్న సారా 1500 గంటలకు పైగా సాధన చేసి ఈ కేటగిరీలో గెలిచిన తొలి భారతసంతతి వ్యక్తిగా నిలిచింది. అనుకోకుండా.. సారా వరల్డ్‌ రికార్డులో పాల్గొనాలని మెమరీ టెక్నిక్స్‌ నేర్చుకోలేదు. లాక్‌డౌన్‌ సమయంలో జ్ఞాపకశక్తి, సృజనాత్మకు పదును పెట్టేందుకు ముంబైకు చెందిన ‘బ్రెయిన్‌ రైమ్‌ కాగ్నిటివ్‌ సొల్యూషన్‌’ వ్యవస్థాపకులు సుశాంత్‌ మీసోర్కర్‌ వద్ద శిక్షణ తీసుకోవడం ప్రారంభించింది. కొన్ని సెషన్ల తరువాత సారాలో చురుకుదనం గమనించిన సుశాంత్‌ ఆమెకు మరింత ప్రత్యేకమైన శిక్షణ ఇచ్చి వరల్డ్‌ రికార్డు పోటీలో పాల్గొనేందుకు ప్రేరేపించారు. ప్రారంభంలో 585 పేర్లను గుర్తు పెట్టుకోవడానికి సారాకు గంటన్నర పట్టేది. సాధన చేస్తూ చేస్తూ కేవలం 15 నిమిషాల్లోనే పేర్లను చెప్పగలిగేది. మూడు నెలల పాటు ఎంతో కష్టపడి క్రియేటివ్‌ లెర్నింగ్, మెమరీ టెక్నిక్‌ల ద్వారా దేశాల రాజధానులు, కరెన్సీ పేర్లను గుర్తుపెట్టుకుంది. షైన్‌ విత్‌ సారా సారా జ్ఞాపకశక్తిపరంగా చురుకైన అమ్మాయే కాకుండా మంచి డ్యాన్సర్‌ కూడా. వివిధ కార్యక్రమాల్లో స్టేజిపై నాట్యప్రదర్శనలు ఇచ్చింది. జ్ఞాపకశక్తిని పెంచుకునేందుకు యోగా, బ్రీతింగ్‌ టెక్నిక్‌లను సాధన చేస్తోంది. ఇంకా ‘షైన్‌ విత్‌ సారా’ అనే యూట్యూబ్‌ చానల్‌ను నడుపుతూ..‘‘ఇన్‌క్రెడిబుల్‌ ఇండియా’’ పేరుతో వీక్లి సిరీస్‌లను అందిస్తోంది. ‘‘నేను ఈ రికార్డును నెలకొల్పడానికి నా గురువు సుశాంత్, తల్లిదండ్రులే నాకు ప్రేరణ. నా మీద నమ్మకముంచి నన్ను ఎప్పటికప్పుడు ప్రోత్సహించడం వల్లే నేను ఈరోజు వరల్డ్‌ రికార్డును సాధించగలిగాను’’ అని సారా చెప్పింది. ‘‘ప్రపంచ రికార్డు హోల్డర్‌కు తండ్రినైనందుకు ఎంతో సంతోషంగా ఉంది. యూఏఈలో ఉంటున్నప్పటికీ నేను భారతీయుడినైనందుకు ఎంతో గర్వంగా ఉంది. సారా జీవితంలో మరిన్ని విజయాలు అందుకోవాలని కోరుకుంటున్నాను’’ అని సారా తండ్రి సునీల్‌ చెప్పారు.

శ్రీకాళహస్తి: మారుమూల పల్లెటూరుకు చెందిన  యువకుడి అద్భుత ఆవిష్కరణకు గిన్నిస్‌ బుక్‌లో చోటు లభించింది. తను రూపొందించిన 1.76 సెంటీమీటర్ల అతి చిన్న వ్యాక్యూమ్‌ క్లీనర్‌ వరల్డ్‌ రికార్డు కొల్లగొట్టింది. చిత్తూరు జిల్లా తొట్టంబేడు మండలం శేషమనాయుడు కండ్రిగ గ్రామానికి చెందిన రామకృష్ణ, రమణమ్మ దంపతుల కుమారుడు తపాల నాదముని ఎన్‌ఐటీపీ (నేషనల్‌ ఇన్‌స్టిట్యూట్‌ ఆఫ్‌ పాట్నా)లో బీఈ ఆర్కిటెక్చర్‌ ద్వితీయ సంవత్సరం చదువుతున్నారు. 2016లో ఇన్‌స్పైర్‌ సైన్స్‌ మేళాలో పాల్గొని తన సత్తా చాటారు. తర్వాత 2.2 సెంటీమీటర్లు ఉన్న వ్యాక్యూమ్‌ క్లీనర్‌ను తయారు చేసి ఇండియన్‌ బుక్‌ ఆఫ్‌ రికార్డ్స్‌లో చోటు దక్కించుకున్నారు. అనంతరం మరింత లోతుగా అధ్యయనం చేసి ప్రపంచంలోనే అతి చిన్న వ్యాక్యూమ్‌ క్లీనర్‌ (1.76 సెంటీమీటర్లు)ను రూపొందించారు. దీనిపై నాదముని మాట్లాడుతూ.. 8 నెలల పాటు శ్రమించి, రూ.25 వేల వ్యయంతో ఈ ప్రాజెక్టును పూర్తి చేశానన్నారు. గిన్నిస్‌ బుక్‌ వారికి పంపించగా మూడు రోజుల క్రితం సర్టిఫికెట్‌ అందజేసినట్లు తెలిపారు. ఈ వ్యాక్యూమ్‌ క్లీనర్‌ క్లినికల్‌ ల్యాబొరేటరీల్లో వాడేందుకు ఉపయుక్తంగా ఉంటుందని వివరించారు. 

సాక్షి, హైదరాబాద్‌: అతనికి లెక్కలంటే లెక్కే లేదు..! అంకెలు.. సంఖ్యలే అతడి మెదడులో ఎప్పుడూ మెదులుతుంటాయి. గణితంతో అం దరూ కుస్తీ పడుతుంటే.. అతడు మాత్రం ఏ సమస్యనైనా క్షణాల్లో కంప్యూటర్‌ కన్నా వేగంగా పరిష్కరిస్తాడు.. అతడే హైదరాబాద్‌కు చెందిన నీలకంఠ భాను ప్రకాశ్‌. గణితంలో అత్యంత వేగంగా గణన ప్రక్రియ పూర్తిచేసిన మానవ కంప్యూటర్‌గా పేరొందాడు. నగరంలోని మోతీనగర్‌లో నివాసముంటున్న భానుప్రకాశ్‌ వయసు 21 ఏళ్లు. ఈ ప్రాయంలోనే అతను విశ్వవిఖ్యాత హైరేంజ్‌ బుక్‌ ఆఫ్‌ వరల్డ్‌ రికార్డ్స్‌లో స్థానం సంపాదించడం విశేషం. ఈనెల 15న లండన్‌లో నిర్వహించిన మైండ్‌ స్పోర్ట్‌ ఒలింపియాడ్‌లో గణితంలో అసాధారణ తెలివితేటలు చూపి గోల్డ్‌ మెడల్‌ సాధించి అత్యంత ఫాస్టెస్ట్‌ హ్యూమన్‌ కేలిక్యులేటర్‌గా రికార్డులకెక్కాడు. ఈ పోటీలో సుమారు 13 దేశాలకు చెందిన 30 మంది మేధావులు పాల్గొన్నారు. ఐదేళ్ల ప్రాయం నుంచే అనితరసాధ్యమైన సాధనతో గణితంలో అంతుచిక్కని సమస్యలకు పరిష్కారాలను కనిపెడుతున్న భాను ప్రకాశ్‌ ప్రస్తుతం ఢిల్లీ యూనివర్సిటీ పరిధిలోని సెయింట్‌ స్టీఫెన్‌ కాలేజీలో బీఎస్సీ మ్యాథమ్యాటిక్స్‌ (హానర్స్‌) చదువుతున్నాడు. భాను గతంలో లిమ్కా బుక్‌ ఆఫ్‌ రికార్డ్స్‌లోనూ స్థానం సంపాదించాడు. ఇప్పటివరకు 5 వరల్డ్‌ రికార్డులు, 50 లిమ్కా వరల్డ్‌ రికార్ట్స్‌ను సాధించి అందరి మన్ననలు పొందాడు.  గణిత ల్యాబ్‌ ఏర్పాటే లక్ష్యం..  భాను ప్రకాశ్‌కు తండ్రి శ్రీనివాస్, తల్లి హేమ, సోదరి మన్మోహణి ఉన్నారు. జూబ్లీ హిల్స్‌లోని భారతీయ విద్యాభవన్‌ పాఠశాలలో ప్రాథమిక, మాధ్యమిక విద్యాభ్యాసం, ఇంటర్మీ డియట్‌ చుక్కా రామయ్య ఇన్‌స్టిట్యూట్‌లో పూర్తి చేశాడు. భవిష్యత్‌లో గణిత ల్యాబ్‌ను ఏర్పాటు చేసి గణితంలో అంతుచిక్కని సమస్యలను సాధించేలా విద్యార్థులను తీర్చిదిద్దడమే తన లక్ష్యం అని చెప్పాడు. భారత రాష్ట్రపతి రామ్‌నాథ్‌ కోవింద్, ఉపరాష్ట్రపతి ఎం.వెంకయ్యనాయుడు సహా పలువురు ప్రముఖులు భానుప్రకాశ్‌ను ప్రత్యేకంగా అభినందించారు.


 సాక్షి, హైదరాబాద్‌: టీమిండియా సీనియర్‌ ప్లేయర్‌, మాజీ కెప్టెన్‌ మహేంద్రసింగ్‌ ధోనికి 2017  అచ్చొచ్చిన ఏడాదిగా నిలిచింది. వన్డే కెరీర్‌లో ధోని ఈ ఏడాది అత్యున్నత రికార్డులు నమోదు చేశాడు. బ్యాటింగ్ లో 79 సగటుతో చెలరేగిన ధోని, అరుదైన ప్రపంచ రికార్డులను తన ఖాతాలో వేసుకున్నాడు. వన్డేల్లో 300వ అంతర్జాతీయ మ్యాచ్‌, అత్యధిక నాటౌట్‌లు, అత్యధిక స్టంప్‌ అవుట్‌లు చేసిన వికెట్‌ కీపర్‌గా రికార్డులను నమోదు చేశాడు. ఇక ఈ ఏడాది 20 మ్యాచ్‌లు ఆడిన మిస్టర్‌ కూల్‌ ఐదు అర్ధ సెంచరీలు, ఒక సెంచరీతో 632 పరుగులు చేశాడు. 2019 ప్రపంచకప్‌ వరకు ధోని కొనసాగడం కష్టమన్న విమర్శకుల వ్యాఖ్యలను తన ఆటతోనే తిప్పికొట్టాడు.
 అద్భుత ప్రదర్శనతో టీమిండియా డ్రెస్సింగ్‌ రూం ఆభరణంలా నిలిచాడు. ఇక కొల్‌కతా వేదికగా జరిగిన రెండో వన్డేలో ఆస్ట్రేలియా బ్యాట్స్‌మన్‌ మాక్స్‌వెల్‌ను రెప్పపాటులో స్టంప్‌అవుట్‌ చేసి కీపింగ్‌లో తనకు తానే సాటి అని మరోసారి నిరూపించాడు. ఆస్ట్రేలియాతో తొలి వన్డేలో టాప్‌ ఆర్డర్‌ విఫలమవ్వగా బ్యాటింగ్‌ బాధ్యతను తనపై వేసుకొని యువ ఆటగాళ్లతో ఇన్నింగ్స్‌ నిర్మించిన గెలిపించిన విషయం తెలిసిందే. ఇక శ్రీలంక పర్యటనలో రెండో వన్డేలో టేలెండర్‌ భువనేశ్వర్‌తో  మ్యాచ్ ను గట్టెక్కించి ప్రశంసలు అందుకున్నాడు. 2019 ప్రపంచకప్‌ ముందు ఎంఎస్‌ సరిగ్గా 39 వన్డే మ్యాచ్‌లాడనున్నాడు. ప్రతీ మ్యాచ్‌లో రాణిస్తూ మరో ప్రపంచకప్ అందించాలని ధోని అభిమానులు ఆకాంక్షిస్తున్నారు.


 సాక్షి, కొలంబో: మహేంద్ర సింగ్‌ ధోనీకి తన కెరీర్‌లో మరో మైలు రాయికి అడుగు దూరంలో ఉన్నాడు. తన వన్డే కెరీర్‌లో అతను 300వ మ్యాచ్‌ ఆడబోతున్నాడు.  వన్డే క్రికెట్లో గొప్ప ఫినిషర్‌గా పేరున్న ధోని మూడు వందల మ్యాచ్‌లు ఆడిన ఆరో భారత ఆటగాడిగా నిలవనున్నాడు. అంతకు ముందు సచిన్‌ టెండూల్కర్‌(463), రాహుల్‌ ద్రవిడ్‌ (344), అజహరుద్దీన్‌ (334), సౌరభ్‌ గంగూలీ (311), యువరాజ్‌ సింగ్‌ (304) మ్యాచ్‌లు ఆడిన లిస్టులో ఉన్నారు.
 
 అంతేకాకుండా ధోని మరో రికార్డుకు చేరువలో ఉన్నాడు. అత్యధిక స్టంపింగ్‌ చేసిన ఆటగాడి జాబితాలో కూడా చేరనున్నాడు. ప్రస్తుతం 99 స్టంపింగ్‌లతో శ్రీలంక మాజీ దిగ్గజ ఆటగాడు, వికెట్‌ కీపర్‌ కుమార సంగక్కరతో సంయుక్తంగా మొదటి స్థానంలో ఉన్నాడు. మరొక స్టంపింగ్‌ చేస్తే తన తన రికార్డును తానే తిరగ రాసుకున్న కీపర్‌గా రికార్డులకెక్కుతాడు. ప్రస్తుతం 72 అజేయ ఇన్నింగ్స్‌లతో జట్టును గెలిపించిన షాన్ పోలాక్‌, చమింద వాస్‌ సరసన నిలిచాడు. ధోని ఆడుతున్న మూడు వందల వన్డే మ్యాచ్‌లో ఈ రెండు రికార్డులు తిరగ రాయాలని అభిమానులు కోరుకుంటున్నారు.
 
 ధోని తాజాగా వన్డే మ్యాచ్‌ల్లో అత్యధిక పరుగులు చేసిన భారత్‌ ఆటగాళ్ల జాబితాలో చేరాడు. ధోని కేవలం 296 మ్యాచ్‌ల్లో 9608 పరుగులు చేశాడు. ధోని కంటే ముందుగా సచిన్‌ టెండూల్కర్‌(11,426), సౌరవ్‌ గంగూలీ(11,221), రాహుల్‌ ద్రవిడ్‌(10,768)లు మొదటి స్థానాల్లో ఉన్నారు.


 హైరేంజ్‌ బుక్‌ ఆఫ్‌ వరల్డ్‌ రికార్డ్స్‌లో నమోదు
  
 హైదరాబాద్‌: తెలంగాణ సంస్కృతీ సంప్రదాయాల ప్రతీక బోనం ప్రపంచ రికార్డుకెక్కింది. పోతు రాజుల విన్యాసాలు, డప్పు వాయిద్యాల మధ్య దాదాపు 2,650 మంది మహిళలు బోనాలు ఎత్తుకున్నారు. ఈ అపూర్వ సన్నివేశం సరూర్‌నగర్‌ ఇండోర్‌ స్టేడియంలో ఆదివారం చోటు చేసుకుంది. నెహ్రూ యువ కేంద్ర సంఘటన్, తనిష్‌ నీలిమ డ్యాన్స్‌ అకాడమి, వాసవి మహిళా సమాఖ్య, తెలంగాణ కలల వేదిక, కైరా ఫౌండేషన్, మయూరి రూరల్‌ డెవలప్‌మెంట్‌ ఆర్గనైజేషన్‌ సంయుక్తంగా ‘బోనం.. తెలంగాణ ప్రాణం’ పేరిట ప్రపంచ రికార్డ్‌ స్థాయిలో బోనాల ప్రదర్శన నిర్వహించారు.
 
 బోనాల వైభవాన్ని ప్రపంచానికి తెలియజేయడానికి ఈ కార్యక్రమం చేపట్టినట్లు నిర్వాహకులు తెలిపారు. కార్యక్రమానికి కేంద్ర మంత్రి దత్తాత్రేయ ముఖ్యఅతిథిగా హాజరయ్యారు. తెలంగాణ సంస్కృతి, సంప్రదాయాలను కాపాడుకోవాలని దత్తాత్రేయ సూచించారు. కార్యక్రమంలో హైరేంజ్‌ బుక్‌ ఆఫ్‌ వరల్డ్‌ రికార్డ్స్‌ ప్రతినిధి జయంత్‌రెడ్డి, సంఘటన్‌ జాతీయ ఉపాధ్యక్షుడు పేరాల శేఖర్‌జీ, లక్ష్మీదేవి, ఉప్పల రాజ్య లక్ష్మి, స్వరూపరాణి, ఉమా మహేశ్వరి, వన్‌పల్లి శ్రీనివాస్‌రెడ్డి, ప్రతాప్, బండి దీక్షిత్, నర్సింహారెడ్డి, సతీశ్‌గౌడ్‌ పాల్గొన్నారు.


 భిలాయ్‌(చత్తీస్‌గఢ్‌): స్వామి వివేకానంద జయంతిని పురస్కరించుకుని చత్తీస్‌గఢ్‌లోని భిలాయ్‌లో బాబా రాందేవ్, ఆచార్య బాలకృష్ణ ఆధ్వర్యంలో నిర్వహించిన యోగా, ప్రాణాయామం కార్యక్రమంలో పాల్గొన్న వారు ఆసనాలువేసి 9 కొత్తగోల్డెన్‌ బుక్‌ ప్రపంచరికార్డులు నెలకొల్పారు. బిలాయ్‌లోని 36ఎకరాల మైదానంలో దాదాపు లక్షమంది ఈ కార్యక్రమంలో పాల్గొన్నారు. సూర్యనమస్కారాలు, కపాల్‌భాతి ప్రాణాయామం, అనులోమ విలోమ ప్రాణాయామం చేసి 3 ప్రపంచరికార్డులు సృష్టించారు.
 
 ఈ కార్యక్రమంలో రాష్ట్ర సీఎం రమణ్‌ సింగ్, ఉన్నతవిద్య మంత్రి  ప్రకాశ్‌ పాండే పాల్గొన్నారు. లక్షకుపైగా జనం ఒకేసారి యోగా నేర్చుకుని నాలుగో రికార్డును,  ఒకేసారి నిమిషంలో 10 పుషప్స్‌ చేసి ఐదో రికార్డును నెలకొల్పారు. రాజస్తాన్‌కు చెందిన భాయ్‌ జైపాల్‌ అనే గురువు 141 నిమిషాలపాటు శీర్షాసనం వేసి ఆరో రికార్డును, భాయ్‌ రోతాస్‌ 19నిమిషాల 20సెకన్లలో 1000 పుషప్స్‌ చేసి ఏడో రికార్డు సృష్టించారు. 50,000 మంది ఒకేసారి సర్వాంగాసన, హలాసనాలు వేసి ఎనిమిదో, తొమ్మిదో రికార్డులను నమోదుచేశారు.


 కడప: వైఎస్సార్‌ జిల్లా కడప నగరానికి చెందిన సహస వీరుడు మదన్‌మోహన్‌(38) ఉగాండాలో సాహస కృత్యాలు చేస్తూ మృత్యువాత పడ్డారు. అక్టోబర్‌ 27న ఉగాండాలోని ఎన్‌ఆర్‌ఐల పిలుపు మేరకు అక్కడ సాహసకృత్యాల్లో శిక్షణ ఇచ్చేందుకు మదన్‌మోహన్‌రెడ్డి మరో ఇద్దరు విశ్రాంత ఎయిర్‌ఫోర్సు అధికారులు అక్కడికి వెళ్లారు. అయితే ఈనెల 13వ తేదీకి ఆయన తిరిగి రావాల్సి ఉండగా.. 13వ తేదీనే ఆయన తుదిశ్వాస వదిలారు. శిక్షణ ఇస్తున్న క్రమంలో తలెత్తిన సాంకేతికలోపమో.. లేక పరికరాల్లో నాణ్యత లోపమో తెలియదు కానీ మదన్‌మోహన్‌రెడ్డి ఈనెల 6వ తేదీన ప్రమాదానికి గురయ్యారు. దీంతో అక్కడి అధికారులు హాస్పిటల్‌లో చేర్పించారు. అప్పటి నుంచి కోమాలో ఉన్న ఆయన ఆదివారం మధ్యాహ్నం 12 గంటల ప్రాంతంలో (భారత కాలమానం ప్రకారం) తుదిశ్వాస వదిలారు. ఈనెల 15 లేదా 16 తేదీల్లో ఆయన భౌతికకాయాన్ని కడపకు తీసుకువచ్చేందుకు ఎయిర్‌ఫోర్సు అధికారులు ఏర్పాట్లు చేశారు.
 
 12 ప్రపంచ రికార్డులు ఆయన సొంతం..
 మొదటి నుంచి వినూత్న ఆలోచనలు.. సాహసకృత్యాల పట్ల విపరీతమైన ఆసక్తి ఉన్న ఈయన ఎయిర్‌మెన్‌గా ఎయిర్‌ఫోర్స్‌లో ఉద్యోగంలో చేరినప్పటి నుంచి వివిధ రకాల సాహసకృత్యాల్లో పాల్గొనేవాడు. పారాగ్లైడింగ్, పారాసైయిలింగ్, పారామోటార్, పవర్ట్‌హెంట్‌ గ్లెడింగ్, పారాజంపింగ్‌ వంటి అంశాల్లో ఎన్నో ప్రదర్శనలు చేశారు. ఈయేడాది ఫిబ్రవరిలో 'ప్రదక్షిణ' పేరుతో 12 రాష్ట్రాల మీదుగా ఆకాశంలో పారామోటార్‌ గ్లైడింగ్‌ చేస్తూ 10వేల కిలోమీటర్లు ప్రయాణించి ప్రపంచ రికార్డు సృష్టించారు. దీంతో పాటు హిమాలయాలతో పాటు వివిధ పర్వతారోహణలో సైతం రికార్డులు సృష్టించారు. 2012లో 20,540 ఫీట్ల ఎత్తువరకు మోటార్‌బైక్‌ను పర్వతారోహణ చేసి లిమ్కా బుక్‌ ఆఫ్‌ రికార్డులో 2013లో పేరు నమోదు చేసుకున్నారు. హిమాలయ పర్వతాల్లో 926 కిలోమీటర్లను 51 గంటల్లో మోటార్‌బైక్‌ ద్వారా ఎక్కి రికార్డు సృష్టించారు. ప్రపంచ పారామోటార్‌ ఛాంపియన్‌షిప్‌ పోటీల్లో సైతం పతకాలు సాధించిన ఈయన మొత్తం మీద 12 ప్రపంచరికార్డులను సొంతం చేసుకున్నారు. ఈ ఏడాది సెప్టెంబర్‌ నెలలో జూనియర్‌ వారెంట్‌ ఆఫీసర్‌గా ఉద్యోగ విరమణ చేశారు.


 నిద్ర సృష్టిలోని అన్ని జీవులకు అవసరమైన జీవక్రియల్లో అతిముఖ్యమైనది. గాలి, నీరు, ఆహారంతోపాటు ప్రతిరోజూ నిద్ర కూడా తప్పనిసరి. ఈ విషయంలో అనేక జీవులకు వేర్వేరు లక్షణాలున్నాయి. నిద్రపోవడం కూడా ఒకరకంగా శక్తిని సమకూర్చుకోవడమే. అందుకే మానవులకు తప్పనిసరిగా ప్రతిరోజూ కనీసం ఏడు గంటల నిద్ర అవసరమని నిపుణులు సూచిస్తారు.
 
 మానవులు నిద్రలేకుంటే మరుసటి రోజు తీవ్ర అలసటకు లోనవుతారు. సరిగ్గా నిద్రపట్టకపోవడాన్ని ఒక అనారోగ్య సూచకంగా భావిస్తారు. అలాగని రోజులో ఎక్కువ సమయం నిద్రపోతున్నా అనారోగ్యంగానే భావించాలి. రోజులతరబడి నిద్రపోకపోవడం ప్రమాదకరమే అయినా కొందరు అలా నిద్రపోకుండానే ప్రపంచ రికార్డులు నెలకొల్పారు.
  
  వారి వివరాలేంటో తెలుసుకుందాం...
  నిద్రలేకుండా 11 రోజులు..
 మీరు ఎన్ని రోజులపాటు నిద్రపోకుండా ఉండగలరు? ఒకటి. రెండు.. లేదా మూడు రోజులు.. అంతకుమించి మీ వల్ల కాదంటారు కదూ! కానీ ఓ వ్యక్తి మాత్రం ఏకంగా 11 రోజులపాటు (264 గంటలు) నిద్రపోకుండా మేల్కొని ప్రపంచ రికార్డు సృష్టించాడు. కాలిఫోర్నియాలోని శాన్‌డిగోకు చెందిన రాండీ గార్డెనర్ అనే ఓ హైస్కూల్ విద్యార్థి 1964లో తన పదిహేడేళ్ల వయస్సప్పుడు ఈ రికార్డు నెలకొల్పాడు. ఏకధాటిగా 11 రోజుల 24 నిమిషాలపాటు నిద్రపోకుండా ఈ రికార్డు సృష్టించాడు. నిద్రపోకుండా  మేల్కొని ఉండేందుకు అతడు ఎలాంటి ఉత్ప్రేరకాలు వాడలేదు. ఈ సమయంలో వైద్యులు అతడ్ని నిరంతరం పర్యవేక్షిస్తూనే ఉన్నారు.
  
  ఈ క్రమంలో గార్డెనర్ మానసిక స్థితి మారిపోవడం, అలసట వంటి చిన్న చిన్న ఆరోగ్య సమస్యల్ని మాత్రమే ఎదుర్కొన్నాడు. పదకొండు రోజుల రికార్డు అనంతరం మీడియాతో కూడా అతడు మాట్లాడాడు. ఇతనికంటే ముందు టామ్ రౌండ్స్ పేరిట ఉన్న 260 గంటల రికార్డును గార్డెనర్ చెరిపివేశాడు. రికార్డు అనంతరం కూడా అతడు ఎక్కువ సేపు నిద్రపోలేదు. 14 గంటల 40 నిమిషాలు మాత్రమే నిద్రపోయి తిరిగి ఎప్పటిలాగే ఉదయాన్నే మేల్కొన్నాడు. గార్డెనర్‌కంటే ముందే ఈ విషయంలో పలు రికార్డులున్నా పూర్తి సాంకేతికంగా అందరూ అంగీకరించిన రికార్డు మాత్రం ఆయనదే.
  
  తొలి రికార్డు ఎనిమిది రోజులు..
 ఎక్కువకాలం నిద్రపోకుండా రికార్డు సృష్టించిన తొలివ్యక్తి న్యూయార్క్‌కు చెందిన డిస్క్ జాకీ పీటర్ ట్రిప్. ఈయన 1959లో ఏకధాటిగా 8.4 రోజులు (201 గంటలు) పాటు నిద్రపోకుండా రికార్డు నెలకొల్పారు. న్యూయార్క్‌లోని టైమ్‌స్క్వేర్ బిల్డింగ్, హోటల్ రూమ్స్‌తో పాటు వీధుల్లో తిరుగుతూ ఈ ఎనిమిది రోజులూ అతడు నిద్రపోకుండా గడిపాడు. అయితే మూడు రోజుల అనంతరం అతడి ప్రవర్తనలో అనేక మార్పులు చోటుచేసుకున్నాయి.
  
  ఉన్నట్టుండి బిగ్గరగా నవ్వడం, బాధపడడం, వింతగా ప్రవర్తించడం వంటి విచిత్ర ప్రవర్తనలు ఆయనలో కనిపించాయి. ఎలాగోలా ఈ ఫీట్‌ను పూర్తి చేయగలిగినప్పటికీ, ఎనిమిదో రోజు పూర్తయ్యేసరికి పీటర్ మానసిక స్థితి అదుపుతప్పింది. తదనంతర కాలంలోనూ పూర్తి మానసిక సమస్యల్ని ఎదుర్కొన్నాడు. చివరికి వ్యక్తిగత జీవితంలోనూ ఎన్నో ఇబ్బందులు పడ్డాడు. ఇదంతా అతడు ఎనిమిది రోజులపాటు నిద్రపోకుండా ఉండడం వల్లే జరిగిందని పలువురు అభిప్రాయపడ్డారు.
  
  మరికొందరు..
 గార్డెనర్ అనంతరం పలువురు ఈ రికార్డును చెరిపేసేందుకు ప్రయత్నించారు. వారిలో 1977లో బ్రిటన్‌కు చెందిన మ్యూరీన్ వెస్టన్ అనే మహిళ ఇలా నిద్రపోకుండా ఉండేందుకు ప్రయత్నించింది. 18.7 రోజులు (449 గంటలు) పాటు ఆమె నిద్రపోకుండా యత్నించింది. అయితే దీనికి అధికారికంగా తగిన గుర్తింపు లభించలేదు. అలాగే లాస్‌ఏంజెల్స్‌కు చెందిన టైలర్ షీల్డ్స్ అనే ఫొటోగ్రాఫర్ ఏకంగా నలభై రోజులు (968 గంటలు) నిద్రపోకుండా ఉన్నానని ప్రకటించుకున్నప్పటికీ దీనికి కూడా అధికారిక గుర్తింపు లభించలేదు.
  
  గిన్నిస్ రికార్డుల్లో చోటు లేదు..
  వీరంతా రోజులతరబడి నిద్రపోకుండా రికార్డులు నెలకొల్పినప్పటికీ వీటికి గిన్నిస్ బుక్ ఆఫ్ వరల్డ్ రికార్డ్స్‌లో స్థానం దక్కలేదు. ఎందుకంటే నిద్రపోకపోవడం వల్ల ఎన్నో శారీరక, మానసిక సమస్యలు తలెత్తే అవకాశం ఉందని శాస్త్రీయంగా నిరూపణ అయిన అంశం. ఒక్కోసారి ఇది మరణానికి కూడా దారితీయొచ్చు. రికార్డుల్లో చోటు కల్పిస్తే వీటిని అధిగమించి మరింతమంది ఈ దిశగా ప్రయత్నాలు చేసే అవకాశం ఉంది. ఇది వారికి ప్రమాదకరం. అందుకే ఈ అంశాలకు నిర్వాహకులు గిన్నిస్ బుక్ రికార్డుల్లో చోటు కల్పించలేదు.
  
  నిద్ర- నిజాలు...
  ♦ జపాన్‌లో ఉద్యోగం చేస్తూ ఆఫీస్‌లో నిద్రపోవడాన్ని అనుమతిస్తారు. వారు పనిచేసి అలసటకు గురయ్యారని భావించడమే ఇందుకు కారణం.
  ♦ జిరాఫీలు రోజులో 5-30 నిమిషాలు మాత్రమే నిద్రపోగలవు. పిల్లులు తమ జీవితకాలంలో 70 శాతం సమయాన్ని నిద్రపోయేందుకే వెచ్చిస్తాయి.
  ♦ రోజుకు ఏడు గంటలకంటే తక్కువ నిద్రపోయేవారి ఆయుర్దాయం తగ్గుతుందట.  మానవులు తమ జీవితకాలంలో సగటున 25 సంవత్సరాలు నిద్రపోతారు.
 ♦ శిశువుల తల్లిదండ్రులు పిల్లలు పుట్టిన రెండేళ్లలో దాదాపు ఆరు నెలల కాలానికి సమానమైన నిద్రను కోల్పోతారు. ఎక్కువకాలం సరిగ్గా నిద్రపోని వారు బరువు పెరిగే అవకాశం ఉంది.
 ♦ నిద్రలేకుండా మానవులు 11రోజులు మాత్రమే జీవించగలరు. నిద్రను అవసరమైనంత సేపు నియంత్రించుకోగల శక్తి క్షీరదజీవుల్లో మానవులకు మాత్రమే ఉంది.
 ♦ నత్తలు వరుసగా మూడేళ్లపాటు నిద్రపోగలవు. గుర్రాలు నిలబడే నిద్రపోతాయి. కుందేళ్లు కళ్లు తెరచుకొని కూడా నిద్రపోగలవు.


  షాపింగ్ మాల్‌లో సామాన్లు కొనేటప్పుడు పే చేయడానికి మనం చాలాసార్లు క్రెడిట్ కార్డు వాడుతుంటాం. పే చేయడానికి ఏ క్రెడిట్ కార్డు వాడాలన్న కన్ఫ్యూజన్ మనకు పెద్దగా ఉండదు. ఎందుకంటే.. మన దగ్గర ఒకటో రెండో ఉంటాయి కాబట్టి.. కానీ, కాలిఫోర్నియాకు చెందిన వాల్టర్ మాత్రం తెగ తికమకపడిపోతాడు. ఎందుకంటే.. ఆయన దగ్గర ఉన్న క్రెడిట్ కార్డుల సంఖ్య 1,497.. అందుకే ఈయన ప్రపంచంలోనే అత్యధిక క్రెడిట్ కార్డులున్న వ్యక్తిగా ప్రపంచ రికార్డు సాధించాడు. ఈ కార్డుల మొత్తం క్రెడిట్ విలువ రూ.11.33 కోట్లు.
 
 
 ఎందుకిన్ని కార్డులని అడిగితే.. 1960ల్లో తన స్నేహితుడితో చేసిన ఓ చాలెంజ్ ఫలితమేనని వాల్టర్ చెబుతారు. ఓ ఏడాదిలో ఎవరెక్కువ క్రెడిట్ కార్డులు సంపాదిస్తామో చూద్దామని ఇద్దరూ పందెం వేసుకున్నారట. దీంతో వాల్టర్ ఏడాది వ్యవధిలో 143 క్రెడిట్ కార్డులు తీసుకున్నారు. తర్వాత కూడా దీన్ని కొనసాగించారు. 1971లో వాల్టర్ స్నేహితుడు ఒకరు గిన్నిస్ వారిని సంప్రదించగా.. ప్రపంచంలోనే అత్యంత ఎక్కువ క్రెడిట్ కార్డులు కలిగిన వ్యక్తిగా వాల్టర్ పేరును గిన్నిస్ బుక్‌లోకి ఎక్కించారు. అయితే.. అప్పట్నుంచి తన రికార్డును నిలబెట్టుకోవాలనే ఉద్దేశంతో ఏటా వాల్టర్ మరిన్ని క్రెడిట్ కార్డులను తీసుకోవడం.. ఏటా ఆయన రికార్డును ఆయనే బద్దలు కొట్టడం జరుగుతూనే ఉంది. ఈయన వద్ద ఉన్న కార్డుల్లో బ్యాంకులతోపాటు ఎయిర్‌లైన్స్, గ్యాస్ స్టేషన్లకు సంబంధించినవీ ఉన్నాయి. అంతేకాదు.. ఇప్పటికీ రెగ్యులర్‌గా ఏదో ఒక క్రెడిట్ కార్డు కోసం ఈయన దరఖాస్తు చేస్తూనే ఉంటారట.


 వండర్, జీనియస్ బుక్ ఆఫ్ వరల్డ్‌లో చోటు
  
 తిరుచానూరు: తిరుపతికి చెందిన ఇద్దరు చిన్నారులు ప్రపంచ రికార్డులు సొంతం చేసుకున్నారు. వండర్, జీనియస్ బుక్ ఆఫ్ వరల్డ్ రికార్డ్సులో చోటు సంపాదించారు. సోమవారం తిరుపతిలో నిర్వహించిన కార్యక్రమంలో వారి ప్రతిభను గుర్తించి వండర్, జీనియర్ బుక్ ఆఫ్ రికార్డ్స్ ప్రతినిధులు పతకాలు, ధ్రువీకరణ పత్రం, జ్ఞాపికలు అందజేశారు. తిరుపతి కెన్నడీనగర్‌కు చెందిన జయకృష్ణారెడ్డి, సింధూరి దంపతుల కుమార్తెలు శ్రీదర్శిని, హన్సినిరెడ్డి తిరుపతిలోని ఎడిఫై పాఠశాలలో ప్లే స్కూల్, రెండో తరగతి చదువుతున్నారు.
  మూడేళ్ల శ్రీదర్శిని ప్రపంచ పటంలోని 7ఖండాలు, 110కిపైగా దేశాలు, వివిధ రంగులను గుర్తించడం, జాతీయ గీతం, శ్లోకాలు, రైమ్స్ వల్లించడం, మొబైల్‌లోని జిగ్జా పజిల్స్‌ను పూరించడం వంటి వాటిలో ప్రతిభ కనబరచి లిటిల్ జీనియస్ అవార్డు సొంతం చేసుకుంది. రెండో తరగతి చదువుతున్న హన్సినిరెడ్డి చెట్లను కాపాడండి-ప్రగతిని సాధించండి అనే నినాదంతో 257మొక్కలు, చెట్ల ఆకులను సేకరించి స్టన్నర్ కిడ్ అవార్డును కైవసం చేసుకుంది.
 
 ప్రపంచ జీనియస్ బుక్స్ ఆఫ్ రికార్డ్సు ఇండియా చీఫ్ బింగి నరేంద్రగౌడ్, ప్రపంచ వండర్ బుక్స్ ఆఫ్ రికార్డ్సు ఏపీ, తెలంగాణ చీఫ్ కో-ఆర్డినేటర్ స్వర్ణశ్రీ వీరి ప్రతిభను గుర్తించి అవార్డులను అందజేశారు. రామిరెడ్డి రాయలసీమ విద్యాసంస్థల అధినేత మన్నెం రామిరెడ్డి, ఎస్వీ మెడికల్ కళాశాల మాజీ ప్రిన్సిపాల్ డాక్టర్ వాసుదేవరెడ్డి, ఎడిఫై స్కూల్ డెరైక్టర్ పీ.ప్రణీత్, శ్రీపద్మావతి నర్సింగ్ కళాశాల ప్రిన్సిపాల్ డాక్టర్ రంగనాయకులు, ఎడిఫై ప్రిన్సిపాల్ సత్యలక్ష్మి, టీడీపీ వైద్యవిభాగం రాష్ట్ర అధ్యక్షురాలు డాక్టర్ రాళ్లపల్లి సుధారాణి పాల్గొన్నారు.
  
  


 కజాన్ (రష్యా) : ప్రపంచ స్విమ్మింగ్ చాంపియన్‌షిప్‌లో ప్రపంచ రికార్డుల జోరు కొనసాగుతోంది. బుధవారం జరిగిన మిక్స్‌డ్ 4ఁ100 మీటర్ల మెడ్లే రిలేలో మూడు కొత్త ప్రపంచ రికార్డులు నమోదయ్యాయి. ఉదయం జరిగిన రెండో హీట్‌లో రష్యా బృందం 3ని:45.87 సెకన్లతో రేసును ముగించి... 2014 జనవరిలో 3ని:46.52 సెకన్లతో ఆస్ట్రేలియా జట్టు నెలకొల్పిన ప్రపంచ రికార్డును తిరగరాసింది. ఆ వెంటనే మూడో హీట్‌లో రియాన్ మర్ఫీ, కెవిన్ కార్డెస్, కెండిల్ స్టీవార్ట్, లియా నీల్‌లతో కూడిన అమెరికా బృందం 3ని:42.33 సెకన్లలో గమ్యానికి చేరుకొని కొన్ని నిమిషాలముందు రష్యా సాధించిన ప్రపంచ రికార్డును సవరించింది.
 
 సాయంత్రం జరిగిన మిక్స్‌డ్ 4ఁ100 మీటర్ల మెడ్లే రిలే ఫైనల్లో క్రిస్ వాకర్, ఆడమ్ పీటీ, మేరీ ఒకానర్, ఫ్రాన్ హల్‌సల్‌లతో కూడిన బ్రిటన్ జట్టు 3ని:41.71 సెకన్లలో లక్ష్యానికి చేరుకొని కొత్త ప్రపంచ రికార్డు లిఖిండంతోపాటు స్వర్ణ పతకాన్ని సొంతం చేసుకుంది.


 ఓవరాల్‌గా ఆసియా క్రీడల్లో గురువారం ఐదు ప్రపంచ రికార్డులు బద్దలయ్యాయి. ఇందులో మూడు షూటింగ్‌లోనే రావడం విశేషం. మహిళల ‘డబుల్ ట్రాప్’ టీమ్ విభాగంలో యాఫి జాంగ్, యిట్లింగ్ బాయ్, మీ జూలతో కూడిన చైనా జట్టు 315 పాయింట్లు స్కోరు చేసి ప్రపంచ రికార్డు నెలకొల్పింది. పురుషుల 50 మీటర్ల రైఫిల్ ప్రోన్‌లో షెంగ్‌బో, జిన్ లాన్, గాంగ్ లియులతో కూడిన చైనా బృందం 1876 పాయింట్లతో ప్రపంచ రికార్డు లిఖించింది. మహిళల వెయిట్‌లిఫ్టింగ్ 75 కేజీల విభాగంలో కిమ్ ఉన్‌జు (ఉత్తర కొరియా) క్లీన్ అండ్ జెర్క్ అంశంలో 164 కేజీల బరువెత్తి ప్రపంచ రికార్డు నెలకొల్పింది.ఆర్చరీలో మహిళల కాంపౌండ్ టీమ్ విభాగంలో దక్షిణ కొరియా  238 పాయింట్లు స్కోరు చేసి కొత్త ప్రపంచ రికార్డు సృష్టించింది.


 ప్రపంచంలోనే అత్యంత ఎక్కువ దూరం స్కేట్‌బోర్డింగ్ చేసిన తొలి మేకగా అమెరికాకు చెందిన హప్పీ అనే ఈ మేక రికార్డులకెక్కింది
 
 18.22 సెకన్లలో 3.5 మీటర్ల పొడవైన తాడు మీద నడిచి బ్రిటన్‌కు చెందిన ఓజీ అనే కుక్క కొత్త రికార్డును సొంతం చేసుకుంది
 కేవలం 25 సెంటీమీటర్ల ఎత్తులో ఉన్న తీగ కింద నుంచి స్కేటింగ్ చేసిన పన్నెండేళ్ల భారతీయు బుడతడు రోహన్ కొకనె గిన్నిస్‌లోకి దూసుకుపోయాడు
 5,000 కిలోల బరువు, 5.1 మీటర్ల ఎత్తున్న భారీ బైకు ఇది. ఇటలీకి చెందిన ఫాబియో రెగానీ ఈ బైకును తయూరుచేశాడు
 322 రకాలైన వాక్యూమ్ క్లీనర్లతో ఫొటోలకు పోజిస్తున్న బ్రిటన్‌కు చెందిన జేమ్స్ బ్రౌన్. ఎక్కువ వ్యాక్యూమ్ క్లీనర్లున్న వ్యక్తిగా ఈయున రికార్డులకెక్కాడు