మట్టపల్లిలో కోటి దీపోత్సవం

మట్టపల్లిలో కోటి దీపోత్సవం

మఠంపల్లి: మట్టపల్లి శ్రీలక్ష్మీనరసింహస్వామి దేవాలయంలో కార్తీకమాసం సందర్భంగా సోమవారం రాత్రి కోటిదీపోత్సవం నిర్వహించారు. ఈసందర్భంగా ముందుగా ఆలయంలో శ్రీస్వామి వారికి ప్రత్యేక పూజలు చేశారు. శ్రీస్వామి,అమ్మవారి ఉత్సవమూర్తులను ప్రత్యేక పల్లకిలో కృష్ణానదిలోని ప్రహ్లాద స్నానఘాట్‌కు తరలించి హారతులు ఇచ్చారు. అనంతరం రాజగోపురం వద్దకు తరలించారు. ఊంజళ్‌సేవ నిర్వహించారు. భక్తులు శ్రీనృసింహనామసంకీర్తనలు ఆలపించారు. కార్యక్రమంలో విజయ్‌కుమార్‌, మట్టపల్లిరావు, నవీన్‌ కుమార్‌, రామాచార్యులు, పద్మనాభాచార్యులు, బదరీ నారాయణాచార్యులు, లక్ష్మీనరసింహమూర్తి, ఫణిభూషణమంగాచార్యులు, ఆంజనేయాచార్యులు పాల్గొన్నారు.