ఉమ్మడి కృష్ణా జిల్లా బాడీ బిల్డింగ్‌ జట్టు ఎంపిక

ఉమ్మడి కృష్ణా జిల్లా బాడీ బిల్డింగ్‌ జట్టు ఎంపిక

పెనమలూరు: రాష్ట్ర స్థాయి బాడీ బిల్డింగ్‌ పోటీల్లో పాల్గొనటానికి ఉమ్మడి కృష్ణా జిల్లా జట్టును ఎంపిక చేశామని జిల్లా బాడీ బిల్డింగ్‌ అసోసియేషన్‌ అధ్యక్ష, కార్యదర్శులు బి.మనోహర్‌, తాళ్లూరి అశోక్‌ తెలిపారు. ఈ మేరకు ఆదివారం వివరాలు తెలుపుతూ కానూరు అశోక్‌ జిమ్‌లో జిల్లా బాడీ బిల్డింగ్‌ అసోసియేషన్‌ ఆధ్వర్యంలో జట్టు ఎంపిక చేశామన్నారు. 52 కేజీల విభాగంలో రాకేష్‌జైన్‌, 55 కేజీల విభాగంలో ఎన్‌.హర్షనాగదీపక్‌, 59 కేజీల విభాగంలో ఎం.దినేష్‌, 60 కేజీల విభాగంలో లివీస్‌, 62 కేజీల విభాగంలో సీహెచ్‌ గంగరాజు, 64 కేజీల విభాగంలో సీహెచ్‌ దుర్గాప్రసాద్‌, 65 కేజీల విభాగంలో పి.రాము, 71 కేజీల విభాగంలో రాజా, 80 కేజీల విభాగంలో ఆర్‌ గోపీకృష్ణ ఎంపికయ్యారని తెలిపారు. అలాగే ఫిజిక్‌ పోటీలకు ఎం.దినేష్‌, సీహెచ్‌ దుర్గాప్రసాద్‌లు ఎంపికయ్యారన్నారు. దివ్యాంగుల విభాగంలో 67 కేజీల విభాగంలో వందన బాబూరావు, 70 కేజీల విభాగంలో వెంకటేష్‌లను ఎంపిక చేశామని తెలిపారు. తొలుత సెక్షన్స్‌ను లయన్స్‌క్లబ్‌ అధ్యక్షుడు వైష్ణవి నరేంద్ర ప్రారంభించారు. మొత్తం 50 మంది క్రీడాకారులు సెలక్షన్స్‌లో పాల్గొన్నారు. కార్యక్రమంలో సంఘ గౌరవ అధ్యక్షుడు ఈదా రాజేష్‌, కోచ్‌ సీహెచ్‌ దుర్గాప్రసాద్‌ తదితరులు పాల్గొన్నారు. కానూరు అశోక్‌ జిమ్‌లో ఎంపికై న క్రీడాకారులకు శిక్షణ ఇస్తామన్నారు. రాష్ట్ర జట్టు ఎంపిక ఈ నెల 30వ తేదీన గుంటూరులో జరుగుతుందని, జిల్లా జట్టు క్రీడాకారులు ఈ పోటీల్లో పాల్గొంటారని కార్యదర్శి అశోక్‌ అన్నారు.