● మర్యాదపూర్వక భేటీ

● మర్యాదపూర్వక భేటీ

సివిల్స్‌కు ఉచిత కోచింగ్‌

శ్రీకాకుళం పాత బస్టాండ్‌ : యూపీపీఎస్సీ సివిల్స్‌ సర్వీసెస్‌ ప్రిలిమ్స్‌, మెయిన్స్‌ పరీక్షల ఉచిత శిక్షణ పొందగోరు అభ్యర్థుల నుంచి దరఖాస్తులు కోరుతున్నట్టు బీసీ స్టడీ సర్కిల్‌ డైరెక్టర్‌ ఈ.అనురాధ ఒక ప్రకటనలో తెలిపారు. జిల్లాకు చెంది ఏదైనా డిగ్రీ పూర్తి చేసిన బీసీ, ఎస్సీ, ఎస్టీ అభ్యర్థులు దరఖాస్తులను పూర్తి చేసి, వెనుకబడిన తరగతుల సంక్షేమశాఖ స్టడీ సర్కిల్‌ శ్రీకాకుళంకు స్వయంగా వచ్చి తమ బయోడేటాతో పాటు 2 ఫొటోలు, విద్య, కుల, ఆదాయం, ధ్రువీకరణ పత్రాలు, ఆధార్‌, పాన్‌కార్డ్‌, జిరాక్స్‌లను దరఖాస్తుకు జతపరచి ఈనెల 24 వ తేదీలోపు అందజేయాలని కోరారు. స్క్రీనింగ్‌ టెస్ట్‌ ప్రాతిపదికన అభ్యర్థుల ఎంపిక జరుగుతుందని, ఎంపికై న అభ్యర్థులకు బీసీ భవన్‌, గొల్లపూడి, విజయవాడలో ఉచిత శిక్షణ ఇవ్వడానికి ప్రత్యేక స్టడీ సర్కిల్‌ ఏర్పాటు చేసినట్లు తెలిపారు. శిక్షణ కాలంలో ఉచిత బస, వసతి సౌకర్యాలు ఉంటాయన్నారు. స్క్రీనింగ్‌ టెస్ట్‌ ఈనెల 27 తేదీన నిర్వహించనున్నట్లు చెప్పారు. వివరాలకు 8332852106, 7382975679 నంబర్లను సంప్రదించాలని కోరారు.