భార్యను చంపిన కేసులో భర్త అరెస్ట్‌

భార్యను చంపిన కేసులో భర్త అరెస్ట్‌

పెడసనగల్లు(మొవ్వ): భార్యను పచ్చడి బండతో కొట్టి చంపి, పరారైన కేసులో భర్తను పోలీసులు అరెస్ట్‌ చేశారు. దీనికి సంబంధించిన వివరాలను పామర్రు సర్కిల్‌ ఇన్‌స్పెక్టర్‌ సుభాకర్‌ ఆయన కార్యాలయంలో సోమవారం తెలిపారు. కూచిపూడి పోలీస్‌ స్టేషన్‌ పరిధిలోని పెడసనగల్లు గ్రామంలో శుక్రవారం రాత్రి భార్యను తుపాకుల అశోక్‌ పచ్చడి బండతో కొట్టి, పరారయ్యాడు. ఆమె మృతి చెందడంతో పోలీసులు కేసు నమోదు చేసి దర్యాప్తు ప్రారంభించారు. ఈ క్రమంలో తుపాకుల అశోక్‌ను పెడసనగల్లు గ్రామ శివారు ధర్మాపురం గ్రామ సమీపంలో ఆదివారం సాయంత్రం అదుపులోకి తీసుకున్నారు. అనంతరం మొవ్వ జేఎఫ్‌సీఎం కోర్టులో హాజరు పరిచినట్లు వివరించారు. సమావేశంలో కానిస్టేబుల్స్‌ రాంబాబు, సుబ్బరాజు, రాజులు పాల్గొన్నారు.