Mahesh Babu: దశాబ్దాలుగా ఎన్టీఆర్‌-కృష్ణల మధ్య వైరం? మహేశ్‌ ఏమన్నాడంటే

Mahesh Babu Comments Over Sr NTR And Krishna: నందమూరి బాలకృష్ణ ప్రస్తుతం హీరోగానే కాకుండా, అన్‌స్టాపబుల్‌ షోతో వ్యాఖ్యాతగానూ అదరగొకొడుతున్నారు. ఇప్పటికే ఈ షో ఎంతలా సూపర్‌ హిట్‌ అయ్యిందో ప్రత్యేకంగా చెప్పాల్సిన పనిలేదు. ఇక ఫినాలే ఎపిసోడ్‌కు సూపర్‌స్టార్‌ మహేశ్‌ బాబు గెస్ట్‌గా రావడం మరింత ఆసక్తికరంగా మారింది. ఈ సందర్భంగా బాలయ్య అడిగిన పలు ప్రశ్నలకు మహేశ్‌ సమాధానమిచ్చారు.

కాగా నందమూరి తారకరామారావు- సూపర్‌స్టార్‌ కృష్ణ మధ్య దశాబ్దాలుగా వైరం ఉందని, ముఖ్యంగా కృష్ణ నటించిన అల్లూరి సీతారామమాజు సినిమా సమయం నుంచి వీరిద్దరి మధ్య మనస్పర్థలు వచ్చాయని ఇండస్ట్రీలో టాక్‌. తాజాగా ఈ విషయంపై ఓపెన్‌ అప్‌ అయిన మహేశ్‌ ఎన్టీఆర్‌- కృష్ణల గురించి ఆసక్తికర విషయాలను పంచుకున్నారు.

అల్లూరి సీతారామరాజు సినిమా సమయంలో నాన్న(కృష్ణ)గారికి ఎన్టీఆర్‌ గారితో గొడవలు ఉన్నాయనే మాట అబద్దమని ఆ సినిమా చూసిన తర్వాత.. ఆయన చాలా అభినందించారని నాన్న తరుచూ గుర్తుచేసుకునేవారని మహేశ్‌ వివరించారు. ప్రస్తుతం ఈ కామెంట్స్‌ నెట్టింట వైరల్‌గా మారాయి.