TV
అనిల్‌కుమార్‌కు జాషువా పురస్కారం
గుడివాడ టౌన్‌: సామాజిక అసమానతలపై కలం ఝుళిపించిన నవయుగ కవిచక్రవర్తి గుర్రం జాషువా అని పశు సంవర్ధక శాఖ అడిషనల్‌ డైరెక్టర్‌ ఎంఎస్‌ఏ దివాకర్‌ అన్నారు. స్థానిక శ్రీనివాస మహల్‌ సెంటర్‌లోని శ్రీ వీరభ్రహ్మేంద్ర స్వామి ఆలయంలో గుర్రం జాషువా జయంతిని పురస్కరించుకుని సోమవారం సాహితీ పురస్కారాన్ని పల్నాడు జిల్లా మాచర్లకు చెందిన సాహితీవేత్త డి.అనిల్‌కుమార్‌కు గుర్రం జాషువా స్ఫూర్తి పురస్కారం–2024 అందజేశారు. ఈ కార్యక్రమానికి ముఖ్య అతిథిగా విచ్చేసిన డాక్టర్‌ దివాకర్‌ మాట్లాడుతూ సమాజంలోని మానసిక రుగ్మతలకు అద్దం పడుతూ ప్రతిఒక్కరినీ చైతన్యపథం వైపు నడిపించిన గొప్ప కవి గుర్రం జాషువా అన్నారు. వారిని సమాజం ఆదర్శంగా తీసుకోవాలని ఆయన భావాలను వెలుగులోకి తేవాలన్నారు. కార్యక్రమంలో తెలుగు భాషా వికాస సమితి సమన్వయకర్త డీఆర్‌బీ ప్రసాద్‌, సీహెచ్‌ రూప, బండి గోవర్ధనరావు, బి. నాగేశ్వరరావు, అవిర్నేని వెంకటేశ్వరరావు, జి. రామకృష్ణ, పీవీ సత్యనారాయణ, వసుధ బసవేశ్వరరావు, ఎన్‌. సాంబశివరావు, ఉరిటి రామారావు, వంగా శ్రీనివాస్‌ పాల్గొన్నారు.
Comments
Please login to add a commentAdd a comment