నేషనల్‌ గేమ్స్‌ ఖోఖో పోటీలకు ప్రవీణ్‌ ఎంపిక

నేషనల్‌ గేమ్స్‌ ఖోఖో పోటీలకు ప్రవీణ్‌ ఎంపిక

శ్రీకాకుళం న్యూకాలనీ: ప్రతిష్టాత్మక నేషనల్‌ గేమ్స్‌(సీనియర్స్‌) ఖోఖో చాంయన్‌షిప్‌ పోటీలకు శ్రీకాకుళం జిల్లాకు చెందిన కొరగాన ప్రవీణ్‌ ఎంపికయ్యాడు. ఈ పోటీలు ఉత్తరాఖండ్‌లోని హలద్వా వేదికగా ఈనెల 28 నుంచి ఫిబ్రవరి 3వ తేదీ వరకు కొనసాగనున్నాయి. పలాసకు చెందిన ఈ యువ క్రీడాకారుడు ఆంధ్రా పురుషుల జట్టుతో కలిసి పోటీల కోసం ఉత్తరాఖండ్‌ చేరుకున్నాడు. పలాసలో ఐటీఐ చేస్తున్న ప్రవీణ్‌ ఇప్పటికే సామర్లకోట వేదికగా జరిగిన స్టేట్‌మీట్‌, ఢిల్లీ వేదికగా జరిగిన నేషనల్‌ మీట్‌లో మెరుగైన ఆటతీరు కనబర్చడంతో జాతీ య క్రీడాపోటీల్లో పాల్గొనే ఆంధ్రా జట్టు కు ఎంపికచేశారు. ప్రవీణ్‌ తండ్రి కొరగాన చిన్నారావు చిన్నపాటి పండ్ల వ్యాపారం చేస్తు కుటుంబాన్ని పోషిస్తుండగా, తల్లి మీన గృహిణి. పలాస ప్రభుత్వ ఉన్నత పాఠశాలలో పదో తరగతి వరకు చదవగా, గుంటూరు శాప్‌ స్పోర్ట్స్‌ అకాడమీ హాస్టల్‌లో ఉంటూ ఇంటర్మీడియెట్‌ పూర్తిచేశాడు. ప్రస్తుతం పలాసలోని డాక్టర్‌ కణితి విద్యాసంస్థల్లో ఐటీఐ చేస్తున్నాడు.