అన్ని రంగాల్లో రాణిస్తున్న మహిళలు

అన్ని రంగాల్లో రాణిస్తున్న మహిళలు

తాడేపల్లి రూరల్‌: తాడేపల్లి రూరల్‌ పరిధిలోని వడ్డేశ్వరం కేఎల్‌ విశ్వవిద్యాలయంలో జెండర్‌ సెన్సిటైజేషన్‌పై అవగాహన సదస్సును శుక్రవారం నిర్వహించారు. ముఖ్య అతిథిగా హైకోర్టు న్యాయవాది పోలిశెట్టి సుభాషిణి విచ్చేసి విద్యార్థులకు అవగాహన కల్పించారు. మహిళలను గౌరవించాలని, వారు కూడా అన్ని రంగాల్లో రాణించే సామర్థ్యం గలవారని పేర్కొన్నారు. పురుషులతోపాటు వారికి కూడా సమానావకాశాలు ఇవ్వాలని చెప్పారు. ఈ కార్యక్రమంలో వర్సిటీ వీసీ డాక్టర్‌ జి. పార్థసారథి వర్మ, ప్రో వీసీలు డాక్టర్‌ ఏవీఎస్‌ ప్రసాద్‌, డాక్టర్‌ ఎన్‌. వెంకట్రామ్‌, డాక్టర్‌ కె. రాజశేఖరరావు, విద్యార్ధి సంక్షేమ విభాగాధిపతి డాక్టర్‌ కేఆర్‌ఎస్‌ ప్రసాద్‌, ఉమెన్‌ ఎంపవర్‌మెంట్‌ కన్వీనర్‌ రూతు రమ్య, కార్యక్రమ కో ఆర్డినేటర్‌ ఎ. విజయరత్నం తదితరులు పాల్గొన్నారు.