TV
టాలీవుడ్‌ హీరో రామ్ పోతినేని హీరోగా నటిస్తోన్న తాజా చిత్రం డబుల్ ఇస్మార్ట్. ఈ మూవీకి పూరి జగన్నాథ్‌ దర్శకత్వం వహిస్తున్నారు. వీరిద్దరి కాంబోలో వచ్చిన ఇస్మార్ట్ శంకర్‌ చిత్రానికి సీక్వెల్‌గా తెరకెక్కించారు. ఇందులో కావ్య థాపర్‌ హీరోయిన్‌గా కనిపించనుంది. ఇప్పటికే రిలీజైన సాంగ్‌ ఫ్యాన్స్‌ను ఊపేస్తోంది. ఫుల్ యాక్షన్‌ ఎంటర్‌టైనర్‌గా రూపొందించిన ఈ సినిమా ఆగస్టు 15న థియేటర్లలో సందడి చేయనుంది.
తాజాగా ఈ మూవీ రిలీజ్‌ కాకముందే క్రేజీ టాక్ వినిపిస్తోంది. ఈ మూవీ డిజిటల్‌ రైట్స్‌ భారీ ధరకు విక్రయించినట్లు తెలుస్తోంది. సౌత్‌ ఇండస్ట్రీ హక్కులను అమెజాన్‌ ప్రైమ్‌ ఏకంగా రూ.33 కోట్లు వెచ్చించి కొనుగోలు చేసినట్లు మేకర్స్ వెల్లడించారు. దీంతో ఈ చిత్రంపై అభిమానుల్లో అంచనాలు మరింత పెరిగాయి. ఈ చిత్రంలో బాలీవుడ్ సీనియర్‌ నటుడు సంజయ్‌దత్‌ కీలకపాత్ర పోషిస్తున్నారు.
Comments
Please login to add a commentAdd a comment