Bigg Boss-CPI Narayana: ‘బిగ్‌బాస్‌’ షోపై సీపీఐ నారాయణ మరోసారి సంచలన వ్యాఖ్యలు

CPI Narayana Shocking Comments On Bigg Boss Show: బిగ్‌బాస్‌ రియాలిటీ షో క్రేజ్‌ గురించి ప్రత్యేకంగా చెప్పనవసరం లేదు. ప్రపంచ వ్యాప్తింగా ఈ రియాలిటీ షోకు ఎంతో క్రేజ్‌ ఉంది. ఇండియాలో అన్ని భాషల్లో బిగ్‌బాస్‌ ఎంతో ప్రేక్షక ఆదరణ పొందింది. ఇక తెలుగులో ఈ రియాలిటీ షో 5 సీజన్లను విజయంతంగా పూర్తి చేసుకోగా ఇప్పుడు సరికొత్తగా ఓటీటీ ప్రసారానికి సిద్ధమైంది. బుల్లితెర ప్రేక్షకులకు 24 గంటల పాటు వినోదం అందించేందుకు బిగ్‌బాస్‌ ఓటీటీ ప్రముఖ డిస్నీప్లస్‌ హాట్‌స్టార్‌లో నేటి నుంచి స్ట్రీమింగ్‌ కానుంది.

చదవండి: బిగ్‌బాస్‌ నాన్‌స్టాప్‌: 24 గంటలు, 84 రోజులు, 17మంది కంటెస్టెంట్లు

ఈ రోజు(ఫిబ్రవరి 26) బిగ్‌బాస్‌ నాన్‌స్టాప్‌ పేరుతో ఈ సీజన్‌ మొదలు కానున్న నేపథ్యంలో ఈ షోపై మరోసారి సీపీఐ నేత నారాయణ విరుచుకుపడ్డారు. ఈ సందర్భంగా బిగ్‌బాస్‌ షో రెడ్‌లైట్‌ ఏరియా కన్నా డేంజర్‌ అంటూ సంచలన వ్యాఖ్యలు చేశారు. ఈ మేరకు ఆయన మాట్లాడుతూ..  బిగ్‌బాస్‌ అనేది సమాజానికి నేరపూరితమైన సంస్థ అని, ఇది ఓ కల్చరల్‌ షో, కల్చరల్‌ ఈవెంట్‌, గేమ్‌ షో కాదని, లైసెన్స్‌ తీసుకున్న బ్రోతల్‌ హౌజ్‌ అంటూ షాకింగ్‌ కామెంట్స్‌ చేశారు.

చదవండి: ఈ ప్రిరిలీజ్​ ఈవెంట్​కు స్టార్​ హీరోయిన్లతోపాటు సూపర్​ గెస్ట్

అసలు సంబంధంలేని యువతి, యువకులను ఒకే ఇంట్లో పెట్టడం ఏంటని ఆయన ప్రశ్నించారు. ఈ షో పేరుతో అసాంఘిక కార్యకలాపాలకు పాల్పడుతున్నారంటూ ఆయన మండిపడ్డారు. అందుకే కేంద్ర-రాష్ట్ర ప్రభుత్వాలు ఈ షోను బ్యాన్‌ చేయాలని ఆయన డిమాండ్‌ చేశారు. అంతేకాదు ‘స్టాప్‌ బిగ్‌బాస్‌’ అనే హ్యాష్‌ ట్యాగ్‌తో ఆయన ప్రత్యేకంగా ప్రచారం కూడా మొదలు పెట్టారు. కాగా గతంలో కూడా ఈ షోపై ఆయన అభ్యంతరం వ్యక్తం చేస్తూ తీవ్ర వ్యాఖ్యలు చేసిన సంగతి తెలిసిందే.