జోనల్‌ చైర్మన్‌గా దొన్నుదొర

జోనల్‌ చైర్మన్‌గా దొన్నుదొర

శ్రీకాకుళం అర్బన్‌: ఏపీఎస్‌ ఆర్టీసీ విజయనగరం జోన్‌–1 జోనల్‌ చైర్మన్‌గా సియ్యారి దొన్నుదొర సోమవారం ప్రమాణస్వీకారం చేశారు. విజయనగరంలోని ప్రజా రవాణా అధికారి కార్యాలయంలో ఉన్న చైర్మన్‌ ఛాంబర్‌లో సోమవారం ఉదయం 10.30 గంటలకు బాధ్యతలు స్వీకరించారు. ఈ కార్యక్రమానికి ఆర్టీసీ చైర్మన్‌ కొనకళ్ల నారాయణ, ఆర్టీసీ అధికారులు హాజరయ్యారు. అనంతరం శ్రీకాకుళం ఒకటి, రెండు డిపోలకు సంబంధించి రెండు నూతన అల్ట్రా డీలక్స్‌ బస్సులు, ఒక ఎక్స్‌ప్రెస్‌ బస్సును ప్రారంభించారు. కార్యక్రమంలో ఆర్టీసీ డీపీటీవో ఎ.విజయ్‌కుమార్‌, ఆర్టీసీ శ్రీకాకుళం ఒకటి, రెండు డిపోల మేనేజర్లు హనుమంతు అమరసింహుడు, కేఆర్‌ఎస్‌ శర్మ, ఆర్టీసీ శ్రీకాకుళం ఒకటి, రెండు డిపోల అసిస్టెంట్‌ మేనేజర్లు వి.రమేష్‌, ఎ.గంగరాజు, ఆర్టీసీ అధికారులు, సిబ్బంది పాల్గొన్నారు.