TV
ముగిసిన రాష్ట్ర స్థాయి ఖోఖో
కారెంపూడి: అంతర జిల్లాల అండర్‌ 14 బాల, బాలికల ఖోఖో క్రీడా పోటీలు సోమవారం ముగిశాయి. బాలుర విభాగంలో గుంటూరు జిల్లా జట్టు ప్రథమ స్థానాన్ని కైవసం చేసుకుంది. ప్రకాశం జిల్లా జట్టు ద్వితీయ స్థానాన్ని, చిత్తూరు జిల్లా జట్టు తృతీయ స్థానాన్ని పొందాయి. బాలికల విభాగంలో చిత్తూరు జిల్లా జట్టు ప్రథమ స్థానం సాధించింది. శ్రీకాకుళం జిల్లా జట్టు ద్వితీయ స్థానంలో, విశాఖపట్నం జట్టు తృతీయ స్థానంలో నిలిచాయి. మాచర్ల ఎమ్మెల్యే జూలకంటి బ్రహ్మానందరెడ్డి విజేతలకు ట్రోఫీలను, బహుమతులను ప్రదానం చేశారు. గ్రామ ఇన్‌చార్జి సర్పంచ్‌ సరస్వతీభాయి, విద్యా కమిటీ చైర్మన్‌ బాలునాయక్‌, జిల్లా స్పోర్ట్స్‌ సెక్రటరీ సురేష్‌, టోర్నమెంట్‌ ఆర్గనైజింగ్‌ సెక్రటరీ స్వర్ణరాజు, శ్రీనివాసరావు, చినరత్తయ్య, చిరంజీవిరావు, రాధాకృష్ణమూర్తి, కాళేశ్వరరావు, ప్రసాద్‌లతో పాటు ఉమ్మడి జిల్లాలోని పీఈటీలందరూ పోటీల నిర్వహణలో పాల్గొన్నారు.
బాలుర విభాగం విజేత గుంటూరు బాలికల విభాగం విజేత చిత్తూరు
Comments
Please login to add a commentAdd a comment