ముగ్గురు ఉపాధ్యాయులకు మెమోలు

ముగ్గురు ఉపాధ్యాయులకు మెమోలు

పెదబయలు: మండలంలోని కుంతుర్ల, వనకొత్తూరు పాఠశాలలకు చెందిన ముగ్గురు ఉపాధ్యాయులకు మెమోలు జారీ చేసినట్టు ఎంఈవో పుష్పా జోసెఫ్‌ తెలిపారు. సోమ వారం మారుమూల ఎంపీపీఎస్‌ కుంతుర్ల,బర్రెమామిడి,రాసగుప్ప పాఠశాలలను సందర్శించి, రికార్డులు తనిఖీ చేశారు. ఈ సందర్భంగా మాట్లాడుతూ కుంతురలో ఇద్దరు, వనకొత్తూరులో ఒక ఉపాధ్యాయుడు విధులకు సక్రమంగా హాజరు కావడం లేదని ఈ నెల 22న జరిగిన పెదబయలు మండల పరిషత్‌ సర్వసభ్య సమావేశంలో సర్పంచ్‌లు, ఎంపీటీసీలు ఫిర్యాదు చేయడంతో ఆయా పాఠశాలలను సందర్శించి, విచారణ జరిపి వారికి మెమోలు జారీ చేసినట్టు చెప్పారు. విద్యార్థులకు సక్రమంగా మధ్యాహ్న భోజన పథకం అమలు చేయాలని పాఠశాలల్లో నూరుశాతం హాజరు శాతం ఉండేలా కృషి చేయాలని, ఉపాధ్యాయులు సమయపాలన పాటించాలని ఎంఈవో సూచించారు.