TV
చెట్టుకు ఢీకొని యువకుడు మృతి
కాగజ్‌నగర్‌రూరల్‌: మండలంలోని కొత్తసారసాల గ్రామ సమీపంలోని మూలమలుపు వద్ద జరిగిన రోడ్డు ప్రమాదంలో ఓ యువకుడు మృతి చెందాడు. ఈజ్‌గాం ఎస్సై రామన్‌కుమార్‌ తెలిపిన వివరాల ప్రకారం.. దహెగాం మండలం పంబాపూర్‌ గ్రామానికి చెందిన తలండి ప్రవీణ్‌(22) గురువారం సెల్‌ఫోన్‌ రిపేర్‌ కోసం బైక్‌పై కాగజ్‌నగర్‌కు బయలుదేరాడు. కొత్త సారసాల వద్ద బైక్‌ అదుపు తప్పి చెట్టును ఢీకొట్టింది. గాయపడిన ప్రవీణ్‌ అక్కడికక్కడే మృతి చెందాడు. మృతుడి తల్లి మల్లక్క ఫిర్యాదు మేరకు కేసు దర్యాప్తు చేస్తున్నామని ఎస్సై తెలిపారు.
వివాహిత అదృశ్యం
భైంసాటౌన్‌: కుభీర్‌ మండలం చాత గ్రామానికి చెందిన వివాహిత గిరి ప్రతీక్ష(24) తన నాలుగేళ్ల కూతురితో కలిసి అదృశ్యమైనట్లు పట్టణ ఎస్సై ఎండీ.గౌసుద్దీన్‌ తెలిపారు. ప్రతీక్ష భర్త హరికృష్ణ పట్టణంలోని ఓ బట్టల షాపులో పనిచేస్తున్నాడు. గురువారం పట్టణంలోని తన భర్త వద్దకు వచ్చిన ప్రతీక్ష కొంత డబ్బు తీసుకుని సామగ్రి కొనుగోలు చేసింది. అనంతరం గ్రామానికి వెళ్తున్నట్లు చెప్పి బస్టాండ్‌కు వెళ్లింది. అదే గ్రామానికి చెందిన మరో మహిళ సైతం ఆమె వెంట ఉంది. బాత్‌రూంకు వెళ్లి వస్తానని ప్రతీక్ష వెళ్లి ఎంతకీ రాలేదు. దీంతో భర్త హ రికృష్ణకు సమాచారమివ్వగా, ఆయన బస్టాండ్‌కు వచ్చి ఆచూకీ కోసం గాలించాడు. ఫలితం లేకపోవడంతో శుక్రవారం పట్టణ పో లీసులకు ఫిర్యాదు చేశాడు. ఈ మేరకు కేసు దర్యాప్తు చేస్తున్నట్లు ఎస్సై తెలిపారు.
చెట్టుకు ఢీకొని యువకుడు మృతి
Comments
Please login to add a commentAdd a comment