సహాధ్యక్షుడిగా నెమలపురి

సహాధ్యక్షుడిగా నెమలపురి

వజ్రపుకొత్తూరు: ఆంధ్రప్రదేశ్‌ స్కూల్‌ టీచర్స్‌ అసోసియేషన్‌ జిల్లా సహాధ్యక్షుడిగా నెమలపురి విష్ణుమూర్తి ఏకగ్రీవంగా ఎన్నికయ్యారు. ఏపీఎస్‌టీఏ రాష్ట్ర ప్రధాన కార్యదర్శి తమ్మినేని చందనరావు నుంచి ఉత్తర్వులు అందినట్లు విష్ణుమూర్తి సోమవారం తెలిపారు. ఈయన వజ్రపుకొత్తూరు మండల పల్లిసారధి జిల్లా పరిషత్‌ ఉన్నత పాఠశాలలో హిందీ ఉపాధ్యాయుడిగా పని చేస్తున్నారు. ఈ సందర్భంగా విష్ణుమూర్తి మాట్లాడుతూ.. ఉపాధ్యాయుల సమస్యలపై చిత్తశుద్ధితో పని చేస్తామని తెలిపారు. ప్రభుత్వ విద్యారంగ పరిరక్షణకు, విద్యార్థుల అభివృద్ధికి శక్తి వంచన లేకుండా పని చేస్తానన్నారు. ఈయన ఎన్నికపై చిన్నబాబు, ఎస్‌.మల్లేసు, గోవిందరాజులు, ఎన్‌.సురేష్‌ తదితరులు హర్షం వ్యక్తం చేశారు.