TV
ప్రతిభకు వైకల్యం అడ్డు కాదు
దివ్యాంగులకు క్రీడా పోటీల నిర్వహణ
మెదక్‌ కలెక్టరేట్‌: ప్రతిభకు వైకల్యం అడ్డు కాదని నిరూపించారు దివ్యాంగులు. తమలో దాగుతున్న క్రీడా నైపుణ్యాన్ని ప్రదర్శించారు. అందరి చేత ప్రశంసలు పొందారు. అంతర్జాతీయ దివ్యాంగుల దినోత్సవం సందర్భంగా మంగళవారం మెదక్‌ జిల్లా కేంద్రంలో మహిళా, శిశు, వయోవృద్ధుల శాఖ ఆధ్వర్యంలో స్థానిక అథ్లెటిక్స్‌ అవుట్‌డోర్‌ స్టేడియంలో దివ్యాంగులకు పలు క్రీడా పోటీలు నిర్వహించారు. ఇన్‌చార్జి డీడబ్ల్యూఓ స్వరూప జెండా ఊపి పోటీలను ప్రారంభించారు. అనంతరం పరుగు పందెం, షాట్‌ఫుట్‌, చెస్‌, క్యారమ్స్‌, జావెలిన్‌త్రో, వీల్‌చైర్‌, ట్రైసైకిల్‌ పందెం వంటి పోటీలను నిర్వహించారు. ఈ సందర్భంగా స్వరూప మాట్లాడుతూ అంతర్జాతీయ దివ్యాంగుల దినోత్సవం సందర్భంగా ఈ పోటీలను నిర్వహించామన్నారు. ఈ పోటీల్లో ప్రతిభ కనబర్చిన వారికి ఈనెల 21, 22వ తేదీల్లో హైదరాబాద్‌లో జరిగే పోటీలకు పంపుతామన్నారు.
Comments
Please login to add a commentAdd a comment