ఎన్‌సీసీతో క్రమశిక్షణ, నాయకత్వ లక్షణాలు

ఎన్‌సీసీతో క్రమశిక్షణ, నాయకత్వ లక్షణాలు

గద్వాల: ఎన్‌సీసీ వల్ల విద్యార్థి దశలోనే దేశభక్తి, క్రమశిక్షణ, నాయకత్వ లక్షణాలు అలవడుతాయని, ప్రతి విద్యార్థి ఎన్‌సీసీలో చేరాలని ఏఎస్పీ మహేందర్‌ అన్నారు. ఆదివారం 77వ ఎన్‌సీసీ దినోత్సవాన్ని స్థానిక ప్రభుత్వ బాలుర ఉన్నత పాఠశాలలో నిర్వహించారు. కార్యక్రమానికి ప్రభుత్వ బాలుర ఉన్నత పాఠశాల పూర్వ విద్యార్థి అయిన మహేందర్‌ ముఖ్యఅతిథిగా పాల్గొని మాట్లాడారు. విద్యార్థి దశలోనే ప్రతిఒక్కరు క్రమశిక్షణ, నాయకత్వ లక్షణాలతో పాటు, దేశభక్తిని కూడ పెంపొదించుకోవాలని ఆ దిశగా ఎన్‌సీసీ ఎంతో ఉపయోగపడుతుందన్నారు. అనంతరం ఆయన ఎన్‌సీసీ విద్యార్థులు గౌరవ వందనం సమర్పించారు. కార్యక్రమంలో ప్రధానోపాధ్యాయులు ఇమ్మనియోలు, ఎన్‌సీసీ ఇంచార్జీ సమరసింహారెడ్డి, పాఠశాల అధ్యాపక బృందం పాల్గొన్నారు.