కన్నీటి గట్టున కర్షకుడు

కన్నీటి గట్టున కర్షకుడు

మిచాంగ్‌ ముంచింది.. వరద ఊడ్చేసింది!

ఈ చిత్రంలో కనిపిస్తున్న రైతు పేరు గుండె రవికుమార్‌. ఉంగుటూరు గ్రామం. నేల తల్లిని నమ్ముకొని గత కొన్నేళ్లుగా వ్యవసాయం చేస్తూ వస్తున్నాడు. 50 ఎకరాల వరకు పొలాలు కౌలుకు తీసుకొని వరి, ఇతర పంటలు సాగు చేస్తున్నాడు. గత ఏడాది డిసెంబర్‌లో వచ్చిన మిచాంగ్‌ తుపానులో 15 ఎకరాలు పంట నీట మునిగింది. చేతికి వచ్చిన పంటను మిచాంగ్‌ ముంచేయడంతో తీవ్రంగా నష్టం నష్టపోయాడు. గత ప్రభుత్వ హయాంలో రూ.1.05లక్షల ఇన్‌పుట్‌ సబ్సిడీ రూపంలో పరిహారం అందుకున్నాడు. ఇటీవలే బుడమేరుకు వచ్చిన వరదల కారణంగా 25 ఎకరాల పంట నీట మునిగింది. దీంతో ఎకరాకు రూ.20వేల వరకు పెట్టుబడితో పాటు రైతు కష్టం వరదల్లో కలిసిపోయాయి. ఏడాదిలో రెండు సార్లు కోలుకోలేని దెబ్బలు పడడంతో గుండె రవికుమార్‌కు ‘గుండె కోతే’ మిగిలింది.