TV
మేక రామస్వామికి ఘన నివాళి
ఖలీల్‌వాడి: పత్రికారంగానికి ఎనలేని సేవలు చేసిన పేపర్‌ ఏజెంట్‌, సాహితీవేత్త మేక రామస్వామి ఇటీవల మృతిచెందారు. సోమవారం నగరంలోని ఆర్టీసీ బస్టాండ్‌ ఆవరణలో నిజామాబాద్‌ పేపర్‌ ఏజెంట్స్‌ అండ్‌ బాయ్స్‌ అసోసియేషన్‌ ఆధ్వర్యంలో రామస్వామి చిత్రపటం వద్ద నివాళులు అర్పించారు. సీనియర్‌ ఏజెంటు, రిటైర్డ్‌ జడ్జి కృష్ణ గోపాల్‌రావు మాట్లాడుతూ.. రామస్వామి విద్యార్థి దశలో పత్రికా ఏజెంట్‌గా ప్రారంభమై కవిగా, రచయితగా, సినిమా డిస్ట్రిబ్యూటర్‌గా ఎదిగారన్నారు. నిజామాబాద్‌ అర్బన్‌ అధ్యక్షుడు రణం రవీందర్‌గౌడ్‌, సెక్రటరీ శ్రీకాంత్‌, కోశాధికారి కస్తూరి శంకర్‌, లక్ష్మీకాంతం, రాజగోపాల్‌, రవికుమార్‌, నరేష్‌ పేపర్‌ బాయ్స్‌ పాల్గొన్నారు.
10మందికి తైక్వాండో బ్లాక్‌బెల్ట్‌
నిజామాబాద్‌ నాగారం: కూకట్‌పల్లి ఛాంపియన్స్‌ అకాడమీలో సోమవారం తెలంగాణ తైక్వాండో అసోసియేషన్‌ ప్రధాన కార్యదర్శి చీఫ్‌ ఎగ్జామినర్‌ గ్రాండ్‌ మాస్టర్‌ ప్రవీణ్‌ కుమార్‌ ఆధ్వర్యంలో బ్లాక్‌ బెల్ట్‌ డాన్‌ ప్రమోషన్‌ టెస్ట్‌ నిర్వహించారు. కార్యక్రమంలో ఇందూర్‌ అమెచ్యూర్‌ తైక్వాండో అసోసియేషన్‌ ప్రధాన కార్యదర్శి మనోజ్‌ కుమార్‌ శిక్షణలో పదిమంది క్రీడాకారులు పాల్గొని బ్లాక్‌ బెల్ట్‌ సాధించారు. బెల్టులు పొందిన వారిలో గోపీకృష్ణ, గంగాధర్‌, వేధాంగ్‌, నిహాల్‌, వినాయక్‌, తనిష్క్‌, భవ్య, సహస్ర, శ్రీవేద, ప్రవస్తి ఉన్నారు.
మేక రామస్వామికి ఘన నివాళి
Comments
Please login to add a commentAdd a comment