పేకాటరాయుళ్ల అరెస్టు

నస్పూర్‌: సీసీసీ నస్పూర్‌ పోలీస్‌స్టేషన్‌ పరిధిలో పేకాట ఆడుతున్న నలుగురు వ్యక్తులను అరెస్టు చేసినట్లు సీసీసీ నస్పూర్‌ ఎస్సై సుగుణాకర్‌ తెలిపారు. బుధవారం ఆయన తెలిపిన వివరాల ప్రకారం నాగార్జున కాలనీలోని ఓ ఇంటిలో కొందరు వ్యక్తులు పేకాట ఆడుతున్నారన్న సమాచారం మేరకు సిబ్బందితో కలిసి దాడి చేశారు. పూదరి సతీశ్‌, మూసక ప్రభాకర్‌, దాసరి చంద్రమౌళి, ఎడ్ల రామారావులను అరెస్ట్‌ చేసి వారి వద్ద నుంచి రూ.30,140 నగదు, మూడు సెల్‌ఫోన్లు స్వాధీనం చేసుకున్నట్లు ఎస్సై తెలిపారు.

నజ్రూల్‌నగర్‌ ఘటనలో

నిందితుల అరెస్టు

కాగజ్‌నగర్‌రూరల్‌: మండలంలోని నజ్రూల్‌నగర్‌ విలేజ్‌ నం.5లో ఈనెల 26న జరిగిన ఘ టనలో బుధవారం ముగ్గురు నిందితులను అరె స్టు చేసినట్లు డీఎస్పీ రామానుజం, కాగజ్‌నగర్‌రూరల్‌ సీఐ శ్రీనివాస్‌ తెలిపారు. పోలీసు విధులను ఆటంకపర్చినందుకు మనీష్‌ మానిక్‌దా స్‌, డెబాశిష్‌ మండల్‌, బుద్ధేశ్వర్‌రాయ్‌లను అరె స్టు చేశామన్నారు. ఏదైనా సమస్య ఉంటే పోలీ స్‌స్టేషన్‌లో ఫిర్యాదు చేయాలని, చట్టాన్ని ఎవ రూ చేతిలోకి తీసుకోవద్దని పేర్కొన్నారు. సోష ల్‌ మీడియాలో వదంతులు వ్యాప్తి చేసేవారు, శాంతిభద్రతలకు విఘాతం కలిగించేవారు ఎంతటివారైనా ఉపేక్షించేదిలేదన్నారు.

వృద్ధుడి ఆత్మహత్య

కౌటాల: మండలంలోని ముత్తంపేట గ్రామానికి చెందిన సర్వర్‌ లాలూ(59) అనే వృద్ధుడు పురుగుల మందు తాగి ఆత్మహత్య చేసుకున్నట్లు ఎస్సై మధుకర్‌ బుధవారం తెలిపారు. గత కొద్ది రోజులుగా లాలూ అనారోగ్య సమస్యలతో బాధపడుతున్నాడు. ఈక్రమంలో మద్యానికి బానిసై జీవితంపై విరక్తి చెంది మంగళవారం రాత్రి పురుగుల మందు తాగాడు. గమనించిన కుటుంబ సభ్యులు సిర్పూర్‌(టి) ప్రభుత్వ సామాజిక ఆసుపత్రికి తరలించగా చికిత్స పొందుతూ మృతి చెందాడు. కుమారుడు నితిన్‌ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.