మట్కా బీటర్ల అరెస్ట్‌

బొమ్మలసత్రం: నంద్యాలలో మట్కా బీటర్లపై పోలీసులు ఉక్కుపాదం మోపారు. త్రీటౌన్‌ సీఐ సూర్యమౌళి పర్యవేక్షణలో సీసీఎస్‌ సీఐ సురేష్‌కుమార్‌ సిబ్బందితో కలిసి ఆదివారం మట్కా బీటర్లను అరెస్ట్‌ చేశారు. సీఐ తెలిపిన వివరాల మేరకు.. మట్కా నిర్వహిస్తున్న శ్రీనివాసులు, చిన్నరామయ్య, శ్రీనివాసరెడ్డి, అన్వర్‌బాషా, హరిజనవాడ పిచిక హనుమంతు, రహెమాన్‌లపై నిఘా ఉంచి పోలీసులు ఏకకాలంలో దాడులు నిర్వహించారు. నిందితులను అదుపులోకి తీసుకొని వారి నుంచి మట్కా చీటీలతో పాటు రూ.2 లక్షల నగదును స్వాధీనం చేసుకు న్నారు. నిందితులపై కేసు నమోదు చేసి రిమాండ్‌కు తరలించినట్లు సీఐ తెలిపారు. దాడుల్లో హెడ్‌కానిస్టేబుళ్లు, సిబ్బంది పాల్గొన్నారు.