అనంతగిరి అడవుల్లో రేసింగ్‌పై స్పందించిన పోలీసులు | Police Responded To The Racing In The Forest Of Ananthagiri | Sakshi
Sakshi News home page

అనంతగిరి అడవుల్లో రేసింగ్‌పై స్పందించిన పోలీసులు

Aug 16 2023 5:32 PM | Updated on Aug 16 2023 7:06 PM

Police Responded To The Racing In The Forest Of Ananthagiri - Sakshi

అనంతగిరి అడవుల్లో రేసింగ్‌పై పోలీసులు స్పందించారు. రేసింగ్‌ నిర్వహించిన వారిలో కొందరిని గుర్తించామని వికారాబాద్‌ ఎస్పీ కోటి రెడ్డి తెలిపారు.

సాక్షి, వికారాబాద్‌: అనంతగిరి అడవుల్లో రేసింగ్‌పై పోలీసులు స్పందించారు. రేసింగ్‌ నిర్వహించిన వారిలో కొందరిని గుర్తించామని వికారాబాద్‌ ఎస్పీ కోటి రెడ్డి తెలిపారు. సీసీటీవీ ఫుటేజ్‌ ఆధారంగా మిగిలిన వారిపైనా చర్యలు తీసుకుంటామన్నారు. పోలీసులు స్వాతంత్ర్య దినోత్సవం బందోబస్తులో ఉండటంతో రేసింగ్‌కు పాల్పడ్డారని, ఇకపై ఇలాంటి ఘటనలు జరగకుండా నిఘా ఏర్పాటు చేస్తామని ఎస్పీ అన్నారు.

అనంతగిరి అడవుల్లో జరిగిన కార్, బైక్ రేసింగ్ విన్యాసాలకు సంబంధించిన ప్రాంతానికి వెళ్లి అటవీ శాఖ విజిలెన్స్,  ఫారెస్ట్ అధికారులు వివరాలు సేకరించారు ఒక కారు నంబర్ ను గుర్తించిన అధికారులు.. హైదరాబాద్ నుంచి ఇద్దరు ఆర్గనైజర్లు, 40 మందితో 16 కార్లు, రేసింగ్ బైకులు తీసుకొచ్చి విన్యాసాలు చేసినట్లు ప్రాథమిక అంచనాకు వచ్చారు.

అనంతగిరి అడవుల్లోకి వీరిని ఎవరు తీసుకొచ్చారు. ఎవరు సహకరించారనే విషయాలపై విచారణ చేపట్టారు. రేసింగ్‌లో పాల్గొన్న వాహనాల నంబర్ల ఆధారంగా గుర్తించే పనిలో పడ్డారు.
చదవండి: 9 నంబర్లు వస్తే.. లిఫ్ట్‌ చేయొద్దు

Advertisement

Related News By Category

Related News By Tags

Advertisement
 
Advertisement

పోల్

Advertisement