శ్రీకాకుళం పాతబస్టాండ్‌: సార్వత్రిక ఎన్నికల నిర్వహణలో ఎన్నికల సిబ్బంది రెమ్యూనరేషన్‌ డ్యూటీ సర్టి ఫికెట్లతో పాటు వేసవి సెలవులు కావున ఆ సమయంలో డ్యూటీ పీరియడ్‌గా పరిగణించాలని పీఆర్‌టీయూ, ఏపీటీఎఫ్‌ సంఘాలకు చెందిన నాయకులు సోమవారం కలెక్టర్‌ మనజీర్‌ జిలానీ సమూన్‌ ఆయ న చాంబర్‌లో వేర్వేరుగా కలిసి వినతి పత్రాలు అందజేశారు. కలెక్టర్‌ను కలిసిన వారిలో ఏపీటీఎఫ్‌ జిల్లా శాఖ అధ్యక్షులు మజ్జి మదన్మోహన్‌, జిల్లా కార్యదర్శి చావలి శ్రీనివాస్‌, సీనియర్‌ నాయకులు సదాశివుని శంకరరావు, పీఆర్టీయూ జిల్లా అధ్యక్షులు తంగి మురళీమోహనరావు, ప్రధాన కార్యదర్శి దానేటి కేశవరావు, రాష్ట్ర గౌరవ అధ్యక్షులు భైరి అప్పారావు, రాష్ట్ర సహోధ్యక్షులు పి.రాజశేఖర్‌ రావు, బి.రవికుమార్‌ రాష్ట్ర ఉపాధ్యక్షులు కరణం సీతరాజు తదితరులు ఉన్నారు.

శ్రీకాకుళం పాతబస్టాండ్‌: కౌంటింగ్‌ ఏర్పాట్లు పక్కాగా ఉండాలని జిల్లా ఎన్నికల అధికారి, జిల్లా కలెక్టర్‌ డాక్టర్‌ మనజీర్‌ జిలానీ సమూన్‌ అధికారులను ఆదేశించారు. కౌంటింగ్‌ రోజున పటిష్టమైన భద్రత ఉండాలన్నారు. కౌంటింగ్‌ ఏర్పాట్లపై కలెక్టర్‌ చాంబర్‌లో ఎస్పీ జీఆర్‌ రాధికతో కలిసి సో మవారం ఆయన సమీక్షించారు. ఈ సందర్భంగా ఆయన మాట్లాడుతూ శాంతి భద్రతల దృష్ట్యా జిల్లాలో 144 సెక్షన్‌ కొనసాగాలన్నారు. ఎన్నికల కోడ్‌ అమలు కొనసాగించాలన్నారు. జిల్లాలో ఉన్న 120 పెట్రోల్‌ బంకుల నుంచి లూజు పెట్రోల్‌ విక్ర యాలు చేయకుండా సంబంధిత యజమానులకు నోటీసులు జారీ చేయాలని డీఎస్‌ఓ బి.శాంతిశ్రీని ఆదేశించారు. జిల్లాలో పండుగలు జరుపుకునే ప్రాంతాల్లో సమూహాలుగా ఉండరాదని స్పష్టం చేశారు. ఆ ప్రాంతాల్లో ఎలాంటి సాంస్కృతిక కార్యక్రమాలు నిర్వహించరాదన్నారు. మందుగుండు సామగ్రి (క్రేకర్లు) విక్రయించకుండా లైసెన్సులు కలిగిన యజమానులకు నోటీసులు జారీ చేయా లని ఆదేశించారు. కార్యక్రమంలో టెక్క లి రిటర్నింగ్‌ అధికారి, సబ్‌ కలెక్టర్‌ నూరుల్‌ కమర్‌, అదనపు ఎస్పీ ప్రేమ్‌ కాజల్‌, సెబ్‌ అదనపు ఎస్పీ గంగాధరం, ఆయా నియోజకవర్గాలకు సంబంధించి రిటర్నింగ్‌ అధికారులు డాక్టర్‌ భరత్‌ నాయక్‌, సీహెచ్‌ రంగయ్య, అప్పారావు, లక్ష్మణమూర్తి, సుదర్శన్‌ దొర, రామ్మోహనరావు, డీఎస్పీలు పాల్గొన్నారు.

ఎచ్చెర్ల క్యాంపస్‌: ఎచ్చెర్ల ప్రభుత్వ ఐటీఐలో ఈ నెల 24వ తేదీన జాబ్‌ మేళా నిర్వహించనున్నట్లు ప్రిన్సిపాల్‌, జిల్లా కన్వీనర్‌ ఎల్‌.సుధాకరరావు తెలిపారు. ఎచ్చెర్ల ఐటీఐలో సోమ వారం వివరాలు వెల్లడించారు. ఐటీఐ ఉత్తీర్ణత సాధించిన విద్యార్థులు అర్హులని పేర్కొన్నారు. 13 ప్రైవేటు కంపెనీలు ఈ జాబ్‌మేళాలో పాల్గొంటాయని వివరించారు. నెల్లూరుకు చెందిన అల్‌స్టోం, సుజు మోటార్స్‌, ఇన్‌ప్లూమ్‌, డికో, ఏసెన్‌, అనంతపురానికి చెందిన హ్యుందాయ్‌, ఏసీటీ, కెఐఎంఎల్‌, కేఎస్‌హెచ్‌, డీఎస్‌, సోయన్‌, సాంగో తిరుపతికి చెందిన డిక్సన్‌ కంపెనీలు పాల్గొంటాయని తెలిపారు. మొత్తం 550 ఉద్యోగాల వరకు కల్పిస్తారని అన్నారు. 18 నుంచి 35 ఏళ్ల మధ్య వయస్సు వారు అర్హులని తెలిపారు. రూ.15 వేల నుంచి రూ. 18 వేల వరకు నెల వారీ వేతనం ఉంటుందని అన్నారు. 10వ తరగతి, కుల ధ్రువీకరణ ప త్రం, ఆధార్‌ కార్డులతో హాజరు కావాలని అన్నారు. ఒరిజనల్‌ ధ్రువీకరణ పత్రాలు, రెండు బయోడేటా పత్రాలుతో హాజరు కావాలని సూచించారు. ఫోన్‌ నంబర్లు 9959353636, 6304033963 సంప్రదించాలని సూచించారు. ‘ప్రత్యేక అవసరాల పిల్లలపై దృష్టి’ జలుమూరు: ప్రత్యేక అవసరాల గల పిల్లలపై దృష్టి సారిస్తున్నామని జిల్లా సహిత విద్యా విభాగం కో ఆర్డినేటర్‌ బుడుమూరు గోవిందరావు తెలిపారు. ఆయన సోమవారం జలుమూరు మండలంలోని పలు గ్రామాల్లో ది వ్యాంగ పిల్లల సర్వే నిర్వహించారు. బడి బయట ఉన్న 0 నుంచి 18 ఏళ్ల లోపు దివ్యాంగ విద్యార్థులను గుర్తించి పాఠశాలలో చేర్పించి వాళ్లకి అన్ని రకాల సదుపాయాలు కల్పించాల ని సూచించారు. ఆయనతో పాటు విద్య సహా కో ఆర్డినేటర్‌ ఉమా మహేశ్వరి, రమేష్‌, కృష్ణ ప్రసాద్‌ తదితరులున్నారు. ఆదివాసీల క్రికెట్‌ టోర్నమెంట్‌ ప్రారంభం సారవకోట: మండలంలోని గొర్రిబంద పంచాయతీ జగన్నాథపురం గిరిజన గ్రామంలో సోమవారం ఆదివాసీ సంక్షేమ పరిషత్‌ రాష్ట్ర ఉపాధ్యక్షులు వాబ యోగేశ్వరరావు క్రికెట్‌ టోర్నమెంట్‌ ప్రారంభించారు. గిరిజన గ్రామా ల్లోని యువత క్రీడల్లో రాణించేందుకు ఈ టో ర్నమెంట్‌ను నిర్వహిస్తున్నామని ఆయన తెలిపారు. జిల్లా నుంచి 36 జట్లు పాల్గొననున్నాయని తొలి మ్యాచ్‌ జగన్నాథపురం, బురుజువాడ టీంల మధ్య జరిగినట్లు ఆయన తెలిపారు. ‘క్రీడలతో గుర్తింపు సాధ్యం’శ్రీకాకుళం న్యూకాలనీ: అంతర్జాతీయ స్థాయిలో గౌరవం, గుర్తింపు క్రీడలు, కళలతోనే సాధ్యపడుతుందని జిల్లా బాస్కెట్‌బాల్‌ అసో సియేషన్‌ చైర్మన్‌ ఎమ్మెస్సార్‌ కృష్ణమూర్తి పేర్కొన్నారు. శ్రీకాకుళం నగరంలోని ఎన్టీఆర్‌ మున్సిపల్‌ కార్పొరేషన్‌ హైస్కూల్‌ క్రీడామైదానం వేదికగా జరుగుతున్న జిల్లా యూత్‌ బా ల బాలికల బాస్కెట్‌బాల్‌ జట్ల శిక్షణ శిబిరాల్లో రాణించిన క్రీడాకారుల తుది జట్లను సోమ వారం ప్రకటించారు. ఎంపికైన క్రీడాకారుల జాబితాను ఎమ్మెస్సార్‌ కృష్ణమూర్తి వెల్లడించారు. ఈ నెల 21 నుంచి 24వ తేదీ వరకు విజయవాడ వేదికగా జరిగే 7వ ఏపీ రాష్ట్రస్థాయి బాస్కెట్‌బాల్‌ చాంపియన్‌షిప్‌ పోటీలకు జిల్లా జట్లు జిల్లా కేంద్రం నుంచి పయనమై వెళ్లాయి. వీరికి రానుపోను ఖర్చుల కోసం అవసరమైన ఆర్థిక సాయాన్ని ఎమ్మెస్సార్‌ అందజేశారు. క్రమశిక్షణగా ఆడి తుది వరకు పోరాడాలని ఆయన క్రీడాకారులకు పిలుపునిచ్చారు. క్రీడ ల్లో రాణించి జిల్లాకు, తల్లిదండ్రులకు, సంఘానికి గౌరవాన్ని తీసుకురావాలన్నారు. కార్యక్రమంలో సంఘ కార్యనిర్వహక కార్యదర్శి, డీఎస్‌ఏ కోచ్‌ జి.అర్జున్‌రావురెడ్డి, సంఘ ప్రతినిధులు, సీనియర్‌ క్రీడాకారులు పాల్గొన్నారు.

ఎచ్చెర్ల క్యాంపస్‌: చిలకపాలేంలోని శ్రీ శివానీ ఇంజినీరింగ్‌ కాలేజ్‌లో ఏర్పాటు చేసిన స్ట్రాంగ్‌ రూమ్‌లను ఎస్పీ జీఆర్‌ రాధిక సోమవారం పరిశీలించారు. మూడంచెల భద్రత 18 స్ట్రాంగ్‌ రూమ్‌ల వద్ద సెక్యూరిటీ పరిశీలించారు. నిరంతరం అప్రమత్తంగా ఉండాలని భద్రత సిబ్బందికి సూచించారు. కౌంటింగ్‌ రోజు తీసుకోవాల్సిన చర్యలు, భద్రతపై పోలీస్‌ అధికారులతో చర్చించారు. కౌంటింగ్‌ రోజు రోడ్లు, కళాశాల ఆవరణలో ఇతరులు ఉండకుండా జాగ్రత్త పడాలని సిబ్బందికి సూచించారు. ఎలాంటి శాంతి భద్రతలు సమస్య లేకుండా పూర్తిస్థాయిలో భద్రత ఏర్పాటు చేయనున్నట్లు తెలిపారు. ఆమె వెంట ఏఎస్పీ ప్రేమ్‌కాజల్‌, డీఎస్పీ శృతి, సీఐ జి.రామచంద్రరావు, ఎస్సై ఎస్‌.చిరంజీవి పాల్గొన్నారు.

పాతపట్నం: పాతపట్నం రైల్వేస్టేషన్‌ అభివృద్ధి పనులు గత రెండు నెలలుగా నత్తనడకన చేపడుతుండడంతో ప్రయాణికులకు ఇబ్బందులు తప్ప డం లేదు. రైల్వేస్టేషన్‌కు వచ్చే ప్రయాణికులకు రైలు ఎక్కలన్నా, దిగలన్నా ప్రమాదకరంగా ఉంది. రైలు ఎక్కలంటే ప్లాట్‌ ఫాం రెండు అడుగుల దిగువ ఉండడంతో వృద్ధులు, చిన్నారులు ఇబ్బందులు పడుతున్నారు. ప్రతి రోజు పూరి–గుణుపూర్‌, గుణుపూర్‌–పూరి, విశాఖపట్నం–గుణు పూర్‌, గుణుపూర్‌–విశాఖపట్నం, కటక్‌–గుణుపూర్‌, గుణుపూర్‌–కటక్‌, గుణుపూర్‌–పలాస రైలు పాతపట్నం రైల్వేస్టేషన్‌ ప్రయాణికులు వెళుతూ, వస్తుంటారు. ప్రయాణికులు రైల్వే స్టేషన్‌ వద్ద ఉండడానికి సదుపాయం లేక ఇబ్బందులు పడుతున్నారు. రాత్రి సమయంలో విద్యుత్‌ లైట్లు, కూ ర్చోడానికి కుర్చీలు లేకపోవడం ఇబ్బందులు పడుతున్నారు. పాతపట్నం, టెక్కలి రైల్వేస్టేషన్‌ అభివృద్ధి పనులను రూ.1.20కోట్లతో చేపడుతున్నారు. టెక్కలి రైల్వేస్టేషన్‌ పనులు పూర్తి కావస్తున్నాయి. పాతపట్నం రైల్వేస్టేషన్‌ పనులు నెలల తరబడి నత్తనడకన జరుగుతున్నాయి. దీనిపై రైల్వే అధికారులు స్పందించాలని, ఇప్పటికైనా రైల్వే స్టేషన్‌ ప్లాట్‌ ఫాం, విద్యుత్‌, ప్రయాణికుల కుర్చీలు తదితర అభివృద్ధి పనులు వేగవంతం చేయాలని ప్రయాణికులు కోరుకుంటున్నారు.