160 కిలోల గంజాయి స్వాధీనం

160 కిలోల గంజాయి స్వాధీనం

● ఇద్దరు అరెస్టు

మోతుగూడెం: స్థానిక పోలీస్‌స్టేషన్‌ వద్ద ఆదివారం నిర్వహించిన తనిఖీల్లో గంజాయిని స్వాధీనం చేసుకున్నట్టు ఎస్‌ఐ కె.శివనారాయణ తెలిపారు. గంజాయి తరలిస్తున్నట్లు అందిన సమాచారం మేరకు అప్రమత్తమైన పోలీసులు సాయంత్రం నాలుగు గంటల సమయంలో తనిఖీలు చేపట్టారు. ఒడిశాలోని మల్కన్‌గిరి జిల్లా పెద్దపాకల నుంచి మహారాష్ట్రలోని ముంబైకి వ్యాన్‌లో అక్రమంగా తరలిస్తున్న 160 కేజీల గంజాయి పట్టుబడినట్టు ఎస్‌ఐ తెలిపారు. ఈ కేసులో శుభం దాల్వి, రోహన్‌ అనే ఇద్దరిని అదుపులోకి తీసుకున్నట్టు ఆయన వివరించారు. స్వాధీనం చేసుకున్న గంజాయి విలువ రూ.8 లక్షలు ఉంటుందని ఎస్‌ఐ తెలిపారు. వ్యాన్‌, రెండు మొబైళ్లను సీజ్‌ చేశామన్నారు. ఈ మేరకు కేసు నమోదు చేసి దర్యాప్తు చేస్తున్నామని ఆయన పేర్కొన్నారు.