TV
దేశాయ్‌కి కన్నీటి వీడ్కోలు
రుద్రూర్‌: రోడ్డు ప్రమాదంలో మృతి చెందిన కోటగిరి మాజీ జడ్పీటీసీ, బోధన్‌ సీడీసీ చైర్మన్‌ శివరాజు దేశాయ్‌, ఆయన కుమారుడు రాజు దేశాయ్‌కి గురువారం ఆశ్రునయనాల మధ్య ప్రజాప్రతినిధులు, నాయకులు, ప్రజలు కన్నీటి వీడ్కోలు పలికారు. శివరాజు దేశాయ్‌ కడసారి చూపు కోసం వివిధ ప్రాంతాల నుంచి ప్రజలు కోటగిరి మండలం బస్వాపూర్‌కు తరలివచ్చారు. రాష్ట్ర ప్రభుత్వ వ్యవసాయ సలహాదారు, బాన్సువాడ ఎమ్మెల్యే పోచారం శ్రీనివాస్‌రెడ్డి, రాష్ట్ర ఆగ్రో ఇండస్ట్రీస్‌ చైర్మన్‌ కాసుల బాలరాజు, బాన్సువాడ సెగ్మెంట్‌ కాంగ్రెస్‌ ఇన్‌చార్జి, మాజీ ఎమ్మెల్యే ఏనుగు రవీందర్‌రెడ్డి, జుక్కల్‌, నిజామాబాద్‌ మాజీ ఎమ్యెల్యేలు ఎస్‌ గంగారాం, యెండల లక్ష్మీనారాయణలు శివరాజు దేశాయ్‌ పార్థివ దేహానికి పూలమాలలు వేసి శ్రద్ధాంజలి ఘటించారు. బాధిత కుటుంబాన్ని ఓదార్చారు. అంత్యక్రియలకు మాజీ జెడ్పీటీసీలు పుప్పాల శంకర్‌, అంబర్‌ సింగ్‌, శంకర్‌ పటేల్‌, మాజీ ఎంపీపీ గంధపు పవన్‌ కుమార్‌, ఎలమంచిలి శ్రీనివాస్‌ రావు, గంగాధర్‌ పటేల్‌, కొట్టం మనోహర్‌ తదితరులు పాల్గొన్నారు.
దేశాయ్‌కి కన్నీటి వీడ్కోలు
Comments
Please login to add a commentAdd a comment