ప్రశాంతంగా ముగిసిన గ్రూప్‌– 3

Published Tue, Nov 19 2024 12:15 AM | Last Updated on Tue, Nov 19 2024 12:15 AM

ఆసిఫాబాద్‌రూరల్‌: జిల్లాలో గ్రూపు– 3 పరీక్షలు ప్ర శాంతంగా ముగిశాయి. మూడో పేపర్‌ సోమవారం ఉదయం 10 గంటలకు ఉండగా అభ్యర్థులను ఉదయం 8.30 గంటల నుంచే కేంద్రాల్లోకి అనుమతించారు. ఆదివారం జిల్లావ్యాప్తంగా ఎనిమిది మందిని నిమిషం నిబంధనతో వెనక్కి పంపించడంతో చాలా మంది అభ్యర్థులు ముందుగానే కేంద్రాల కు చేరుకున్నారు. జిల్లా వ్యాప్తంగా 18 పరీక్ష కేంద్రాలు ఏర్పాటు చేయగా మొత్తం 4,471 మంది అభ్యర్థులకు 2,757 మంది హాజరయ్యారు. కాగజ్‌నగర్‌ పట్టణంలోని 9 కేంద్రాల్లో 2,167 మందికి 1,176 హాజరు కాగా 991 మంది గైర్హాజరయ్యారు. అలాగే ఆసిఫాబాద్‌ పట్టణంలోని 9 కేంద్రాల్లో 2,304 మందికి 1581 మంది హాజరు కాగా 723 మంది గైర్హాజ రయ్యారని పరీక్ష నిర్వహణ అధికారి లక్ష్మీనరసింహ వెల్లడించారు. జిల్లా కేంద్రంలోని మాతృశ్రీ, మోడ ల్‌ స్కూల్‌లోని కేంద్రాలను కలెక్టర్‌ వెంకటేశ్‌ దోత్రే, అదనపు కలెక్టర్‌ దీపక్‌ తివారి పరిశీలించారు. పర్యవేక్షకులు, అధికారుల సమన్వయంతో పరీక్షలు ప్ర శాంతంగా నిర్వహించామని తెలిపారు. పరీక్షలు పూర్తయిన వెంటనే ఓఎంఆర్‌ షీట్లను బందోబస్తు మధ్య కలెక్టరేట్‌లోని స్ట్రాంగ్‌ రూమ్‌కు తరలించామ ని పేర్కొన్నారు. అదనపు కలెక్టర్‌ దీపక్‌ తివారి స్ట్రాంగ్‌రూం వద్ద బందోబస్తును పర్యవేక్షించారు.

రెండోరోజు 2,757 మంది హాజరు