సామూహిక సత్యనారాయణస్వామి వ్రత పూజలు

సామూహిక సత్యనారాయణస్వామి వ్రత పూజలు

కొరుక్కుపేట: కార్తీక పౌర్ణమి పర్వదినం సందర్భంగా మొగప్పెర్‌ తెలుగు కల్చరల్‌ అండ్‌ సోషియల్‌ అసోసియేషన్‌ ఆధ్వర్యంలో సామూహిక సత్యనారాయణ స్వామి వ్రత పూజలను వైభవంగా నిర్వహించారు. చైన్నె మొగప్పెర్‌ సంతాన శ్రీనివాస పెరుమాళ్‌ సత్‌ సంఘ్‌ మండపం వేదికగా లోక కల్యాణాన్ని కాంక్షిస్తూ 60 మంది దంపతులతో సామూహిక శ్రీ సత్యనారాయణ స్వామి వ్రతం, దీప పూజలను భక్తిశ్రద్ధలతో నిర్వహించారు. శుక్రవారం ఉదయం 9.30 గంటలకు గణపతి పూజతో కార్తీక పౌర్ణమి ఉత్సవాలు ప్రారంభమయ్యాయి. సత్యనారాయణ స్వామి చిత్ర పటాన్ని ఉంచి సామూహిక పారాయణం మధ్య పూజలను దంపతులు భక్తితో చేసి స్వామివారి కృపకు పాత్రులయ్యారు. సంఘం అధ్యక్షుడు డాక్టర్‌ గిరి హనుమంతరావు, వీవీబీ రావు, ఎన్‌.నిర్మల్‌ చందర్‌, టీఎంకే కుమార్‌, సభ్యులు కార్యక్రమాన్ని పర్యవేక్షించే ముత్తైదువులకు పసుపు, కుంకుమను అందజేశారు.