కొండచిలువ కలకలం

కొండచిలువ కలకలం

కంచిలి: మండలంలోని మకరాంపురం గ్రామంలో లింగాల చెరువు వద్ద సోమవారం సాయంత్రం 12 అడుగుల పొడవు ఉన్నటువంటి కొండచిలువ కలకలం సృష్టించింది. దీంతో స్థానికులు భయాందోళనకు గురయ్యారు. ఆ మార్గంలో వెళ్తున్న వారు కొండచిలువను హతమార్చినట్లు తెలిసింది.

పూరిల్లు దగ్ధం

రణస్థలం: మండలంలోని దేరసాం గ్రామంలో సోమవారం జరిగిన అగ్ని ప్రమాదంలో కోరాడ మహాలక్ష్మికి చెందిన పూరిల్లు దగ్ధమైంది. ఇంటిలో గ్యాస్‌ లీకై పేలడంతో మొత్తం ఇల్లు అగ్నికి ఆహుతైంది. అగ్నిమాపక సిబ్బంది పూర్తిగా మంటలు అదుపు చేసి, గ్యాస్‌ సిలెండర్‌ను బయటకు తీశారు. ఈ ప్రమాదంలో రూ.50,000 నగదు, ఆర తులం బంగారం, పలు ధ్రువపత్రాలు, ఎలక్ట్రికల్‌ వస్తువులు కాలిపోయాయి.