TV
అర్వపల్లిలో కేటీఆర్‌కు ఘన స్వాగతం
అర్వపల్లి: బీఆర్‌ఎస్‌ రాష్ట్ర వర్కింగ్‌ ప్రెసిడెంట్‌, మాజీ మంత్రి కేటీఆర్‌, సూర్యాపేట ఎమ్మెల్యే, మాజీ మంత్రి జగదీష్‌రెడ్డిలకు తుంగతుర్తి మాజీ ఎమ్మెల్యే గాదరి కిశోర్‌కుమార్‌ ఆధ్వర్యంలో సోమవారం అర్వపల్లిలో బీఆర్‌ఎస్‌ శ్రేణులు ఘనస్వాగతం పలికాయి. మహబూబాబాద్‌లో చేపట్టిన మహాధర్నాకు కేటీఆర్‌ వెళ్తూ అర్వపల్లిలో కొద్దిసేపు ఆగారు. కేటీఆర్‌ తన వాహనం దిగి గాదరి కిశోర్‌ ఏర్పాటుచేసిన రథంపై ఎక్కి ప్రజలకు అభివాదం చేశారు. కేటీఆర్‌కు జెడ్పీటీసీ మాజీ సభ్యుడు దావుల వీరప్రసాద్‌యాదవ్‌ దట్టీ కట్టగా ఆయన సతీమణి, మాజీ ఎంపీపీ దావుల మనీషా తిలకందిద్ది తల్వార్‌ బహూకరించారు. అనంతరం రథంపై భారీ ర్యాలీతో విజ్ఞాన్‌ పాఠశాల వరకు వెళ్లి అక్కడే ఉన్న వీరప్రసాద్‌యాదవ్‌ ఇంటికి వెళ్లగా పుష్పగుచ్ఛంతో స్వాగతం పలికారు. అక్కడ నియోజకవర్గంలోని అన్ని మండలాల బీఆర్‌ఎస్‌ అధ్యక్షులు, ముఖ్య నాయకులను కేటీఆర్‌కు కిశోర్‌ పరిచయం చేశారు. ఈ సందర్భంగా కాంగ్రెస్‌ ప్రభుత్వ ఆరు గ్యారంటీల అమలుకు పోరాడాలని పార్టీ శ్రేణులకు కేటీఆర్‌ పిలుపునిచ్చారు. బీఆర్‌ఎస్‌ శ్రేణులు అధైర్య పడవద్దని అండగా ఉంటానని హామీ ఇచ్చారు. కాగా కేటీఆర్‌ రథంపై ర్యాలీగా వెళ్తున్న సమయంలో సీఎం సీఎం అంటూ పార్టీ కార్యకర్తలు నినాదాలు చేశారు. ఈ కార్యక్రమంలో బీఆర్‌ఎస్‌ జిల్లా అధ్యక్షుడు బడుగుల లింగయ్యయాదవ్‌, మాజీ ఎంపీ బాల్క సుమన్‌, ఎమ్మెల్యే కౌశిక్‌రెడ్డి, ఆర్‌ఎస్‌ ప్రవీణ్‌కుమార్‌, ఎమ్మెల్సీ కోటిరెడ్డి, మాజీ ఎమ్మెల్యే మల్లయ్యయాదవ్‌, బీఆర్‌ఎస్‌ మండల అధ్యక్షుడు గుండగాని సోమేష్‌గౌడ్‌, గుజ్జ యుగంధర్‌రావు, మొరిశెట్టి ఉపేందర్‌, మాజీ జెడ్పీటీసీ జీడి భిక్షం, మారిపెద్ది శ్రీనివాస్‌గౌడ్‌, నిమ్మల శ్రీనివాస్‌గౌడ్‌, వల్లపు గంగయ్య, బొడ్డు రామలింగయ్య, పందిరి యుగేంధర్‌, కడారి నరేష్‌, ప్రభు, హమీద్‌, గాదరి వెంకట్‌, డాక్టర్‌ రామకోటి, జీడి ఉపేందర్‌, సోనబోయిన వెంకన్న, కొమారి నాగరాజు పాల్గొన్నారు.
Comments
Please login to add a commentAdd a comment