సాఫ్ట్‌బాల్‌ పోటీల్లో ప్రతిభ

సాఫ్ట్‌బాల్‌ పోటీల్లో ప్రతిభ

ఆసిఫాబాద్‌రూరల్‌: జిల్లా కేంద్రంలోని సాంఘిక సంక్షేమ గురుకుల పాఠశాలకు చెందిన శ్రీకాంత్‌ రాష్ట్రస్థాయి సాఫ్ట్‌బాల్‌ పోటీల్లో ప్రతిభ కనబర్చినట్లు ప్రిన్సిపాల్‌ యాదగిరి తెలిపారు. బుధవారం పాఠశాల ఆవరణలో విద్యార్థిని పీడీ శంకర్‌, అధ్యాపకులతో కలిసి అభినందించారు. ఆయన మాట్లాడుతూ ఈ నెల 23, 24న మెదక్‌లో నిర్వహించిన రాష్ట్రస్థాయి సాఫ్ట్‌బాల్‌ పోటీల్లో శ్రీకాంత్‌ ఉత్తమ ప్రతిభ కనబర్చి కాంస్య పతకం సాధించినట్లు తెలిపారు. కార్యక్రమంలో వైస్‌ ప్రిన్సిపాల్‌ రహీం, అధ్యాపకులు తదితరులు పాల్గొన్నారు.

రాష్ట్రస్థాయి పోటీలకు ఎంపిక

కౌటాల: కౌటాల జెడ్పీ ఉన్నత పాఠశాల విద్యార్థులు రాష్ట్రస్థాయి అథ్లెటిక్స్‌ పోటీలకు ఎంపికై నట్లు పాఠశాల హెచ్‌ఎం నారాయణ్‌సింగ్‌ తెలిపారు. బుధవారం స్థానిక పాఠశాలలో విద్యార్థులు సాయికిరణ్‌, నితిన్‌, అంజన్నను ఉపాధ్యాయులు అభినందించారు. ఆసిఫాబాద్‌లో జరిగిన జిల్లా స్థాయి అండర్‌ 12 అథ్లెటిక్స్‌ పోటీల్లో ప్రతిభ కనబర్చి రాష్ట్రస్థాయి పోటీలకు ఎంపికైనట్లు హెచ్‌ఎం తెలిపారు. డిసెంబర్‌ 1న మంచిర్యాలలో నిర్వహించనున్న రాష్ట్రస్థాయి పోటీల్లో పాల్గొంటారన్నారు. కార్యక్రమంలో పీడీ హరికృష్ణ, ఉపాధ్యాయులు తదితరులు పాల్గొన్నారు.