గొప్ప దేశభక్తుడు దయానంద సరస్వతి

గొప్ప దేశభక్తుడు దయానంద సరస్వతి

కామారెడ్డి అర్బన్‌: ఆర్య సమాజ్‌ స్థాపించి దేశస్వాతంత్య్ర పోరాటానికి ఎంతోమంది యోధులను అందించిన గొప్ప దేశభక్తుడు స్వామి దయానంద సరస్వతి అని ఆచార్య సత్యమిత్ర పేర్కొన్నారు. దయానంద సరస్వతి బలిదాన్‌ దివస్‌ను పురస్కరించుకుని కామారెడ్డిలో ఆర్యసమాజ్‌ ఆధ్వర్యంలో ఆదివారం విద్యార్థులకు వ్యాసరచన పోటీలు నిర్వహించారు. ముఖ్యఅతిథిగా హాజరైన ఆర్య సమాజ్‌ ప్రతినిధి ఆచార్య సత్యమిత్ర మాట్లాడుతూ వేదాలసారాన్ని సామాన్యులకు అందించిన మహామనిషి దయానంద సరస్వతి అన్నారు. కార్యక్రమంలో ఆర్యసమాజ్‌ ప్రతినిధులు కంకణాల కిషన్‌, అరుణ, అర్వపల్లి రమేష్‌, భరత్‌ ముని, మహంకాళ విజయ్‌, గరిపల్లి అంజయ్య తదితరులు పాల్గొన్నారు.