జోనల్‌ క్రీడలను విజయవంతం చేయాలి

జోనల్‌ క్రీడలను విజయవంతం చేయాలి

లింగాల: మండల కేంద్రంలోని సాంఘిక సంక్షేమ శాఖ బాలుర గురుకుల పాఠశాల, కళాశాల ఆవరణలో తెలంగాణ రాష్ట్ర సాంఘిక సంక్షేమ శాఖ గురుకులాల సొసైటీ ఆధ్వర్యంలో నిర్వహించే 10వ జోనల్‌ క్రీడలను విజయవంతం చేయాలని ఉమ్మడి జిల్లా జోనల్‌ అధికారి నిర్మల కోరారు. గురువారం గురుకుల పాఠశాల ఆవరణలో క్రీడలకు సంబంధించి సన్నాహక సమావేశం నిర్వహించారు. ఈ సందర్భంగా జోనల్‌ అధికారి మాట్లాడుతూ ఈ నెల 11నుంచి 14వ తేదీ వరకు నిర్వహించే క్రీడల్లో అన్ని రకాల స్పోర్ట్స్‌, అథ్లెటిక్స్‌ విభాగాల్లో ఉమ్మడి జిల్లాకు చెందిన 13 గురుకుల పాఠశాల, కళాశాలల విద్యార్థులు 1,105 మంది పాల్గొంటారని ఆమె తెలిపారు. క్రీడలు సమర్థవంతంగా నిర్వహించేందుకు పీడీలు, పీఈటీలు సహకరించాలని కోరారు. పోటీలు ప్రారంభం, ముగింపు సమయంలో వీఐపీలు వచ్చే అవకాశాలుంటాయని ఆమె తెలిపారు. ఇతర ప్రాంతాల నుంచి వచ్చే విద్యార్థులు, పీడీలు, పీఈటీలకు అన్ని రకాల సౌకర్యాలు కల్పించాలని నిర్వహకులకు సూచించారు. సమావేశంలో ప్రిన్సిపల్‌ బాలస్వామి, పీడీ వెంకటేశ్వర్లు, ఆయా పాఠశాలల పీడీలు, పీఈటీలు పాల్గొన్నారు.