వైభవంగా కాలభైరవుడి రథోత్సవం

వైభవంగా కాలభైరవుడి రథోత్సవం

రామారెడ్డి: ఇసన్నపల్లి(రామారెడ్డి)లో వెలసిన శ్రీకాలభైరవస్వామి జన్మదిన వేడుకలలో భాగంగా ఆదివారం రథోత్సవం నిర్వహించారు. తెల్లవారుజామున 3 గంటలకు రథోత్సవం ప్రారంభమైంది. స్వామివారి ఉత్సవ మూర్తులతో బయలుదేరిన రథం.. ఇసన్నపల్లి, రామారెడ్డి గ్రామాల మీదుగా సాగి తిరిగి ఆలయానికి చేరుకుంది. కాలభైరవ నామస్మరణతో వీధులు ప్రతిధ్వనించాయి. మహిళలు మంగళ హారతులతో స్వామివారికి స్వాగతం పలికారు. రథోత్సవం అనంతరం దక్షయజ్ఞం నిర్వహించారు. వీరశైవ మహేశ్వరులు దండకాలు వేశారు. అనంతరం ఆలయం వద్ద జాతర సాగింది. జాతరతో స్వామివారి జన్మదినోత్సవాలు ముగిశాయి. ఉత్సవాల సందర్భంగా ఇబ్బందులు తలెత్తకుండా పోలీసులు భారీ బందోబస్తు ఏర్పాటు చేశారు.

తరలివచ్చిన భక్తులు

ముగిసిన స్వామివారి

జన్మదినోత్సవాలు

1/3

వైభవంగా కాలభైరవుడి రథోత్సవం

2/3

వైభవంగా కాలభైరవుడి రథోత్సవం

3/3

వైభవంగా కాలభైరవుడి రథోత్సవం