సీఎం శ్రీశైలం పర్యటన ఖరారు

సీఎం శ్రీశైలం పర్యటన ఖరారు

శ్రీశైలంటెంపుల్‌: ముఖ్యమంత్రి చంద్రబాబు శ్రీశైలం పర్యటన ఖరారైంది. శనివారం ఉదయం 10.40 గంటలకు ఉండవల్లిలోని తన నివాసం నుంచి రోడ్డు మార్గాన ప్రకాశం బ్యారేజ్‌ చేరుకుంటారు. 10.45 గంటలకు సీప్లేన్‌ ప్రారంభోత్సవ వేడుకల్లో పాల్గొంటారు. మధ్యాహ్నం 12 గంటలకు ప్రకాశం బ్యారేజ్‌ నుంచి సీప్లేన్‌లో బయలుదేరి 12.40 గంటలకు శ్రీశైలం పాతాళగంగ వద్ద బోటింగ్‌ పాయింట్‌కు చేరుకుంటారు. 12.45 గంటలకు శ్రీశైలం రోప్‌వే వద్దకు, 12.50 గంటలకు రోప్‌వే ద్వారా పైకి చేరుకుంటారు. 12.50 గంటలకు ప్రజాప్రతినిధులను కలుసుకుంటారు. 1.05 గంటలకు రోడ్డు మార్గాన భ్రమరాంబా మల్లికార్జున స్వామిఅమ్మవార్ల ఆలయానికి చేరుకుంటారు. 1.25 గంటలకు భ్రమరాంబా మల్లికార్జున స్వామిఅమ్మవార్ల దర్శనం చేసుకుంటారు. 1.30 గంటలకు రోడ్డు మార్గాన రోప్‌వే వద్దకు చేరుకుంటారు. 1.30 నుంచి 2 గంటల వరకు విశ్రాంతి తీసుకుంటారు. 2 నుంచి 2.20 గంటల వరకు మీడియా సమావేశంలో పాల్గొంటారు. 2.20 గంటలకు రోప్‌వే ద్వారా పాతాళగంగకు చేరుకుంటారు. 2.30 గంటలకు శ్రీశైలం పాతాళగంగ నుంచి సీప్లేన్‌ ద్వారా విజయవాడకు బయలుదేరుతారు. కాగా ముఖ్యమంత్రి శ్రీశైల పర్యటన ఏర్పాట్లను జేసీ కలెక్టర్‌ సి.విష్ణుచరణ్‌ ఏఎస్‌ఎల్‌ బృందంతో కలిసి పరిశీలించారు. ఏర్పాట్లపై అధికారులకు పలు ఆదేశాలు జారీ చేశారు.