తులసి మొక్కకు పూజ చేస్తుండగా

తులసి మొక్కకు పూజ చేస్తుండగా

● మహిళ మెడలో గొలుసు చోరీ●

● ద్విచక్ర వాహనంపై వచ్చిన దుండగులు

● సీసీ కెమెరాలో దుండగుల దృశ్యాలు నమోదు

పటాన్‌చెరు టౌన్‌: తులసి చెట్టుకు పూజ చేస్తుండగా బైక్‌పై వచ్చిన ఇద్దరు దుండగులు మహిళ మెడలో నుంచి బంగారు గొలుసు కాజేసుకుని పరారయ్యారు. పటాన్‌చెరు పోలీస్‌స్టేషన్‌ పరిధిలో ఆదివారం చోటుచేసుకున్న ఈ ఘటన వివరాలిలా ఉన్నాయి. పటాన్‌చెరు శ్రీనగర్‌ కాలనీకి చెందిన బీఆర్‌ఎస్‌ నేత శ్రీధర్‌ చారి తల్లి సోమలక్ష్మి కార్తీకమాసం కావడంతో ఆదివారం ఇంటి ముందు తులసి కోట వద్ద పూజ చేసుకుంటుండగా ఇద్దరు వ్యక్తులు ద్విచక్రవాహనంపై వచ్చి ఆమె మెడలో 4 తులాల బంగారు గొలుసును దొంగిలించుకుని వెళ్లారు. ఒక వ్యక్తి శిరస్త్రాణం పెట్టుకుని బైక్‌పై వేచి ఉండగా, మరో వ్యక్తి మాస్కు ధరించి, ఈ దొంగతనానికి పాల్పడ్డాడు. దీంతో బాధితురాలి ఫిర్యాదు మేరకు పోలీసులు కేసు నమోదు చేసుకున్నారు. కాగా, కాలనీ చెందిన సీసీ ఫుటేజీలో రికార్డైన దుండగుల దృశ్యాల ఆధారంగా పోలీసులు దర్యాప్తు చేస్తున్నారు.