TV
అదృశ్యమైన యువకుడు శవమై తేలి...
టేక్మాల్‌ (మెదక్‌): అదృశ్యమైన యువకుడు బావిలో శవమై తేలాడు. ఈ ఘటన టేక్మాల్‌ మండలంలోని దాదాయిపల్లిలో ఆదివారం చోటు చేసుకుంది. పోలీసుల కథనం ప్రకారం ఈ ఘటనకు సంబంధించి వివరాలిలా ఉన్నాయి. దాదాయిపల్లి గ్రామానికి చెందిన కోటంగారి రాజు (23) వ్యవసాయ పనులు చేస్తూ జీవనం సాగిస్తున్నాడు. నిత్యం మాదిరిగానే ఈ నెల 13న ఉదయం పొలానికి వెళ్తానని ఇంట్లో చెప్పి వెళ్లాడు. రాత్రి అయినా రాజు ఇంటికి తిరిగి రాకపోవడంతో కుటుంబ సభ్యులు ఎంత వెదికినా ఆచూకీ లభించలేదు. ఈ మేరకు మృతుడి తండ్రి ఫిర్యాదు చేయగా కేసు నమోదు చేసి విచారణ చేపట్టారు. గ్రామ శివారులోని ఓ వ్యవసాయ బావిలో శవమై తేలి కనిపించగా కుటుంబ సభ్యులకు సమాచారం అందజేశారు. సమాచారం అందుకున్న పోలీసులు ఘటనాస్థలికి చేరుకుని మృతదేహాన్ని బయటకు తీసి పంచనామా నిమిత్తం జోగిపేట ప్రభుత్వాసుపత్రికి తరలించారు.
Comments
Please login to add a commentAdd a comment