TV
ప్రశాంతంగా ముగిసిన గ్రూప్‌–3
నాగర్‌కర్నూల్‌: టీజీపీఎస్సీ నిర్వహించిన గ్రూప్‌–3 పరీక్ష జిల్లాలో ప్రశాంతంగా ముగిసింది. జిల్లా కేంద్రంతో పాటు తెలకపల్లి, పాలెం, బిజినేపల్లిలో 33 పరీక్ష కేంద్రాలను ఏర్పాటు చేశారు. ఆదివారం జరిగిన పేపర్‌–1, పేపర్‌–2 పరీక్ష నిర్వహించగా.. 9,478 మంది అభ్యర్థులకు గాను 5,086 మంది హాజరయ్యారు. సోమవారం ఉదయం 10 నుంచి మధ్యాహ్నం 12:30 గంటల వరకు జరిగిన పేపర్‌–3 పరీక్షకు 5,046 మంది హాజరై రాశారు. జిల్లావ్యాప్తంగా ఎలాంటి ఘటనలు చోటు చేసుకోకుండా అధికారులు ముందస్తు ఏర్పాట్లు చేశారు. జిల్లా కేంద్రంలోని సైన్స్‌ డిగ్రీ కళాశాల, ప్రభుత్వ ఉన్నత పాఠశాలల్లో ఏర్పాటు చేసిన పరీక్ష కేంద్రాలను కలెక్టర్‌ బదావత్‌ సంతోష్‌ తనిఖీ చేశారు. పరీక్ష నిర్వహణ తీరును పరిశీలించారు. ఈ సందర్భంగా సంబంధిత అధికారులకు పలు సూచనలు చేశారు. పరీక్ష పూర్తయ్యే వరకు అభ్యర్థులను బయటికి పంపవద్దన్నారు. కాగా, పరీక్ష కేంద్రాలకు వెళ్లిన కలెక్టర్‌ నిబంధనలను అనుసరిస్తూ సెల్‌ఫోన్‌ కారులోనే వదిలి వెళ్లారు.
ప్రశాంతంగా ముగిసిన గ్రూప్‌–3
Comments
Please login to add a commentAdd a comment