దేదీప్యమానం..కార్తీక దీపోత్సవం

దేదీప్యమానం..కార్తీక దీపోత్సవం

ఎంవీపీకాలనీ(విశాఖ): టీటీడీ హిందూ ధర్మప్రచార పరిషత్‌, జిల్లా ధార్మిక కమిటీ ఆధ్వర్యంలో కార్తీక దీపోత్సవాన్ని వైభవంగా నిర్వహించారు. ఎంవీపీ కాలనీలోని టీటీడీ ఈ దర్శన్‌ కార్యాలయం ఆవరణంలో సోమవారం రాత్రి ఈ కార్యక్రమం వైభవంగా జరిగింది. ఈ కార్యక్రమంలో నగర మహిళలు పెద్ద ఎత్తున పాల్గొని ప్రత్యేక పూజలు నిర్వహించడంతో పాటు కార్తీక దీపాలు వెలిగించి శాస్త్రోక్తంగా పూజలు చేశారు. పూజలకు అవసరమైన సామగ్రిని హిందూ ధర్మప్రచార పరిషత్‌ ఆధ్వర్యంలో సమకూర్చింది. ఈ కార్యక్రమంలో హిందూ ధర్మప్రచార పరిషత్‌ విశాఖ జిల్లా సూపరింటెండెంట్‌ కాంతికుమార్‌తో పాటు సంస్థ ఉద్యోగులు పాల్గొన్నారు.