చదువుతోపాటు క్రీడల్లో రాణించాలి

చదువుతోపాటు క్రీడల్లో రాణించాలి

కోదాడరూరల్‌: విద్యార్థులు చదువుతోపాటు క్రీడల్లో రాణించి జిల్లా, రాష్ట్ర స్థాయిలో కోదాడకు పేరుప్రఖ్యాతాలు తీసుకురావాలని జిల్లా గ్రంథాలయ సంస్థ చైర్మన్‌ వంగవీటి రామారావు అన్నారు. మంగళవారం కోదాడ పట్టణ పరిధిలోని కొమరబండ జెడ్పీ ఉన్నత పాఠశాలలో ఎస్‌జీఎఫ్‌ ఆధ్వర్యంలో నిర్వహించిన నియోజకవర్గ స్థాయి పాఠశాలల బాలబాలికల కబడ్డీ పోటీలను ఆయన ప్రారంభించి మాట్లాడారు. కోదాడ నియోజకవర్గంలో పలు క్రీడల్లో జాతీయ, అంతర్జాతీయ స్థాయిలో రాణించిన క్రీడాకారులు ఉన్నారని, వారిని ఆదర్శంగా తీసుకుని ముందుకు వెళ్లాలని కోరారు. ప్రభుత్వం క్రీడాకారులను ప్రోత్సహిస్తోందని, క్రీడాభివృద్ధికి కృషి చేస్తోందని తెలిపారు. ఈ కార్యక్రమంలో మున్సిపల్‌ చైర్‌పర్సన్‌ సామినేని ప్రమీల, టీపీసీసీ సభ్యుడు చింతకుంట్ల లక్ష్మీనారాయణరెడ్డి, మున్సిపల్‌ వైస్‌ చైర్మన్‌ కందుల కోటేశ్వరరావు, హెచ్‌ఎం గోవిందయ్య, ఎస్‌జీఎఫ్‌ జిల్లా సెక్రటరీ ఆజంబాబా, కౌన్సిలర్‌ మామిడి పద్మావతి, మాజీ సర్పంచ్‌ సంపెట రవిగౌడ్‌, మామిడి రామారావు, క్రీడల కన్వీనర్‌ కొండలు, పీఈటీలు ఉన్నారు.

ఫ జిల్లా గ్రంథాలయ సంస్థ చైర్మన్‌ వంగవీటి రామారావు