హోంగార్డుల సంక్షేమానికి కృషి

హోంగార్డుల సంక్షేమానికి కృషి

సీపీ అనురాధ

సిద్దిపేటకమాన్‌: హోంగార్డుల సంక్షేమానికి ఎల్లవేళలా కృషి చేస్తామని సీపీ అనురాధ తెలిపారు. పోలీసు కమిషనర్‌ కార్యాలయంలో జిల్లాలోని హోంగార్డులతో శుక్రవారం దర్బార్‌ నిర్వహించి క్షేత్రస్థాయిలో సమస్యలు తెలుసుకున్నారు. ఈ సందర్భంగా ఆమె మాట్లాడుతూ.. హోంగార్డులకు యూనిఫాం అలవెన్స్‌లు త్వరలో అందజేస్తామన్నారు. రేయిన్‌ కోట్‌, హెల్త్‌ కార్డు గురించి పై అధికారులకు ప్రతిపాదనలు పంపినట్లు తెలిపారు. ప్రతి ఒక్కరికీ హెల్త్‌ ప్రొఫైల్‌ తయారు చేస్తామన్నారు. ప్రతి మూడు నెలలకోసారి దర్బార్‌ నిర్వహిస్తామన్నారు. విధి నిర్వహణలో, వ్యక్తిగతంగా ఏవైనా సమస్యలుంటే తెలపాలని సూచించారు. క్రమశిక్షణతో విధులు నిర్వహించే వారిని గుర్తించి రివార్డులు, అవార్డులు అందజేస్తామన్నారు. కార్యక్రమంలో ఏఆర్‌ అదనపు డీసీపీ సుభాష్‌ చంద్రబోస్‌, ఎస్‌బీ ఇన్‌స్పెక్టర్‌ కిరణ్‌, రిజర్వ్‌ ఇన్‌స్పెక్టర్లు ప్రసాద్‌, ధరణికుమార్‌, ఆర్‌ఎస్‌ఐ బాలకృష్ణ, హోంగార్డు సిబ్బంది పాల్గొన్నారు.