జాతీయ స్థాయి పోటీలకు ఎంపిక

జాతీయ స్థాయి పోటీలకు ఎంపిక

కౌటాల: మండలంలోని మొగడ్‌దగడ్‌ గ్రామానికి చెందిన కోసన్‌కార్‌ మారుతి–ప్రపుల దంపతుల కుమారుడు హోంరాజ్‌ జాతీయ స్థాయి అథ్లెటిక్‌ (రన్నింగ్‌) పోటీలకు ఎంపికయ్యాడు. కరీంనగర్‌లోని సైనిక్‌ స్కూల్‌లో ఇంటర్‌ ప్రథమ సంవత్సరం చదువుతున్న విద్యార్థి ఈ నెల 22న హన్మకొండలో నిర్వహించిన రాష్ట్రస్థాయి పోటీల్లో ప్రతిభ కనబర్చాడు. ఈ నెల 25, 28 తేదీల్లో లక్నోలో నిర్వహించనున్న జాతీయస్థాయి పోటీల్లో తెలంగాణ రాష్ట్రం తరపున అండర్‌ 17 విభాగంలో 400 మీటర్ల రన్నింగ్‌ పోటీల్లో పాల్గొననున్నాడు. గ్రామీణ ప్రాంతానికి చెందిన విద్యార్థి జాతీయ స్థాయి పోటీలకు ఎంపిక కావడంతో కుటుంబ సభ్యులతో పాటు అధ్యాపకులు, గ్రామస్తులు హోంరాజ్‌ను అభినందించారు.