TV
నామని సుజాతాదేవికి ఎక్స్‌రే కవితా పురస్కారం
విజయవాడ కల్చరల్‌: ఎక్స్‌రే సాహిత్య సేవా సంస్థ జాతీయ స్థాయిలో నిర్వహించిన వచన కవితల పోటీల్లో తెలంగాణ రాష్ట్రం కరీంనగర్‌కు చెందిన నామని సుజాతాదేవి రచించిన ‘ఆమె’ కవితకు అత్యుత్తమ కవితా పురస్కారం దక్కిందని సంస్థ అధ్యక్షుడు కొల్లూరి, ప్రధాన కార్యదర్శి బోడి ఆంజనేయరాజు సోమవారం ఒక ప్రకనలో తెలిపారు. సీనియర్‌ రచయిత ముంగారి రాజేంద్ర్‌ కవితల పోటీకి న్యాయనిర్ణేతగా వ్యవహరించారని పేర్కొన్నారు. ప్రథమ బహుమతి పొందిన విజేతను రూ.10 వేల నగదు బహుమతితో సత్కరిస్తామని పేర్కొన్నారు. కె.అప్పలరాజు (అనకాపల్లి), చొక్కత తాతారావు (విశాఖపట్నం), ఎస్‌.లహరి (హైదరాబాద్‌), డాక్టర్‌ రాధా శ్రీ (హైదరాబాద్‌), రేపాక రఘునందన్‌ (తిరువూరు), సునాతుని వెంకు (బాపట్ల), పొత్తూరి సీతారామారావు (కాకినాడ), కమలేష్‌ (రంగారెడ్డిజిల్లా), నెలుట్ల రమాదేవి (స్టేషన్‌ ఘానపూర్‌), జగన్నాథ రామమోహన్‌ (నెల్లూరు)ను ఉత్తమ కవులుగా న్యాయనిర్ణేతలు ఎంపిక చేశారని తెలిపారు. విజయవాడలో త్వరలో జరిగే సభలో బహుమతులను అందజేస్తామని పేర్కొన్నారు.
Comments
Please login to add a commentAdd a comment