● వేడి నీటి సౌకర్యం లేక..

కొత్తూరు: పట్టణంలో ప్రస్తుతం కేజీబీవీ, ఎస్సీ బాలికల హాస్టళ్లు కొనసాగుతున్నాయి. కేజీబీవీలో 6వ తరగతి నుంచి ఇంటర్మీడియెట్‌ వరకు 360 మంది విద్యార్థినులు చదువుకుంటున్నారు. చలికాలం కావడంతో గత వారమే హాస్టల్‌లో ఉంటున్న విద్యార్థినులకు కార్పెట్లు, బ్లాంకెట్లు పంపిణీ చేశారు. హాస్టల్‌లో విద్యార్థినుల సంఖ్యకు సరిపడా టాయిలెట్స్‌, స్నానాలకు వేడి నీటి సౌకర్యం లేకపోవడంతో చల్లనీటినే వాడుకోవాల్సి వస్తోంది. ఎస్సీ బాలికల హాస్టల్‌లో 120 మంది బాలికలు చదువుకుంటున్నారు. వారికి నెల క్రితమే బ్లాంకెట్లు, కార్పెట్లు అందజేశారు. ఇక్కడ సోలార్‌ వాటర్‌ హీటర్‌ ఏర్పాటు చేయడంతో వేడినీరు అందుబాటులో ఉంది.