ఇసుక బండిని ఢీకొట్టిన లారీ

ఇసుక బండిని ఢీకొట్టిన లారీ

ప్రమాదంలో ముగ్గురికి గాయాలు

మోపిదేవి: ఇసుక లోడుతో వెళ్తున్న ఎడ్ల బండిని లారీ ఢీకొని బోల్తా కొట్టింది. మండలంలోని పెదప్రోలు వద్ద 216 జాతీయ రహదారిపై మంగళవారం ఉదయం జరిగిన ఈ ప్రమాదంలో ముగ్గురు గాయపడ్డారు. ఎస్‌ఐ సత్యనారాయణ కథనం మేరకు.. కె.కొత్తపాలెం నుంచి చల్లపల్లి వైపు ఇసుక లోడుతో వెళ్తున్న ఎడ్లబండిని పెదప్రోలు వద్ద సూళ్లూరిపేట నుంచి ఒడిశా వెళ్తున్న లారీ వెనక నుంచి ఢీకొంది. ఈ ప్రమాదంలో ఎడ్లబండి రోడ్డు పక్కన పడిపోగా, వేగాన్ని అదుపుచేయలేక లారీ కూడా బండిపై బోల్తాకోట్టింది. ఈ ప్రమాదంలో ఎడ్లబండి యజమాని ఎం.గోపీ, లారీ డ్రైవర్‌ డి.సతీష్‌, క్లీనర్‌ శరవన్‌ గాయపడ్డారు. స్థానికులు ఇచ్చిన సమాచారంతో 108 సిబ్బంది ఘటనా స్థలానికి చేరుకుని క్షతగాత్రులను అవనిగడ్డ ప్రభుత్వాస్పత్రికి తరలించారు. పోలీసులు కేసు నమోదు చేసి దర్యాప్తు చేపట్టారు.