No Headline

No Headline

భీమవరం (ప్రకాశంచౌక్‌), పెనుమంట్ర: కార్తీక మాసం ఆరుద్ర నక్షత్రం సందర్భంగా మంగళవారం శివాలయాలు హర నామస్మరణతో మార్మోగాయి. పంచారామక్షేత్రం శ్రీఉమా సోమేశ్వర జనార్దనస్వామి వారి దేవస్థానంలో శ్రీఉమాసోమేశ్వరునికి ప్రత్యేక అభిషేకాలు, అష్టోత్తర దీపాలంకరణ పూజలు నిర్వహించారు. భీమవరం మెంటేవారి తోటలోని విజయ కనకదుర్గ శ్రీచక్ర సహిత బాల త్రిపుర సుందరి అమ్మవారి దేవస్థానంలో లక్ష దీపోత్సవం, మహా లింగార్చన నిర్వహించారు. దీపోత్సవంలో మహిళలు పెద్ద సంఖ్యలో పాల్గొని భక్తి ప్రవత్తులతో దీపాలను వెలిగించారు. మార్టేరు గ్రామంలోని శ్రీవేంకటేశ్వరస్వామి, శ్రీలక్ష్మీనరసింహస్వామి ఆలయాల ఆవరణలో పార్దివ లింగేశ్వరునికి లక్ష బిల్వార్చన, జ్యోతిర్లింగార్చన పూజలు జరిపారు.