యూటీఎఫ్‌ జిల్లా అధ్యక్షురాలిగా వత్సవాయి శ్రీలక్ష్మి

యూటీఎఫ్‌ జిల్లా అధ్యక్షురాలిగా వత్సవాయి శ్రీలక్ష్మి

అనకాపల్లి : ఐక్య ఉపాధ్యాయ ఫెడరేషన్‌ (యూటీఎఫ్‌) జిల్లా అధ్యక్షురాలుగా వత్సవాయి శ్రీలక్ష్మి ఎన్నికయ్యారు. స్థానిక సీఐటీయూ కార్యాలయంలో సోమవారం జరిగిన ఎన్నికల్లో జిల్లా ప్రధాన కార్యదర్శిగా గొంది చిన్నబ్బాయ్‌, గౌరవాధ్యక్షులుగా పంపన బోయిన వెంకట్రావు, సహాధ్యక్షులుగా రొంగలి అక్కునాయుడు మహిళా సహా అధ్యక్షులుగా పి.గాయత్రి, కోశాధికారిగా జోగా రాజేష్‌, జిల్లా కార్యదర్శులుగా దొగ్గ శ్రీనివాస్‌, కలింగ సతీష్‌, పొలిమేర చంద్రరావు, గుత్తుల సూర్యప్రకాష్‌, మాకిరెడ్డి రాజునాయుడు, వి.రమేష్‌రావు, నడికట్ల శేషుకుమార్‌, జిల్లా ఆడిట్‌ కమిటీ చైర్మన్‌ హైమావతి, ఆడిట్‌ కమిటీ సభ్యులుగా వేచలపు నాగేశ్వరరావు, షేక్‌ సలీం, శాంతకుమారి, అనిమిరెడ్డి సాంబమూర్తి, రాష్ట్ర కౌన్సిలర్లుగా ఈ.ఎల్లయ్యబాబు, ఎం.వెంకటప్పారావు, గేదెల శాంతిదేవి ఏకగ్రీవంగా ఎన్నికయ్యారు. ఎన్నికల అధికారిగా యూటీఎఫ్‌ రాష్ట్ర అధ్యక్షుడు అన్నరావు వ్యవహరించారు. జిల్లా నూతన కమిటీ ప్రధాన కార్యదర్శి గొంది చిన్నబ్బాయ్‌ మాట్లాడుతూ ఉపాధ్యాయుల సంక్షేమం కోసం, విద్యారంగ అభివృద్ధికి అహర్నిశలు కృషి చేస్తామన్నారు. పీఆర్సీ విషయంలో ప్రభుత్వం దృష్టికి తీసుకునివెళ్లడం జరుగుతుందన్నారు.