జిల్లాకు 105 మంది కానిస్టేబుళ్ల కేటాయింపు

జిల్లాకు 105 మంది కానిస్టేబుళ్ల కేటాయింపు

జగిత్యాలక్రైం: రాష్ట్రవ్యాప్తంగా ఇటీవల కొత్త కానిస్టేబుళ్ల శిక్షణ పూర్తి కావడంతో ప్రభుత్వం ఆయా జిల్లాలకు కేటాయిస్తూ ఉత్తర్వులు జారీ చేసింది. జిల్లాకు 105 మంది కానిస్టేబుళ్లను కేటాయించగా ఇప్పటికే ఎస్పీకి రిపోర్ట్‌ చేశారు. ఈనెల 29 నుంచి పూర్తిస్థాయిలో విధుల్లో చేరనున్నారు.

పడిపోతున్న కనిష్ట ఉష్ణోగ్రతలు

జగిత్యాలఅగ్రికల్చర్‌: జిల్లాలో కనిష్ట ఉష్ణోగ్రతలు పడిపోతున్నాయి. 12–14 డిగ్రీల సెల్సి యస్‌లోనే కొనసాగుతున్నాయి. శనివారం ఉదయం 8.30 గంటల వరకు మల్లాపూర్‌ మండల కేంద్రంలో 12.2, రాఘవపేటలో 12.3, ఎండపల్లి మండలం గుల్లకోటలో 12.5, భీమారం మండలం గోవిందారంలో 12.6, కథలాపూర్‌, పెగడపల్లి మండల కేంద్రాలతో పాటు భీమారం మండలం మన్నెగూడెంలో 12.7, మల్యాలలో 12.8, కొడిమ్యాల మండలం తిర్మలాపూర్‌లో 12.9 డిగ్రీల కనిష్ట ఉష్ణోగ్రతలు నమోదయ్యాయి.

పంచాయతీ సెక్రటరీ సస్పెన్షన్‌

జగిత్యాల: మల్లాపూర్‌ మండలం రాఘవపేట గ్రామపంచాయతీ సెక్రటరీ వినయ్‌ని జిల్లా కలెక్టర్‌ ఆదేశాల మేరకు సస్పెండ్‌ చేసినట్లు డీపీవో రఘువరన్‌ తెలిపారు. ఉపాధి హామీకి సంబంధించిన నిధులను సెక్రటరీ సొంతానికి వాడుకున్నట్లు విచారణలో తేలడంతో సస్పెండ్‌ చేసినట్లు పేర్కొన్నారు.