జలం.. పాతాళం!

జలం.. పాతాళం!

సాక్షి, రంగారెడ్డిజిల్లా: భూగర్భజలాలు జిల్లాలో వేగంగా పడిపోతున్నాయి. గత డిసెంబర్‌లో సగటు భూగర్భ జలమట్టం ఆనవాళ్లు 9.08 మీటర్ల లోతు లో కన్పించగా తాజాగా 10.13 మీటర్ల లోతుకు (1.05 మీటర్ల లోతుకు) పడిపోయాయి. వేసవి ప్రారంభానికి ముందే వ్యవసాయ బోర్లు ఆగిపోస్తుండగా గృహ, వాణిజ్య సంస్థల్లో అప్పుడే నీటికి కటకట మొదలైంది. ముఖ్యంగా నిర్మాణాలు ఎక్కువగా ఉన్న ప్రాంతాల్లో భూగర్భ జలమట్టం పాతాళానికి పడిపోతుండటం ఆందోళన కలిగిస్తోంది. జిల్లావ్యాప్తంగా 87 ఫీజో మీటర్లు ఉండగా ఇబ్రహీంపట్నంలో 15.75 మీటర్ల లోతుకు పడిపోతే.. సరూర్‌నగర్‌లో 14.80 మీటర్లు, శేరిలింగంపల్లిలో 13.97 మీటర్ల లోతుకు చేరడం గమనార్హం. నందిగామ, ఆమనగల్లు, అబ్దుల్లాపూర్‌మెట్‌లో నీటి ఆనవాళ్లు ఆశించిన దానికంటే పైనే కన్పిస్తుండడం విశేషం.

పల్లెల్లో మొదలైన కటకట

చెరువులు, కుంటలు ధ్వంసం చేయడం, నీటి ప్రవాహానికి అడ్డుకట్టలు వేయకపోవడం, కొండలు, గుట్టలను చదును చేస్తుండటం, చెట్లను నరికివేస్తుండటం, గేటెట్‌ కమ్యూనిటీలు, విల్లాలు, ఫౌంహౌస్‌ లు, పరిశ్రమల పేరుతో భారీగా నిర్మాణాలు చేపడు తుండటం భూగర్భ జలాలు వేగంగా పడిపోతుండ టానికి కారణమవుతున్నాయి. ఇంటి చుట్టూ రోడ్డు, ఇతర అవసరాల కోసం కాంక్రీట్‌ వేస్తుండటం, వర్షపు నీరు భూమిలోపలికి ఇంకేందుకు ఇంకుడు గుంతలను ఏర్పాటు చేయకపోవడం, పంట పొలాల్లోనే కాదు గృహ, వాణిజ్య సముదాయాల్లోనూ అవసరానికి మించి నీటిని వినియోగిస్తుండడం కూడా కారణమవుతున్నాయి. గ్రామాల్లోని బోర్లు కూడా సరిగా పోయడం లేదు. అవసరాల మేరకు నీరు సరఫరా కావడం లేదు. గత నెల వరకు ప్రతి రోజూ నల్లాల్లో నీరు వచ్చేది. తాజాగా రోజు విడిచి రోజు వదులుతుండటమే ఇందుకు నిదర్శనం.

వివిధ మండలాల్లో భూగర్భ జలమట్టం .. (మీటర్ల లోతులో..)

జిల్లాలో వేగంగా పడిపోతున్న భూగర్భ జలమట్టం

డిసెంబర్‌తో పోలిస్తే జనవరిలో మరింత లోతుకు

ఇప్పటికే ఆగిపోస్తున్న వ్యవసాయ మోటార్లు

పల్లెల్లో అప్పుడే మొదలైన తాగునీటి ఎద్దడి

అప్పుడే నీటి ఎద్దడి

ఏ ఇంటి చుట్టూ చూసినా సీసీ రోడ్లే. వర్షపు నీరు భూమిలోకి ఇంకని దుస్థితి. ప్రతి ఇంటి ముందు ఓ ఇంకుడుగుంత ఏర్పాటు చేసుకోవాల్సి ఉన్నా చాలా మంది ఈ అంశాన్ని పట్టించుకోవడం లేదు. పూర్తిగా కాంక్రీట్‌ జంగిల్‌గా మారింది. సాధారణంగా ఏప్రిల్‌, మేలో కన్పించే నీటి ఎద్దడి ఫిబ్రవరి మొదటి వారంలోనే కన్పిస్తోంది.

– డి.ఆంజనేయులు, హస్తినాపురం

మోటార్లు ఆగిపోస్తున్నాయి

వ్యవసాయ బోరు కింద నాలుగు ఎకరాల వరి సాగు చేశాను. అప్పుడే మోటార్లు ఆగిపోస్తున్నాయి. వేసవికి ముందే బోర్లు ఆగిపోస్తుండటం ఆందోళన కలిగిస్తోంది. చివరి మడి వరకు తడు స్తుందా అంటే అనుమానమే. వేసిన పంట చేతికందకుండా పోయే అవకాశం ఉంది. పెట్టిన పెట్టుబడి కూడా రాకుండా పోతుంది.

– కె.శంకర్‌నాయక్‌, కొర్రంతండా, మంచాల

1/2

జలం.. పాతాళం!

2/2

జలం.. పాతాళం!